"என் அப்பா பயங்கரக் குண்டு"
"இந்தக் குண்டர்கள் எல்லாம் கோழைக் குண்டர்கள்"
"உன் அப்பா ஒரு தடியன்.. மடையன்.."
"கோழைக் குண்டர்கள்"
இவ்வாக்கியங்கள் அனைத்தும் மூன்று வயதிற்கு மேற்பட்ட குழந்தைகளுக்கான புத்தகமான குட்டிக் குட்டி முயல் புத்தகத்தில் வருவது. பாரதி புத்தகலாயம் வெளியீட்டில் வந்துள்ளது.
குழந்தைகள் புத்தகத்தில் இது போன்ற வாக்கியங்கள் தேவையா? மொழி பெயர்க்கும் பொழுது ஆசிரியர் அவ்வாக்கியங்களை சற்றே மாற்றி இருக்கலாமே.
மேலும் பிற முயல்களை அடித்து வெற்றி (!) பெற்று வரும் தன் குட்டி முயலை அப்பா முயல் பாராட்டுகிறார். பிற முயல்கள் தப்பே செய்திருந்தாலும் அடிப்பது தான் சரியா? நான் வாசிக்கும் பொழுது இவ்வாக்கியங்க்ள் மாற்றியோ அல்லது விட்டு விட்டோ வாசிக்க வேண்டியுள்ளது.
புத்தகக்கண்காட்சியில், குட்டிக் குட்டி முயல் தவிர, பாரதி புத்தகலாயம் வெளியீட்டில் மேலும் சில புத்தகங்கள் வாங்கினோம்.
1.பூனை கணக்குப் படிக்கிறது
2.இனி பால் வேண்டாம் அம்மா
3.வால்களின் கதை
4.நீங்கள் என் அம்மாவா?
போன்றன என் நினைவில் உள்ளன. தேவையற்ற வாக்கியங்கள் இல்லாதது ஆறுதல் அளிக்கிறது. சிறு சிறு கதைகளுடன் புத்தகங்கள் அவளின் ஆர்வத்தைத் தக்க வைக்கின்றன.
தூலிகாவின் Line and Circle தீஷுவிற்கு வாசிக்கப் பழக ஏதுவாக இருக்கும் என்பதற்காக வாங்கினேன். அதிலிருந்த படங்கள் கொள்ளை அழகு. கோடுகளையும் வட்டங்களையும் வைத்து இத்தணை படங்கள் வரைய முடியுமா என்று தீஷுவிற்கு ஆச்சர்யம். படித்த முடித்தப்பின் வேறு என்ன படங்கள் உருவாக்கலாம் என்று விளையாண்டு கொண்டிருந்தோம். பயனுள்ள புத்தகம். ஆனால் விலை சற்று அதிகம் என்பது என் எண்ணம்.
சிபிடி வெளியீட்டில்
1. கிராமத்திற்கு வந்த குரங்குகள்
2. பலூனும் நானும்
வாங்கினோம். அதில் கிராமத்திற்கு வந்த குரங்குகள் சற்று பெரிய கதை. ஒரு வாசிப்பில் அவளுக்கு அந்த புத்தகத்தை வாசிக்க முடியவில்லை.
தமிழ் புத்தகங்கள் என்பதால், புத்தகங்களை வாசிக்க வாசிக்க தீஷுவிற்கு புரியும் என்று நினைத்திருந்தேன். ஆனால் வாசித்தவுடன் தீஷு, நல்ல தமிழல(!) திரும்ப சொல்லுங்க என்கிறாள்.
இப்புத்தகங்கள் தமிழ் புத்தகங்கள் பற்றிய அறிமுகத்திற்கு உதவுகின்றன.
