வார்த்தை விளையாட்டு

தீஷுவை ஏதாவது ஒரு வழியில் வாசிக்க வைத்துக் கொண்டே இருக்க வேண்டும் என்பது என் எண்ணம். புத்தக்த்திலிருந்து மட்டுமே வாசிக்கச் சொன்னால் அவளுக்குச் சி(ப) ல நேரங்களில் விருப்பம் இருப்பதில்லை.

அவளே வாசிக்க வைக்க அந்த நேரத்தில் கையில் கிடைக்கும் பொருட்களைக் கொண்டு விளையாட்டு போல் செய்தால் அவளுக்கு ஆர்வம் இருக்கிறது.

1. வார்த்தை பிங்கோ (Word Bingo) :

தீஷு டிக் டாக் டோ விளையாட‌ ப‌ழ‌கிய‌ப்பின் இதை ஆர‌ம்பித்தேன். 3*3 க‌ட்ட‌த்தில் ஒன்ப‌து வார்த்தைக‌ள் எழுதிக் கொண்டேன். நான் கூறும் வார்த்தை எழுதியிருந்த‌ ஒன்ப‌து வார்த்தைக‌ளில் இருந்தால், அந்த‌ வார்த்தை மேல் க‌ல்லை வைக்க‌ வேண்டும். எப்பொழுது ஒரு வ‌ரிசையாக‌ நிர‌ம்புகிற‌தோ அப்பொழுது நிறு‌த்த‌ வேண்டும். நான் தேர்ந்தெடுக்கும் வார்தையைக் கண்டுபிடிக்க அவள் திரும்ப திரும்ப அந்த 9 வார்த்தைகளையும் வாசித்துக் கொண்டே இருக்கிறாள் :-))

2. கீழுள்ள வாக்கியங்கள் எடுத்துக் கொண்டேன்.

net is wet
see the sun
this is pig
dog sat on the log



ஒவ்வொரு வாக்கியத்தையும் ஒவ்வொரு கலர் பேப்பரில் எழுத வேண்டும் என்று நினைத்திருந்தேன். ஆனால் கலர் பேப்பர் கிடைக்க வில்லை. அதனால் வெள்ளை காகிதத்தில் வெவ்வேறு கலரில் எழுதினேன். ஒவ்வொரு வார்த்தையாக கிழித்துக் கொண்டேன். ஒரு கண்ணாடி கிண்ணத்தில் வைத்து விட்டேன். முதலில் தீஷு ஒவ்வொரு வார்த்தையாக எடுத்து கலர் அடிப்படையில் பிரிக்க வேண்டும். பின்பு ஒரு பிரிவில் இருக்கும் வார்த்தைகளை வாசித்து அவற்றை வரிசையாக அடுக்க வேண்டும். இதனால் வாசித்த மாதிரியும் ஆகி விட்டது. வார்த்தை உருவாக்க பழகிய மாதிரியும் ஆகிவிட்டது.

3. ஒரு கருப்பொருள் எடுத்துக்கொண்டோம். உதாரணத்திற்கு vegetable. அதன் கீழ் வரும் பொருட்கள் மட்டும் எழுத வேண்டும் - tomato, onion etc.. வார்த்தைகள் பெரிதாக இருந்தாலும் அவளுக்கு இரண்டு மூன்று எழுத்துகள் வாசித்ததும் கருப்பொருள் கொண்டு யூகிக்க முடிகிறது.

உங்கள் குழந்தைக்கு வாசிக்க எப்படி பழக்குனீர்கள்?

கதை சொல்லி

சென்ற வருடம் தீஷு பள்ளியிலிருந்து வந்திருந்த ஒரு கமெண்ட் அவள் பேச்சுத்திறமையையும் அடுத்தவரிடம் பழகும் தன்மையும் மேம்படுத்த வேண்டும். தீஷு அடுத்தவரிடம் பழகுவதற்கு நேரம் எடுத்துக்கொள்வாள். அடுத்தவரிடம் பழகும் வரை பதிலும் சொல்ல மாட்டாள். பள்ளியில் சொன்னது அவளை பேச வைத்துக் கொண்டே இருங்கள் - உங்களிடமோ மற்றவர்களிடமோ.

அவளைப் பேச வைக்க எங்கள் வாசிக்கும் நேரத்தை உபயோகப்படுத்திக் கொண்டேன். what is the boy is doing, how is he feeling, happy or sad? என்பதைப் போன்றன. இன்று வரை எங்களின் அந்தப் பழக்கம் தொடர்கிறது.

அதைச் சற்று மேம்படுத்தி, செய்தித்தாளின் கூட வரும் கூடுதல் பேப்பரில் நல்ல தரமான படங்கள் வரும். அவற்றைப்பற்றி நான் கேள்வி கேட்க, அவள் பதில் கூறுவாள். what is the aunty doing? do you like her dress? where is she standing? போன்றன. சில நாட்களில் தீஷுவே படத்தைப் பார்த்து சில வார்த்தைகள் கூறத் தொடங்கினாள்.

இப்பொழுது தீஷுவிற்கு கதை சொல்லுவதற்கு விருப்பம் வந்திருக்கிறது. செய்தித்தாளின் படத்தைப் பார்த்து சொல்லச் சொன்னேன். அவளுக்கு அதில் விருப்பம் இருக்கவில்லை. அவளே அவள் கதையின் நாயகி ஆக்கினேன். அவளின் இரு வகை புகைப்படங்களை எடுத்துக் கொள்வேன். உதாரணத்திற்கு ஒன்றில் உட்கார்ந்து இருந்தால் மற்றொன்றில் நின்று கொண்டு இருப்பது. இரண்டையும் பார்த்து ஏதாவது சொல்ல வேண்டும்.

நேற்று இரண்டு படங்கள் கொடுத்தேன். ஒன்றில் ஒரு சிங்க பொம்மையைப் பார்த்து அழுது கொண்டிருந்தாள். மற்றொன்றில் சிரித்துக் கொண்டிருந்தாள். அவளிடமிருந்த மற்ற சிறு சிறு பொருட்களையும் எடுத்துக் கொண்டோம். தீஷு சொன்ன கதை -
Lion scared Dheekshitha and (she) cried. Amma was having a cup of coffee (ஒரு காபி கப் இருந்தது, அதையும் கதையில் இணைத்துக் கொண்டாள்) and came running. She told that this bird, camel, elephant and lion are only toys. Dheekshitha was happy.

அவளே அவள் கதையின் நாயகி என்பது அவளுக்கு மிகவும் பிடித்திருக்கிறது. இன்னும் சில நாட்களுக்குப்பிறகு மேலும் சில கேள்விகள் கேட்டு அவள் கதையை மெருகேத்த வைக்கலாம் என்று நினைத்திருக்கிறேன்.

Moveable alphabets

வாசிக்கப்பழகுவதற்கும், வார்த்தை உருவாக்கப்பழகுவதற்கும் நிறைய வித்தியாசங்கள் இருக்கின்றன. வார்த்தை உருவாக்கப் பழக்குவதற்கு மாண்டிசோரியில் உபயோகப்படுத்தப்படும் முக்கிய கருவி - moveable alphabets. எழுதத் தெரியாத குழந்தை முதலில் வார்த்தை உருவாக்கப்பழகினால் இது மிகவும் உபயோகமாக இருக்கும். அனைத்து எழுத்துக்களும் தனித்தனி பிரிவுகளில் அடுக்கப்பட்டு இது போல் இருக்கும்.

தீஷுவிற்கு வார்த்தை உருவாக்கப் பழக்கிக்கொண்டு இருக்கிறேன். வார்த்தைகள் உருவாக்கும் பொழுது எழுதவும் சொன்னால் இரு செயல்களில் கவனம் இருப்பதால் கடினமானதாக இருக்கும் என்று எண்ணி மாக்னெட்டிக் எழுத்துக்கள் உபயோகப்படுத்திக் கொண்டு இருந்தோம். ஆனால் moveable alphabets செய்ய வேண்டும் என்று நினைத்துக் கொண்டே இருந்தேன். எதில் எழுத்துக்களை சேமிப்பது என்று தெரியவில்ல. Ferrero Rocher காலி டப்பாவைப் பார்த்தவுடன், எழுத்துக்களை வைப்பதற்கு நல்ல இடம் கிடைத்து விட்டது என்று தோன்றியது.



வலையிலிருந்து பிரிண்ட்-அவுட் எடுத்து, எழுத்துக்களை கத்தரித்து வைத்து விட்டேன். ஆனால் இதில் எழுத்துக்களை தேடுவது தீஷுவிற்கு கடினமானதாக இருக்கிறது. புதிதாக இருந்த அன்று 3 - 4 வார்த்தைகள் உருவாக்கினாள். அதன் பின் உபயோகப்படுத்தவில்லை. தொட‌ர்ந்து உப‌யோக‌ப்ப‌டுத்த‌ ஊக்குவிக்க‌ வேண்டும்.

கொடுமை முடிய‌வில்லையா?

கடந்த சில பதிவுகளில் வாசிப்பத்தைத் தவிர வேற எதையும் எழுதவில்லை. பொறுத்தருளுக. இது வார்த்தைகள் உருவாக்கும் பொழுது எடுத்த‌ வீடியோ..

பொனிடிக்ஸ் கற்றுக் கொண்டால் எளிதாக‌ வார்த்தைக‌ள் உருவாக்க‌ முடிகிற‌து. இது Vowel "A" revise ப‌ண்ணும் பொழுது எடுத்தது.

எதுவும் மிக‌ முக்கிய‌ விச‌ய‌ம் இருந்தாலொழிய‌ மீண்டும் வாசிக்கும் ப‌திவு எழுதும் எண்ண‌ம் இல்லை :-))

தொப்பியில் பூனை எலி...

தீஷுவிற்கு வாசிக்கப் பழக்குவதற்கு ஏதுவாக மிக குறைவான வாக்கியங்கள் கொண்ட புத்தகங்கள் எங்களிடம் அதிகமாக இல்லை. இருக்கின்ற புத்தகங்களிலும் அவளுக்குத் தெரியாத வாக்கியங்கள் இடையில் இருப்பதால் அவளுக்கு என் உதவி தேவைப்பட்டது. முழு புத்தகத்தையும் அவளே வாசித்தத் திருப்தியை அவளுக்குத் தர, அவளுக்குத் தெரிந்த வாக்கியங்கள் கொண்ட புத்தகத்தை முன்பே அவளுக்காக செய்திருந்தேன். அவளுக்கு மிகவும் பிடித்திருந்த்து.



இந்த முறை -at வாக்கியங்கள் கொண்ட புத்தகங்கள் இணையத்தில் தேடிய பொழுது எளிமையான புத்தகம் ஒன்றும் கிடைக்கவில்லை. ஆகையால் போன முறை போல செய்யலாம் என்று சில -at வாக்கியங்கள் உருவாக்கிக்கொண்டேன்.



cat

fat cat

fat cat sat

cat on mat

cat on hat

bat on mat

rat on mat

hat on mat

mat in hat

pat on cat

rat on hat

bat on hat



சென்ற முறை படங்கள் இணையத்திலிருந்து எடுத்திருந்தேன். ஆனால் இந்த முறை நல்ல படங்கள் கிடைக்கவில்லை. ஆகையால் ஒரு அதிர்ச்சிகரமான முடிவு எடுத்தேன். படங்களை நானே வரைந்து விட்டேன். :-)). தோழி ஒருவரும் சில படங்கள் வரைந்து கொடுத்தார்.



அதன் பின் சில இணையதளங்கள் வாசிக்க பழகுவதற்கான புத்தகங்கள் இலவசமாக வழங்குவதைப்பார்த்தேன். அதிலிருந்து எடுக்கத்தொடங்கியவுடன் தீஷு என் வரைபடங்களிலிருந்து தப்பித்துக்கொண்டாள். தளங்கள்

http://www.jmeacham.com/emergent.readers.htm (லிங்கில் பல லிங்க் உள்ளன)

http://www.hubbardscupboard.org/printable_booklets.html#WordFamilyBooklets

http://www.progressivephonics.com/

இவற்றில் மூன்றாவதாக உள்ள progressivephoncis ஒரு வாசிக்கப்பழக்கும் உத்தியை சொல்லித்தருகிறது. முற்றிலும் இலவசம். ஒரிரண்டு எழுத்துக்கள் ஒவ்வொரு புத்தகத்திலும் அறிமுகமாகுகின்றன. முதலில் நாமும் குழந்தைகளுடன் சேர்ந்து வாசிக்க வேண்டும். புத்தகத்தில் பெரிய எழுத்துடைய வார்த்தைகள் குழந்தை வாசிக்க வேண்டும். சிறிய எழுத்து நமக்கு. இவ்வாறே வாசித்துக் கொண்டே சென்றால் குழந்தை வாசிக்க பழகிவிடும் என்பது அவர்கள் உத்தி. அனைத்து தகவல்களும் தளத்தில் உள்ளன.

இவற்றிலிருந்து எடுக்கும் புத்தகங்கள் தீஷுவிற்கு personalized ஆக இருக்காது என்பதால் மேலும் சில புத்தகம் தயாரித்து தீஷுவை பயமுறுத்தலாம் என்ற யோசனை இருக்கிறது.

Silly words

இப்பொழுது தீஷுவுட‌னான‌ என் பொழுது வாசிப்ப‌தில் தான் போகிற‌து. நான் அவ‌ளுக்கு வாசித்து காண்பிப்ப‌திலோ அல்ல‌து அவளை வாசிக்க‌ பழ‌க்குவ‌திலோ.

Sight words ப‌ற்றி எழுதியிருந்தேன். அவ‌ற்றை இப்பொழுது தீஷு க‌ண்டுபிடிப்ப‌தால், அவ‌ற்றைக் கொண்டு வார்த்தைக‌ள் பழ‌க்க‌லாம் என்று நினைத்தேன். உதார‌ண‌த்திற்கு at தெரிவ‌தால், c-at, b-at, h-at போன்ற‌வ‌ற்றை வாசிக்க‌ ப‌ழ‌க்குவ‌து. அத‌ற்கு முன்பு செய்த இந்த‌ புத்த‌க‌ம் போல் செய்து கொண்டேன். இதில் முத‌ல் பாக‌த்தில் ஒரு எழுத்தும், இர‌ண்டாம் பாக‌த்தில் இர‌ண்டு எழுத்துக‌ள்.c & at என்று சேர்த்து வாசிக்க‌ வேண்டும். இது எழுத்துக‌ளை blend செய்து வாசிக்க‌ ப‌ழ‌க‌ உத‌வும்.