Wednesday, January 26, 2011
Monday, January 24, 2011
Hundreds
சென்ற சனிக்கிழமை கர்நாடக பந்த். எங்கும் வெளியே போக முடியவில்லை. வெகு நாட்களாக தீஷுவிற்கு பத்து பாசிகள் கோர்த்தது போல் நூறு நூறாக செய்ய வேண்டும் என்று நினைத்திருந்தேன். முதலில் பத்து பத்தாக பத்து (ஸ்..ப்பா.. எத்தண பத்து) செய்து இணைத்து விடலாம் என்று நினைத்தேன். ஆனால அது சரியாக நிற்க வில்லை. சிறு வயதில் சிறு சிறு பாசிகளை இணைத்து WELCOME என்று எழுதிய நினைவு. ஆனால் அதன் பின்னல் நினைவில் இல்லை. பின்பு இணையத்தில் தேடி பின்னல் கற்றேன்.
இவ்வாறு ஒரு நூறு பாசிகள் சேர்க்க கிட்டத்தட்ட அரைமணி நேரம் ஆனது. அவ்வாறு பத்து நூறுகள் கோர்த்து இருக்கிறேன். சனி, ஞாயிற்றில் கிட்டத்தட்ட ஆறு மணி நேரம் இதற்கே ஆனது. இது வரை தீஷுவின் ஆக்டிவிட்டி தயார் செய்ய இவ்வளவு நேரம் செலவிட்டது இல்லை. முன்பு ஸாண்ட் பேப்பர் (Sandpaper) எழுத்துகள் வெகு நேரம் செலவிட்டு செய்தேன். தீஷு தொடவே இல்லை. இவை தீஷுவிற்கு ஆர்வம் உண்டாக்குமா என்று பொறுத்திருந்து தான் பார்க்க வேண்டும்.
Sunday, January 23, 2011
Ten Board
தீஷுவிற்கு மாண்டிசோரி முறையின் டென் போர்ட் சொல்லிக் கொடுத்தேன். முறையின் விளக்கமும், எவ்வாறு சொல்லிக் கொடுக்க வேண்டும் என்ற முறையும் இந்த வீடியோவில் இருக்கிறது.
2 * 2 அட்டையில் 1 முதல் 9 வரை எழுதிக் கொண்டேன். 4 * 2 அட்டையில் 10, 20 என 90 வரை எழுதிக் கொண்டேன். நீளத்தின் காரணமாக, 1 முதல் 9 வரை எழுதிய அட்டைகள் சிறிய அட்டைகளாகவும், 10,20 எழுதிய அட்டைகள் பெரிய அட்டைகளாகவும் இருக்கும். 63 என்று வைக்க வேண்டும் என்றால் 60 அட்டையை எடுத்து, பூஜ்ஜியத்தின் மேல் 3 வைத்தால், 63 போல் தெரியும். நான் கூறும் எண்களை அட்டைகள் கொண்டு உருவாக்கச் சொன்னேன்.
வெவ்வேறு எண்கள் வைத்து பழகியப்பின் முன்பு நான் செய்திருந்த பாசியையும் இணைத்துக் கொண்டேன். 63 என்றவுடன், அட்டையில் 63 வைத்து விட்டு, பாசியிலும் 63 வைக்க வேண்டும். பாசியில் பத்து பத்தாக வைக்கும் பொழுது, 1 டென், 2 டென்ஸ், 3 டென்ஸ் என்று சொல்லிக் கொடுத்தேன்.
இதன் மூலம் ஒன்ஸ், டென்ஸும் கற்றுக் கொள்ள முடியும் என்று நினைக்கிறேன். இம்முறையால இரண்டு இலக்க எண்களின் மதிப்பை உணர்ந்து கொள்ள முடியும்.
2 * 2 அட்டையில் 1 முதல் 9 வரை எழுதிக் கொண்டேன். 4 * 2 அட்டையில் 10, 20 என 90 வரை எழுதிக் கொண்டேன். நீளத்தின் காரணமாக, 1 முதல் 9 வரை எழுதிய அட்டைகள் சிறிய அட்டைகளாகவும், 10,20 எழுதிய அட்டைகள் பெரிய அட்டைகளாகவும் இருக்கும். 63 என்று வைக்க வேண்டும் என்றால் 60 அட்டையை எடுத்து, பூஜ்ஜியத்தின் மேல் 3 வைத்தால், 63 போல் தெரியும். நான் கூறும் எண்களை அட்டைகள் கொண்டு உருவாக்கச் சொன்னேன்.