தீஷு காலையில் எழுந்த‌வுட‌ன் ப‌ல் தேய்க்கும் முன்னே எடுத்து வாசிக்க‌த் தொட‌ங்கினாள். புத்த‌க‌ம் வாசிப்ப‌தில் ஆர்வ‌மா அல்ல‌து ப‌ல் தேய்ப்ப‌தைத் தள்ளி போட‌வா என்று க‌ண்டுபிடிக்க‌ அடுத்த‌ ஒன்றும் ரெடி. இந்த‌ முறை sight words இல்லாம‌ல் og, ig, ed போன்ற‌வை ப‌ய‌ன்ப‌டுத்தினேன். CVC வார்த்தைக‌ளில் vowelசில் e,i போன்ற‌வற்றில் அவ‌ளுக்குப் ப‌யிற்சி தேவைப்ப‌ட்ட‌து. அந்த‌ பயிற்சிக்கு இவை உத‌வும். இவ‌ற்றில் ப‌ல‌ அர்த்த‌மில்லா வார்த்தைக‌ளும் வ‌ருகின்ற‌ன. தீஷு வாசித்த‌வுட‌ன் Silly words என்று சொல்லிக் கொள்கிறாள்.

இது போல் செய்ய விரும்புபவர்கள் இங்கிருந்து தரமிறக்கிக் கொள்ளலாம்.

நான் வாசிக்கிறேனே அம்மா..

Slight words ப‌ற்றி எழுதியிருந்தேன். வார்த்தைக‌ளை காண்பித்தும், அவ‌ற்றைக் கொண்டு சில‌ விளையாட்டுக‌ள் விளையாண்டும் 16 வார்த்தைக‌ள் க‌ற்றுக் கொண்டாள். அந்த‌ 16 வார்த்தைக‌ளையும் சில‌ புத்த‌க‌ங்க‌ளில் க‌ண்டுபிடிக்க‌வும் செய்கிறாள். அத‌னால் அவ‌ற்றைக் கொண்டு வாக்கிய‌ங்க‌ள் அமைத்து புத்த‌க‌மாக‌ செய்து வாசிக்க‌ப் ப‌ழ‌க்க‌லாம் என்று நினைத்தேன். சில‌ த‌ள‌ங்க‌ளில் தேடிப்பார்த்தேன். கிடைத்த‌ அனைத்து புத்த‌க‌ங்க‌ளிலும் அதிக‌ வார்த்தைக‌ள் இருந்த‌ன‌. இல்லையேல் தீஷுவிற்கு தெரிந்த‌ வார்த்தைக‌ள் இல்லை. ஆகையால் நானே புத்த‌க‌ம் மாதிரி ஒன்றை செய்து விட்டேன். நான் செய்த‌ "புத்த‌க‌ம் மாதிரி ஒன்று" வேண்டுமென்றால் இங்கிருந்து எடுத்துக்கொள்ள‌லாம்

தீஷுவிற்கு தெரிந்த‌ வார்த்தைக‌ளை கொண்டு இர‌ண்டு வார்த்தைக‌ள் கொண்ட‌ வாக்கிய‌ங்க‌ள் கூட‌ உருவாக்க‌ முடிய‌வில்லை. ஆகையால் அவ‌ளுக்குத் தெரியாத‌ வார்த்தைக‌ளுக்கு ப‌தில் ப‌ட‌ங்க‌ள் வைத்து விட்டேன். உதார‌ண‌த்திற்கு என்ப‌த‌ற்கு an ant என்ற‌ வார்த்தைக்கு antக்கு ப‌ட‌ம். இவ்வாறாக‌ இர‌ண்டு வார்த்தைக‌ள், மூன்று வார்த்தைக‌ள், நான்கு வார்த்தைக‌ள் கொண்ட‌ வாக்கிய‌ங்க‌ள் உருவாக்கி புத்த‌க‌ம் த‌யாரித்து இருந்தேன்.

தீஷுவிற்கு பிடித்திருந்த‌து. அவ‌ளே புத்த‌க‌ம் வாசித்த‌தில் அவ‌ளுக்கு மிக‌வும் ச‌ந்தோஷ‌ம். இந்த‌ மாதிரி புத்த‌க‌ங்க‌ளினால் குழ‌ந்தைக‌ளுக்கு சில‌ ந‌ன்மைக‌ள் :

1. இட‌மிருந்து வ‌ல‌ம் ப‌டிக்க‌ ப‌ழ‌குத‌ல்
2. எழுத்துக‌ள் வார்த்தைக‌ளாவ‌து அறித‌ல்
3. வார்த்தைக‌ள் வாக்கிய‌ங்க‌ளாவ‌து அறித‌ல்
4. இடைவெளிக‌ள் பார்த்த‌வுட‌ன் வார்த்தைக‌ள் முடிந்து விட்ட‌து என‌ அறித‌ல்

மிக‌வும் முக்கிய‌மான‌து இம்மாதிரி புத்த‌க‌ங்க‌ள் அளிக்கும் த‌ன்ன‌ம்பிக்கை. த‌ன்னால் வாசிக்க‌ முடியும் என்ற‌ ந‌ம்பிக்கை. ப‌டித்து முடித்த‌வுட‌ன் தீஷுவின் முக‌த்தில் பார்த்த‌ புன்ன‌கை அவ‌ள் ந‌ம்பிக்கையைச் சொன்ன‌து.

Sight words

கடந்த ஒரு மாதமாக எழுதவில்லை. சொந்த வேலைகள் அதிகமென்றாலும் எழுத விஷயம் இல்லையென்பதும் ஒரு காரணம். தீஷுவிற்கு இப்பொழுது கற்பதை விட கற்றுக் கொடுப்பதற்கு ஆர்வம் அதிகமாக இருக்கிறது. நேரம் செலவழித்து நாம் தயாரித்து அவள் முன்னால் எடுத்துச் சென்றால், நொடி பொழுதில் அவள் டீச்சராகி அவள் இஷ்டத்திற்கு சொல்லித்தர ஆரம்பித்து விடுகிறாள். முதலில் நாம் சொல்லும் ஆக்டிவிட்டி அவளுக்குக் கடினமானதாக இருக்கிறதோ என்று நினைத்தேன். ஆனால் அனைத்திற்கும் அவ்வாறே செய்ததால் சில காலம் விட்டுப் பிடிக்கலாம் என்று விட்டு விட்டேன். அவள் நேரம் அவள் பொம்மையுடனே கழிகிறது. அப்பொழுதும் அம்மா விளையாட்டு... அவள் கற்பனைத்திறன் அதிகரிக்கிறது என்று மகிழ்ந்தாலும் அவள் எப்பொழுதும் கற்பனை உலகத்திலிருப்பது நாம் அவளுடன் அதிக நேரம் செலவழிப்பது இல்லையோ என்றும் உறுத்துகிறது.



விருப்பம் காட்டிய சில நேரங்களில் சொல்லித்தந்தவை....

ஆங்கிலம்






Slight words : ஆங்கிலத்தில் சில வார்த்தைகளை phonetics முறையில் கற்க முடியாது. அத்தகைய வார்த்தைகளைப் பார்த்தவுடன் படிக்க வேண்டும். தெளிவாகச் சொன்னால் மனப்பாடம் செய்ய வேண்டும். அவ்வாறுள்ள வார்த்தைகளை Dolch என்பவர் தொகுத்திருக்கிறார். அதில் 220 வார்த்தைகள் உள்ளன. அந்த தொகுப்பு இணையத்தில் கிடைக்கிறது. குழந்தைகள் புத்தக்கத்தில் அவ்வார்த்தைகள் தான் 50 - 75 % வரை இருக்குமாம். Dolch லிஸ்ட்டில் சில வார்த்தைகள் phonetics முறையில் வாசிக்கும் படிதான் இருக்கிறது. அதில் 2 எழுத்து வார்த்தை தொகுப்பு http://www.childcareland.com/ யிலிருந்து எடுத்துக் கொண்டு தீஷுவிற்கு சொல்லிக் கொடுத்தேன். அதில் 16 வார்த்தைகள் இருந்தன். 4 வார்த்தைகள் மட்டும் எடுத்துக் கொண்டோம். மாண்டிசோரி 3 period method முறையில் சொல்லிக் கொடுத்தேன். முதலில் வார்த்தைகளைத் தொட்டு சொன்னேன். பின்பு நான் சொல்ல அவள் எடுத்துக் கொடுத்தாள். பின்பு ஒவ்வொன்றையும் அவள் வாசித்தாள். மற்ற வார்த்தைகளுடன் கலந்தவுடன் அவளால் கண்டுபிடிக்க முடியவில்லை. மீண்டும் அதே தளத்திலிருந்து வேறொன்று எடுத்து நான் வாசித்து அவளை மரத்திலுள்ள வார்த்தையின் மேல் பொருத்தச் சொன்னேன். எனக்கு இந்த மனப்பாட முறையில் கற்றுத்தர முடியாது என்று தோன்றுகிறது. ஆனால் இந்த வார்த்தைகளை பொனிடிக்ஸ் முறையிலும் வாசிக்க முடியாது. Bingo போன்ற விளையாட்டு மூலம் கற்றுத்தர முடியுமா என்று பார்க்க வேண்டும்.


கணிதம் :


1. Cuisenaire Rods - Rod டைப் பார்த்தால் அதன் மதிப்பைச் சொல்லக் கற்றுக் கொண்டுவிட்டாள். அதனால் பத்திலிருந்து ஒன்று வரை தலை கீழாக சொல்ல கற்றுக் கொடுத்துள்ளேன். முதலில் பெரியது முதல் சிறியது வரை ராடை அடுக்க வேண்டும். பின்பு அதன் மதிப்பைச் சொல்ல வேண்டும். ராடு இல்லாமல் சொல்லத் தெரியாது. பில்டிங் ஸெட் கொண்டு இது போல் ராடு உருவாக்கி கூட சொல்லிக் கொடுக்கலாம்.

2. Cuisenaire Rod கொண்டு இரண்டு எண்களில் பெரியது சிறியது சொல்வது. இதைப் பழகியவுடன் மூன்று எண்களை சிறியது முதல் பெரியது வரை அடிக்குவதற்குச் சொல்லிக் கொடுக்கலாம் என்று நினைத்திருக்கிறேன்.

3. கூட்டலில் ஆர்வம் வந்திருக்கிறது. இரண்டு கை விரல்களைக் கொண்டு எப்பொழுதும் 3 +3 = என்றும், 4 + 2 = என்றும் அவளாகவே கேள்வியையும் கேட்டு பதிலையும் சொல்லிக் கொண்டிருக்கிறாள். ஊக்கப்படுத்த செயல்முறைகள் செய்ய வேண்டும்.

அறிவியல் :

1. தாத்தா, வீட்டின் பின் வைத்த தக்காளி செடியில், தக்காளி காய்க்கத் தொடங்கி விட்டது. சில வாண்டுகள் பிஞ்சை எடுத்து மிதித்து, வீண் அடிப்பதால், தாத்தா பிஞ்சை பறிக்க ஆரம்பித்து விட்டார். சிலவற்றை எங்களுக்கு சமைக்கக் கொடுத்தார். மினியேச்சர் தக்காளியைப் பார்த்தவுடன் தீஷுவிற்கு சந்தோஷம். அவளுக்குத் தக்காளி பூவைக் காட்டி பூவிலிருந்து பழம் வருவதைக் காண்பித்தேன். இப்பொழுது தான் சாப்பிடும் ஒரு பொருள் செடியிலிருந்து வருவதை அவள் நேரில் பார்க்கிறாள். வீட்டிற்கு வந்தவுடன் அவளே மூன்று தக்காளிகளை வெட்டினாள். இந்த முறை நான் சமைக்க பயன்படும் கத்தியையே கொடுத்து விட்டேன்.

2. இது அப்பா செய்து காட்டியது. தண்ணீரில் போட்டால் உலர்ந்த திராட்சை மூழ்கிவிடும். அதில் பேக்கிங் சோடா கலந்தவுடன் திராட்சை மிதக்க ஆரம்பித்துவிடும். நன்றாக வரவில்லை. ஆனால் தீஷுவிற்கு நுரை பொங்கும் தண்ணீரில் விளையாட ஆர்வம் அதிகமாகவே இருந்தது.

3. Solid, Liquid, Gas பற்றி சொல்லிக் கொடுத்தேன். ஐஸ் கட்டிகளை எடுத்துக் கொண்டோம். Solid என்றேன். அதை அடுப்பில் வைத்து சூடு ஆக்கி தண்ணீர் ஆக்கி Liquid என்றேன். சிறிது நேரம் கழித்து, மீண்டும் தண்ணீரை ஃப்ரிச்சில் வைத்து ஐஸ் கட்டிகள் ஆக்கினோம். பலூன் கொண்டு காற்றினால் பெரிதாகிறது என்று விளக்கினேன்.

Visual discrimination :

1. இது http://www.childcareland.com/ டிலிருந்து எடுத்தது. படங்களை அதன் ஜோடியோடு பொருத்த வேண்டும்

மூன்றெழுத்தில்....

தீஷுவின் வாசிப்பு ஆர்வத்திற்கென சில வார்த்தைகளை அதன் படங்களுடன் இணைத்தோம் என்பதை இங்கு எழுதியிருந்தேன். அதன் தொடர்ச்சியாக ஒரு படத்தை ஒரு பேப்பரில் ஒட்டி விட்டு அதன் அடியில் அதன் வார்த்தையை மாக்னெட்டிக் எழுத்துகளைக் கொண்டு வரைந்து விட்டேன். பென்சிலால் அனைத்து வார்த்தைகளையும் வரைந்து முடிந்தவுடன், மார்க்கரால் ஒரு வார்த்தை எழுதி முடித்தவுடன், மற்ற அனைத்தையும் தான் தான் செய்ய வேண்டும் எனச் சொல்லிவிட்டாள். புகைப்படங்கள் படங்கள் ஒட்டும் முன் எடுத்தவை. படத்தைப் பார்த்து எழுத்துக்களை வார்த்தையின் மேல் அடுக்கி வாசிக்க வேண்டும். தீஷு மிகவும் ஆர்வமாகச் செய்யவில்லை.