வெவ்வேறு எண்கள் வைத்து பழகியப்பின் முன்பு நான் செய்திருந்த பாசியையும் இணைத்துக் கொண்டேன். 63 என்றவுடன், அட்டையில் 63 வைத்து விட்டு, பாசியிலும் 63 வைக்க வேண்டும். பாசியில் பத்து பத்தாக வைக்கும் பொழுது, 1 டென், 2 டென்ஸ், 3 டென்ஸ் என்று சொல்லிக் கொடுத்தேன்.
இதன் மூலம் ஒன்ஸ், டென்ஸும் கற்றுக் கொள்ள முடியும் என்று நினைக்கிறேன். இம்முறையால இரண்டு இலக்க எண்களின் மதிப்பை உணர்ந்து கொள்ள முடியும்.
Thursday, January 20, 2011
Surprise Gift
அன்று தீஷுவிற்கு பள்ளி விடுமுறை. நான் வீட்டிற்குள் நுழைந்தவுடன், "அம்மா நான் உங்களுக்குத் தான் ஸர்ப்பிரைஸ் கிஃப்ட் செய்திட்டு இருக்கேன்" என்றாள். குனிந்து ஏதோ செய்து கொண்டிருந்தாள். அருகில் சென்ற பொழுது மறைத்து கொண்டாள். கலரிங் செய்து கொண்டிருக்கிறாள் என்று மட்டும் புரிந்தது. பகலில் கிட்டத்தட்ட ஒரு மணி நேரம் அதை செய்திருக்கிறாள் என்று என் அம்மா சொன்னார்கள். கலரிங் முடியாமல் அப்பொழுதும் செய்து கொண்டிருந்தாள். அன்று எனக்கு மிகவும் அலுப்பாக இருந்ததால், அவளை அப்பாவிடம் விட்டு விட்டு நான் தூங்கி விட்டேன். தூங்க செல்வதற்கு முன்னாலும், நாளைக்கு முடிச்சுடுவேன்.. தர்றேன் என்றாள்.
மறுநாள், அவள் எழுந்தவுடன், முதல் வேளையாக அந்த பேப்பரை எடுத்து வந்தாள். வரைந்து கலர் செய்திருந்தாள். "அம்மா எனக்கு உங்கள ரொம்ப பிடிக்கும்.. அதான் வரஞ்சேன்.. பிடிச்சிருக்கா" என்றாள். கண்ணில் என் பதிலை எதிர்நோக்கி அத்தனை ஆர்வம். கட்டிபிடித்துக் கொண்டேன. கடல், வீடு, மிருகங்கள் என விளக்கமளித்தாள். ஒரு டிராயிங் ஸீட் பொழுவதும் கலர் செய்ய கண்டிப்பாக அதிக நேரமும், பொறுமையும் தேவைப்பட்டு இருக்கும்.
Thanks da, You make my day, everyday
மறுநாள், அவள் எழுந்தவுடன், முதல் வேளையாக அந்த பேப்பரை எடுத்து வந்தாள். வரைந்து கலர் செய்திருந்தாள். "அம்மா எனக்கு உங்கள ரொம்ப பிடிக்கும்.. அதான் வரஞ்சேன்.. பிடிச்சிருக்கா" என்றாள். கண்ணில் என் பதிலை எதிர்நோக்கி அத்தனை ஆர்வம். கட்டிபிடித்துக் கொண்டேன. கடல், வீடு, மிருகங்கள் என விளக்கமளித்தாள். ஒரு டிராயிங் ஸீட் பொழுவதும் கலர் செய்ய கண்டிப்பாக அதிக நேரமும், பொறுமையும் தேவைப்பட்டு இருக்கும்.
Thanks da, You make my day, everyday
Subscribe to:
Posts (Atom)