அடுத்து ஒரு அட்டையில் மூன்று பாகங்களாகப் பேப்பர் ஒட்டிவிட்டேன். இரண்டாம் பாகத்தில் vowels. முதல் மற்றும் மூன்றாம் பாகத்தில் consonants. நான் தேர்ந்தெடுத்த முதல் பாக consonants - B, C, M, H, R, மூன்றாம் பாக consonants - T, P, D, N. படங்களிலுள்ளது போல் அனைத்து வார்த்தைகளுக்கும் அர்த்தம் வரும் என்று சொல்ல முடியாது. ஆனால் blend செய்வதற்கு நல்லதொரு பயிற்சியாக அமையும். இந்த ஐடியா நெட்டிலிருந்து எடுத்தது.

ஸ்அன்

தீஷுவிற்கு வாசிப்பதற்கு ஆர்வம் வந்திருக்கிறது என்று நினைக்கிறேன். எதைப் பார்த்தாலும் படிப்பது போல் எழுத்துக் கூட்டி வாசித்துக் கொண்டேயிருக்கிறாள். அதனால் அவளுக்குச் சொல்லிக் கொடுக்கலாம் என CVC (Consonants - Vowels - Constants ) வார்த்தைகளும் அதற்குரிய படங்களையும் எடுத்துக் கொண்டு வார்த்தைகளை வாசித்து படங்களுடன் பொருத்தச் சொல்லலாம் என்று படங்கள் தேடிய பொழுது இந்த தளம் கிடைத்தது. ஃப்ரியாக ரிஜிஸ்டர் செய்து கொண்டால் டவுன் லோடு செய்து கொள்ளலாம். மிகவும் உபயோகமான பல தகவல்கள் கொட்டிக்கிடக்கின்றன. எனக்கும் தளத்தை முழுமையாகப் பார்ப்பதற்கு நேரம் கிடைக்கவில்லை. பார்க்க வேண்டும்.

16 படங்களும் வார்த்தைகளும் இருந்தன. தீஷுவே அனைத்தையும் வார்த்தைகள் தனியாகவும் படங்கள் தனியாக வெட்டினாள். பின்பு மூன்று வார்த்தைகளையும் அதன் படங்களையும் எடுத்துக் கொண்டோம். மூன்று படங்களயும் காண்பித்து அதன் பெயர்களைச் சொன்னேன். பின்பு படங்களை வரிசையாக இடமிருந்து வலமாக அடுக்கினோம். பின்பு வார்த்தைகளை எழுத்துக்கூட்டி வாசித்து அந்த படத்தின் கீழே அடுக்கினோம். தீஷு மூன்று வார்த்தைகள் முடித்தவுடன் அடுத்த மூன்று என அதிகரித்து 16 படங்களையும் செய்தோம். சில வார்த்தைகள் வாசிப்பதற்கு சிரமப்படுகிறாள். உதாரணத்திற்கு S-U-N பார்த்தவுடன் ஸ்-அ-ன் என்று சொல்லி ஸ்அன் என்கிறாள். ஸன் என்று சொல்லத் தெரியவில்லை. ஆனால் வாசித்தவுடன் சந்தோஷம் தாங்க முடியவில்லை. அப்பா வந்தவுடன் சந்தோஷப் பகிர்தல் நடந்தது..

பஸில் பாய்

ஞாயிறு அன்று மழை வருவது போல் இருந்ததால் வெளியே செல்ல முடியாமல் மீண்டும் இந்த 100 பீஸ் பஸில் செய்தோம். சென்ற முறை போல் நானும் தீஷுவும் ஒரு டீம், அப்பா தனி டீம். நாங்கள் இருவர் என்பதால் வேகம் அதிகம் என்று நினைக்கக் கூடாது. தீஷுவின் தான் எல்லாம் செய்ய வேண்டும் என்ற எண்ணம் நம் பொறுமையை சோதித்துவிடும். இருந்தாலும் எங்கள் கூட்டாணியே பாதிக்கு மேல் சேர்த்தோம். அன்று போல் இன்றும் தீஷு அப்பாவை வெறுப்பேத்திக் கொண்டேயிருந்தாள். சென்ற முறை போட்டோ எடுக்க முடியவில்லை. இந்த முறை போட்டோ எடுக்கும் முன் தீஷு அதன் மேல் படுத்துவிட்டாள். பஸில் கிட்டத்தட்ட நான்கு அடி.

தீஷுவிற்கு இப்பொழுது செயல்முறைகளை விட பேப்பரில் செய்யும் வொர்க் ஸீட்டுகளில் விருப்பமிருப்பதால், http://www.prekinders.com/ மெய்ந்து கொண்டிருந்தேன். அப்பொழுது இந்த Pattern Blocks பார்த்து எனக்கு மிகவும் சந்தோஷம். ஏனென்றால் எங்களிடம் இருக்கும் Blocks க்கு இந்த படங்கள் பொருத்தமாக இருக்கும். எங்களிடம் இருக்கும் படங்களில் வண்ணங்கள் இருக்கும். அதனால் வண்ணங்கள் இல்லாத படங்கள் பிரிண்ட் அவுட் எடுத்துக் கொண்டோம். தீஷு நன்றாகச் செய்தாள். முடித்தவுடன் படங்கள் இல்லாமல் வடிவங்கள் வைத்து வெவ்வேறு வடிவங்கள் செய்து கொண்டிருந்தோம். Visual discrimination க்கு ஏற்றது

cuh-auh-tuh..

இரும‌ல் அதிக‌மாக‌ இல்லாம‌ல் இருந்த‌தால் தீஷுவை திங்க‌ள் அன்று ப‌ள்ளிக்கு அனுப்பிவிட்டோம். ப‌ள்ளியிலிருந்து என் க‌ண‌வ‌ரை அழைத்து, தீஷுவிற்கு காய்ச்ச‌ல் இருப்ப‌தால் என்ன‌ ம‌ருந்து கொடுக்க‌ என்று கேட்டுயிருக்கிறார்க‌ள். அடித்துப்பிடித்து நாங்க‌ள் இருவ‌ரும் சீக்கிர‌ம் கிள‌ம்பி வீட்டிற்குச் சென்று, டாக்ட‌ரிட‌ம் அழைத்துச் சென்றோம். ம‌ருந்து கொடுத்து மூன்று நாட்க‌ளுக்கு மேல் காய்ச்ச‌ல் இருந்தால் மீண்டும் அழைத்து வ‌ர‌ச் சொன்னார். செவ்வாய் விடுமுறை எடுத்து விட்டேன். புத‌ன் அன்றும் மூன்று ம‌ணி நேர‌ம் ம‌ட்டும் சென்று வ‌ந்தேன். இன்று கொஞ்ச‌ம் ப‌ர‌வாயில்லை. ப‌ள்ளிக்குச் சென்று இருக்கிறாள்.

செவ்வாய் மாலை எங்க‌ள் இருவ‌ருக்கும் இர‌ண்டு ம‌ணி நேர‌ம் வ‌ரை ஆக்டிவிட்டீஸுக்குக் கிடைத்த‌து. நான் செய்ய‌ வேண்டாம் என்று நினைத்திருந்தேன். ஆனால் தீஷுவிற்கு பொழுது போக‌வில்லையென்ற‌வுட‌ன் ஏதாவ‌து ஆக்டிவிட்டீஸ் செய்ய‌லாம் என்றாள். ச‌ரி என்று ஆர‌ம்பித்தோம். இது முன்ன‌மே செய்த‌து. CAT,DOG, போன்ற‌ மூன்று எழுத்து ப‌ட‌ங்க‌ளை எடுத்துக் கொண்டோம். "Give me a picture with CUH-AUH-TUH" என்று சொன்னேன். நான் சொல்வ‌தைப்புரிந்து கொண்டு அந்த‌ ப‌ட‌த்தை எடுத்துத்த‌ர‌ வேண்டும். இது வாசிப்ப‌‌த‌ற்குத் தேவையான‌ blending க‌ற்றுத்த‌ருகிற‌து. தீஷு இந்த‌ முறை ச‌ரியாக‌வும் விருப்ப‌மாக‌வும் செய்தாள். மீண்டும் மீண்டும் வேறு வேறு ப‌ட‌ங்க‌ள் மூல‌ம் முய‌ற்சித்துக் கொண்டுயிருந்தோம்.

Sorting தீஷுவிற்கு பிடித்த‌ ஒன்று. இந்த‌ முறை category sorting . முத‌லில் மூன்று பொம்மை காரும், மூன்று பொம்மை நாற்காலிக‌ளும் எடுத்துக் கொண்டோம். முத‌லில் காரை எடுத்துக் காண்பித்து "This is a car" என்று சொல்லி த‌னியே வைத்தேன். அடுத்து "This is a chair...Not a car" என்று சொல்லி ச‌ற்றுத்தள்ளி வைத்தேன். மீண்டும் ஒரு நாற்காலி எடுத்து, "This is a chair" என்று சொல்லி அவ‌ள் ப‌திலுக்குக் காத்திருந்தேன். அவ‌ள் காட்டிய‌வுட‌ன் அந்த‌ பிரிவில் வைத்தேன். இது புரிந்த‌வுட‌ன் மீண்டும் மூன்று ம‌னித‌ பொம்மைக‌ளையும், மூன்று வில‌ங்கு பொம்மைக‌ளையும் சேர்த்து "Chair", "Car", "Human being", "Animal" என்று பிரித்தோம்.

இன்று நாங்கள் செய்தது

நான்கு ஐந்து நாட்களுக்குப் பிறகு இன்று மீண்டும் செய்தோம். இன்று மீண்டும் மாக்னெட்டிக் எழுத்துக்களால் இரண்டு இலக்க எண்கள் உருவாக்கி, அவளை வாசிக்கச் சொன்னேன். முனபு இடதிலிருந்து வலதிற்கு வாசிக்காமல், வலதிலிருந்து இடதிற்கு வாசித்தாள். இன்று அவ்வாறு செய்யவில்லை. முழுவதுமாக புரிந்து கொண்டாளா அல்லது இன்று மட்டும் ஏதோ அதிர்ஷடத்தில் நடந்ததா என்று இன்னொரு முறை செய்தால் தான் தெரியும்.


தீஷு பொனிக்ஸ் முறையில், எழுத்துக்களைப் படிக்கிறாள். ஆனால் அதை வார்த்தையாகச் சேர்த்துச் சொல்லத்தெரியவில்லை. உதாரணத்திற்கு CAT என்பதை cuh-auh-tuh என்கிறாள். ஆனால் CAT என்று சொல்லத்தெரியவில்லை. அதனால் இன்று மூன்று எழுத்து வார்த்தைகளுடைய படங்களை ஐந்து(CAT, DOG, PIG, OWL, FOX) எடுத்துக் கொண்டேன். நான் cuh-auh-tah என்று சொன்னேன். அவள் வார்த்தையைக் கண்டுபிடித்து, அந்த படத்தை எடுத்துத் தர வேண்டும். கண்டுபிடிக்க மிகவும் கஷ்டப்பட்டாள். சிறிது நாட்களுக்குப் பின் முயற்சி செய்ய வேண்டும்.


தீஷுவிற்கு எழுதப் பழக்குவதற்கு முன், மாண்டிசோரி முறையின் உப்புத்தாளை ஒத்த உபகரணத்திற்காக நான் செய்தது இந்த Felt எழுத்துக்கள்.
தீஷு இதை உபயோகப்படுத்தவே இல்லை. ஒரு மூலையிலிருந்த அதை இன்று உபயோகப்படுத்தினோம். நான் எடுத்துக்கொடுக்கும் அட்டையை கண்களை மூடிக் கொண்டு, தடவிப் பார்த்து எழுத்தைச் சொல்ல வேண்டும். நான் அட்டையைக் குடுத்தவுடன், கையால் முழு அட்டையையும் தடவியே எழுத்துகளை கண்டுபிடித்து விட்டாள். மிகவும் விருப்பமாகச் செய்தாள்.



எப்பொழுதும் செய்யும் இந்த பொனிக்ஸ் விளையாட்டை, இப்பொழுது எப்படி விளையாட வேண்டுமோ அவ்வாறு விளையாடுகிறாள். முதலில் ஒரு படத்தை எடுத்துக் கொண்டு, அதன் முதல் எழுத்தைக் கண்டுபிடித்து, அதன் எழுத்தில் சேர்க்கிறாள்.

மறுபடியும்

தீஷுவிற்கு இரண்டு வயது முதல் அவளோடு ஆக்டிவிட்டீஸ் செய்ய ஆரம்பித்தேன். ஆரம்பிற்கும் பொழுது, ஸ்பூன் மூலம் பொருட்களை மாற்றுதல், கலர் பிரித்தல் (Sorting), ஒரு பாத்திரத்திலிருந்து மற்றொரு பாத்திரத்திற்குக் கொட்டுதல் (Pouring) போன்றவைகள் செய்தோம். அப்பொழுது அவளுக்கு அந்த வயதிற்கு ஏற்றவாறு கவனச் சிதறல் அதிகம். ஸ்பூன் மூலம் மாற்ற சொன்னால் கையால் மாற்றுவாள், தரையில் கொட்டுவாள். பொதுவாக நான் இப்படி செய், அப்படி செய் என்று சொல்ல மாட்டேன். ஒரு முறை செய்து காட்டுவேன். அவள் செய்வதற்கு தயாராகயிருந்தால், செய்ய விட்டு விடுவேன். விளையாண்டால் விளையாட விட்டு விடுவேன். எங்களுக்கான விளையாட்டு நேரம். அவளை டென்ஷன் ஆக்குவதற்கு விரும்பம் இருந்ததில்லை. தம்மால் செய்ய முடியும் என்ற தன்னம்பிக்கையை அவளுக்கு ஏற்படுத்தவே விரும்பினேன். ஆனால் இப்பொழுது அதே ஆக்டிவிட்டீஸை எப்படி செய்கிறாள் என்று பார்க்க விரும்பினேன். எத்தனை மாற்றங்கள். கிட்டத்தட்ட 60 கற்களை மாற்ற சொன்னேன். ஒவ்வொன்றாக மாற்றினாள். ஒன்று கூட கீழே விழவில்லை. முடித்தவுடன் உன் turn என்றாள். நான் செய்ய ஆரம்பிக்கும் முன் செய்து காட்டி இப்படி செய்ய வேண்டும் என்றாள். நான் மாற்ற ஆரம்பித்த சிறிது நேரத்திற்கு பிறகு அந்த இடத்தை விட்டு, சற்று தள்ளி அமர்ந்து விட்டாள் (நான் அப்படி தான் செய்வேன்). நான் மாற்றி முடித்தவுடன் "Good Job" என்றாள். கல்லையும் கிண்ணத்தையும் எடுத்து வைத்து விட்டாள். Thanks to Montessori..

வெவ்வேறு வரிசையில் alphabets டைப் செய்து பிரிண்ட் அவுட் எடுத்துக் கொண்டேன். Flash கார்டில் வெவ்வேறு வரிசையில் alphabets வரும்படி, Flash கார்டு அட்டைகளை கலைத்துக் கொடுத்தேன். பிரிண்ட் அவுட்டில், அட்டையில் வரும் எழுத்தை வட்டம் போட வேண்டும். தீஷு நன்றாக செய்தாள். ஆனால் வட்டத்திற்கு பதில் அந்த எழுத்தை, பிரிண்ட் அவுட்டில் அந்த எழுத்திற்கு கீழே எழுதினாள். அது போல Captial lettersசும் செய்தோம். இது படிக்கும் முறையான இடதுபுறத்திலிருந்து வலதுபுறத்திற்கு கண்களை நகர்த்த பயிற்சியும், எழுத்துக்களை ஞாபகப்படுத்தவும் உதவும்.

மூழ்குமா?

தண்ணீரில் போடப்படும் பொருட்களில் எவையெல்லாம் மூழ்கும், எவையெல்லாம் மூழ்காது என்பதைக் கண்டுபிடிக்க, சில மூழ்கும் பொருட்களையும், சில மூழ்காதப் பொருட்களையும் எடுத்துக் கொண்டோம். வரிசையாக ஒவ்வொன்றாக தண்ணீரில் போட்டோம். போடுவதற்கு முன் மூழ்குமா மூழ்காதா என்று கேட்பேன். கிட்டத்தட்ட எல்லாவற்றிற்கும் மூழ்காது என்றே பதில் சொன்னாள்.

மூழ்கும்/மூழ்காது முதல் ஸேஸன் முடிந்து ஒன்று இரண்டு வாரங்களான நிலையில், நேற்று, மீண்டும் செய்தோம். இந்த முறை மிதக்கும் கிண்ணத்தைப் போட்டு, அதில் அதிக கனமில்லாத வெட்டின ஸ்ட்ரா போட்டுக் கொண்டே வந்தோம் எப்பொழுது மூழ்கும் என்பதை கவனிக்க. ஆனால் ஸ்ட்ராவால் மூழ்கவில்லையென்பதால், கண்ணாடி கற்களைப் போட்டு மூழ்கடித்தோம். தீஷு புரிந்துக் கொண்டாள் என்று நினைக்கிறேன்.



சிறிது நேரம், அவள் இஷ்டப்படி தண்ணீரில் விளையாட விட்டேன். ஸ்ட்ராவை தண்ணீரில் போட்டும், தண்ணீரை மாற்றி ஊற்றியும் விளையாண்டுக் கொண்டிருந்தாள். அப்பொழுது தான் ஸ்ட்ராவை, கண் கரண்டி (எண்ணெய் பட்சணம் எடுக்கப் பயன்படுத்தப்படும் கரண்டி) கொண்டு ஸ்ட்ராவை எடுக்கச்சொன்னேன். விரும்பமாக திரும்ப திரும்ப செய்துக் கொண்டிருந்தாள்.

மீண்டும் ஒரு Matching

எங்கள் வீட்டில் மாட்சிங் மிகவும் பிரபலம். பிக்சர் மாட்சிங் ( ஒரே படங்களை சேர்த்தல்), கலர் மாட்சிங் ( ஒரே கலருடைய இரு அட்டைகளை சேர்த்தல்), ஸ்ஷேப் மாட்சிங், சைஸ் மாட்சிங் என ஒரே மாட்சிங் மயம். நான் அட்டைகளை அடுக்க ஆரம்பித்தேன் என்றால், தீஷுவிற்குத் தெரிந்துவிடும் ஏதோ மாட்சிங் செய்யப் போகிறோம் என்று. இந்த முறை Lowercase, Uppercase matching. தீஷு லோவர் கேஸ் கண்டுபிடிப்பத்தால் இதை செய்தோம். நன்றாக செய்தாள். p, d, b மட்டும் கஷ்டம். முதலில் 6 எழுத்துக்கள் மட்டும் செய்தோம். அது நன்றாக செய்தவுடன் 26 எழுத்துக்களையும் மாட்ச் செய்தோம்.










இது ஏற்கெனவே செய்தது தான். ஆனால் அப்பொழுது நீளத்தால் பிரித்தோம். ஆனால் இப்பொழுது சிறிது முதல் பெரிது என அடுக்க வேண்டும். இது visual discriminationக்கு ஏற்றது.


மாண்டிசோரியின் Pink tower போல் உபயோகப்படுத்த வேண்டியதை Brown stairs போல் பயன்படித்தினோம். ஏற்கெனவே நிறைய முறை Pink tower போல் விளையாண்டுயிருப்பதால், ஒரு முறை சொன்னவுடன் தீஷுவிற்கு புரிந்துவிட்டது. இதுவும் visual discriminationக்குத் தான்


தீஷுவிற்கு எழுத்துக்களைச் சேர்த்தால் வார்த்தைகள் வருவது புரிந்திருக்கிறது. அவள் வாசிப்பதைப் பார்த்தவுடன் வீடியோ எடுக்க ஆரம்பித்தேன். லைட் பத்தாததால், வீடியோ தெளிவாகத் தெரியவில்லை. Simply Science என்னும் புத்தகத் தலைப்பை ஒவ்வொரு எழுத்தாகப் படித்து(?) Butterfly rocket என்கிறாள்.

Lowercase letters and phonics

தீஷு படிப்பது மாண்டிசோரி ஸ்கூல் என்பதால், குழந்தைகளுக்குக் குறிப்பிட்ட syllabus கிடையாது. குழந்தை ஏதாவது ஒன்றை நன்றாகக் கற்றப்பின் அடுத்தது சொல்லிக் கொடுக்கிறார்கள். மற்ற குழந்தைகளுடன் ஒப்பிட்டு பார்ப்பது கிடையாது. ஆகையால் ஒரே வயதுடைய இரண்டு குழந்தைகள் வேறு வேறு கற்றுக்கொண்டிருக்கலாம்.




தீஷு ஸ்கூலுக்கு Parents-Teachers meeting போயிருந்த பொழுது, தீஷு Practical life activities, Sensorial activities நன்றாக செய்கிறாள். Uppercase letters(A,B,C) comfortableஆக இருப்பதால், அடுத்து Lowercase letters(a,b,c) சொல்லி கொடுக்கப் போவதாக கூறினார்கள்.அவர்கள் கொடுத்துள்ள list




1. Lowercase பார்த்து கண்டுபிடித்தல், எழுதுதல்

2. அவள் uppercase எழுதுவதால் அவள் பெயர் எழுதப் பழக்கலாம்

3. கணக்கைப் பொறுத்த வரை 1 முதல் 30 வரை சொல்லிக் கொடுக்கலாம்



தீஷுவின் பெயரில் 11 எழுத்துக்கள் உள்ளன. அவள் இனிஷியலுக்கு பதிலாக அவள் அப்பாவின் பெயரை கடைசி பெயராக(Last name) கொடுத்துள்ளோம். அவள் பாஸ்போர்ட், PIO card எல்லாவற்றிலும் இப்படி தான் அவள் பெயர் உள்ளது. ஆகையால் அவள் பெயரில் மொத்தம் 17 எழுத்துக்கள். எப்படி பழக்கலாம் என்று யோசித்துக் கொண்டுயிருந்தேன். அப்புறமாக கடைசி பெயரை கடைசியாகப் பார்த்துக் கொள்ளலாம். முதலில் First Name மட்டும் சொல்லித் தரலாம் என்று இருக்கிறேன்.









Lower case எழுத்துக்களைக் கண்டுபிடிக்கப் பழக்கலாம் என்று நினைத்தேன். இந்த puzzleலை மதுரையில் வாங்கினோம். ஒரு எழுத்து, அந்த எழுத்துக்கான இரண்டு படங்கள். மூன்றையும் சேர்க்க வேண்டும். நானே வரிசையாக எழுத்துக்களையும் படங்களையும் எடுத்துக் கொடுத்தேன். j வரை பண்ணியவளுக்கு அதற்கு அப்புறம் ஆர்வம் இருக்கவில்லை. அதற்கு பதிலாக jக்கு கீழ் k என வரிசையாக அடுக்க ஆரம்பித்தாள். கிட்டத்தட்ட எல்லா எழுத்துக்களையும் அடுக்கி விட்டாள். I was quite shocked.





Lowercase எழுத்துக்களை எழுதுவதற்கு பழக்குவதற்கு எனக்கு இஷ்டமில்லை. அவளாக விருப்பப்பட்டுக் கேட்டால் பார்க்கலாம் என்று நினைத்திருக்கிறேன். அதற்கு பதில் Initial letter identification பழக்கலாம் என்று இருக்கிறேன். அதற்கு ஒவ்வொரு எழுத்துகளுக்கும், அந்த எழுத்தால் ஆரம்பிக்கும் 6 பொருட்களின் படங்களை download செய்து, வெட்டி வைத்துக் கொண்டேன். முதலில் நான் எடுத்தக் கொண்ட எழுத்துக்கள் - b and f. b - banana, bear, basket, bus, boat, bun. f - fin, finger, frog, feet,feather, fish. அந்த படத்தின் பெயரை படிக்கும் பொழுது, முதல் எழுத்துக்கு அழுத்தம் கொடுத்து படித்தேன். b கீழ் வருமா அல்லது f கீழ் வருமா என்று கேட்டுப் பிரித்தோம். தீஷு புரிந்து கொண்டாள். சில தவறுகள் செய்கிறாள். அவள் கஷ்டப்படாமல் இருந்தால் தினமும் இவ்வாறு இரண்டு இரண்டு எழுத்துக்கள் பழக்கலாம் என்று இருக்கிறேன். எப்படி போகிறது என்று சொல்லுகிறேன்.

எழுத்துப் பயிற்சி

இரண்டு மூன்று மாதங்களுக்கு முன்னால், நான் எழுதுவதைப் பார்த்து தீஷுவும் எழுத விரும்பினாள். எனக்கு இரண்டு வயது குழந்தைக்கு எழுத சொல்லித் தர இஷ்டமில்லை. ஆனால் அவள் பேப்பரில் ஏதாவது எழுதி விட்டு 'A' எழுதி இருக்கிறேன், 'B' எழுதி இருக்கிறேன், கரெக்டா என்பாள். மாண்டிசோரி அம்மையின் கூற்று "Follow your child". எழுத சொல்லிக் கொடுக்க முடிவு செய்தேன். முதலில் மாண்டிசோரி முறையில் உப்புத் தாளில் எழுத்துக்களைச் செய்ய முடிவு செய்தேன்.




மாண்டிசோரி முறையில், உப்புத் தாளில் செய்த எழுத்துக்களை கையால், தடவ செய்து, எழுத்துகளை எழுதும் முறையை விளக்க வேண்டும். ஆனால் உப்புத் தாளில் செய்வது கடினம் என்று எண்ணி, Feltயில் எழுத்துக்களைச் செய்து, அட்டைகளில் ஒட்டிவிட்டேன்.

நான் செய்ய எடுத்தக் கொண்ட நேரளவு கூட தீஷு, அதை உபயோகப்படுத்தவில்லை. மாண்டிசோரி முறையில் மண்ணில் எழுதப் பழக்கலாம் என்று எண்ணினேன். மண்ணிற்கு பதில் ரவையை ஒரு தட்டில் கொட்டி எழுத செய்தேன். அதை சில நேரங்களில் பயன்படுத்துகிறாள்.
ஆனால் அவளுக்கு பேனாவில் எழுதுவதற்கு தான் பிடித்திருக்கிறது. இப்பொழுது 12 முதல் 15 எழுத்துகள் வரை சரியாக எழுதுகிறாள்.

Phonics - எழுத்தின் சத்தங்கள்

Powered by Podbean.com






சென்ற முறை Libraryயிலிருந்து Leapfrog Letter Factory DVD எடுத்து வந்தோம். முன்பு தீஷுவிற்கு ABC பாட்டு பாடத் தெரியும். ஒரு லெட்டரை காண்பித்தால் அது எந்த லெட்டர் என்று சொல்ல தெரியும். ஆனால் வரிசையாக செல்ல தெரியாது. இங்கும் அங்கும் சில லெட்டரை விட்டு விடுவாள். பத்து நாட்களுக்குள் நல்ல முன்னேற்றம். லெட்டரையும் அதன் சத்தங்களையும் (Phonics) சொல்ல பழகி விட்டாள். இப்பொழுதும் ஒன்று இரண்டு வார்த்தைகளை விட்டு விடுகிறாள். ஆனால் சத்தங்களை சரியாக சொல்கிறாள்.

முதல் அறிவியல் சோதனை

இந்த செயல்பாடு "How to raise An amazing child the Montessori way" அல்லது "Teach Me to Do It Myself: Montessori Activities for You and Your Child" by Maja Pitamic புத்தகத்தில் படித்த ஞாபகம். சென்ற வாரம் நான் தீஷுயுடன் walking சென்ற பொழுது சில பூக்களை பறித்து வந்தேன். தண்ணிரில் Food colouring சேர்த்து அதில் அப்பூக்களைப் போட்டு வைத்து விட்டோம்.

சில நாட்களில் சிவப்பு நிற தண்ணிரில் இருந்த பூ, சிவப்பு நிறமாக மாற தொடங்கியது. புகைப்படத்தில் நன்றாக தெரியவில்லை. மஞ்சள் பூவில் நன்றாக நிற மாற்றம் தெரியவில்லை. ஆனால் சிவப்பாக மாறியதைப் பார்த்த தீஷு மஞ்சள் பூவும் சில நாட்களில் மஞ்சளாக மாறும் என்பதை புரிந்து கொண்டாள். நான் அவளுக்கு எப்படி நிறம் மாறியது என்பதை சிறுது விளக்கினேன். புரிந்து கொண்டாள் என்று நினைக்கிறேன்.