Tuesday, April 30, 2013

ப‌ழைய‌ துணிக்கு...

ச‌ம்மு பிற‌ந்ததிலிருந்து செய்த‌வைக‌ளை வ‌ரிசையாக‌ எழுத‌வேண்டும் என்று நினைத்து, போட்டோக‌ளைத் தேடி எடுப்ப‌த‌ற்கு நேர‌மில்லாம‌ல், எழுதாம‌ல் இருக்கிறேன். ஆகையால் த‌ற்பொழுது அவ‌ளுக்குச் செய்வ‌தை எழுத‌லாம், ந‌டுந‌டுவே குழ‌ந்தையாக‌ இருந்த‌ பொழுது செய்த‌தை எழுத‌லாம் என்று நினைத்திருக்கிறேன்.

ச‌ம்முக்கு த‌ற்ச‌ம‌ய‌ம் ஒரு வ‌ய‌து இருக்கிற‌து. தானாக‌வே எதையும் வைத்து விளையாடும் வ‌யது. கிட்ட‌த்த‌ட்ட‌ அனைத்துப் பொருட்க‌ளும் அவ‌ளுக்குப் புதிய‌து. அத‌னால் எதைப் பார்த்தாலும் தொட்டோ சுவைத்தோ பார்ப்பாள். நாம் த‌னியாக‌ எதுவும் செய்யத் தேவையில்லை என்ப‌து உண்மை.ஆனால் நான் அவ‌ளுட‌ன் த‌னியாக‌ விளையாட‌ அவ‌ளுக்காக‌ நேர‌ம் செல‌விட (One to One)‌ வேண்டும் என்ப‌தே என் விளையாட்டுக‌ளின் நோக்கம். மேலும் அவ‌ளுக்கு விருப்ப‌மான‌ நேர‌ம் ம‌ற்றும் அவ‌ள் விரும்பும் வ‌கையில் ம‌ட்டும் விளையாடுவோம். சிறு குழ‌ந்தையிட‌ம் எவ்வித‌மான‌ப் பொருட்க‌ள் கொடுத்தாலும், த‌ய‌வு செய்து முழு நேர‌மும் அருகில் இருங்க‌ள்.

நான் வித‌ வித‌மான‌ காகித‌ங்க‌ளை அவ‌ளிட‌ம் கொடுத்து விளையாட விடுவேன். உதார‌ண‌த்திற்கு பிஸ்க‌ட் க‌வ‌ர், டிஸ்யூ பேப்ப‌ர், கிஃப்ட் ராப், ப‌புள் ராப் போன்ற‌ன‌. ஒவ்வொரு பேப்ப‌ரும் ஒரு வித‌மான‌ த‌ன்மை உடைய‌து. அது தொடும் உண‌ர்ச்சியைத் தூண்டும். ச‌ம்மு எதையும் வாயில் வைப்ப‌தால் என‌க்கு நேர‌ம் இருக்கும் பொழுது தான் குடுப்பேன்.

பொதுவாக‌ ச‌ம்முவிற்காக‌ விளையாட்டுப் பொருட்க‌ள் செய்யும் பொழுது தீஷுவை இணைத்துக் கொள்வேன். இந்த‌ விளையாட்டிற்கு, நாங்க‌ள் ப‌ல‌ வித‌ துணிக‌ள் எடுத்துக் கொண்டோம். ஒரு ட‌ப்பா ம‌ற்றும் அத‌ன் பிளாஸ்டிக் மூடி எடுத்துக் கொண்டோம். பிளாஸ்டிக் மூடியில் உண்டிய‌லில் இருக்கும் அள‌விற்கு ஒரு ஓட்டை க‌த்தியால் வெட்டிவிட்டோம். உள்ளே துணிக‌ளை வைத்து விட்டோம். ஒரு துணி ஓட்டையின் வ‌ழியே வெளியே தெரியும் ப‌டி வைத்து விட்டோம். அந்த துணியை உருவ‌ வேண்டும். உருவும் பொழுது அடுத்த‌ துணி பெரும்பாலான நேர‌ங்க‌ளில் வெளியே வ‌ந்து விடுகிற‌து. தொடுத‌ல் உண‌ர்ச்சிக்கும், கை விர‌ல்க‌ள் வ‌லுப்ப‌டுத்துவ‌த‌ற்கும் இந்த‌ விளையாட்டு மிக‌வும் உத‌வுகிற‌து. ஐடியா ஒரு புத்த‌க‌த்தில் ப‌டித்த‌து. புத்த‌கத்தில் அனைத்துத் துணிக‌ளையும் இணைத்து தைத்து ஒரு முழு நீளத் துணியாக‌க் கொடுக்க‌ச் சொல்லி இருந்தார்க‌ள். அது ச‌ம்முக்கு க‌டின‌ம் என்று என‌க்குத் தோன்றிய‌து.

ஒரு நாள் அந்த‌ ட‌ப்பாவை ச‌ம்முவிட‌ம் கொடுத்த‌வுட‌ன், துணிக‌ளை இழுத்தாள்.



அனைத்துத் துணிக‌ளையும் எடுத்து முடித்த‌வுட‌ன், மூடியைத் திற‌ந்து கொடுத்தேன். மீண்டும் துணிக‌ளை உள்ளே போட‌ முயற்சித்தாள்.


 மூடியை மூட‌ முய‌ற்சித்தாள்.




சில விளையாட்டுப் பொருட்கள் உள்ளே போட்டாள். துணிகளைத் தூக்கி எறிந்தாள்.



 மொத்த‌ம் இர‌ண்டு நிமிட‌ங்க‌ள் விளையாண்டாள் :‍)). ஆனால் தின‌மும் வெவ்வேறு நேர‌ங்க‌ள் எடுத்துக் கொடுப்பேன். ஒவ்வொரு முறையும் விளையாடும் முறையும் நேர‌மும் வேறுப‌டும்.

ப‌ழைய‌ துணிக‌ளுக்குப் புதிய‌ வேலை கொடுத்த‌தில் ச‌ந்தோஷ‌ம்.

6 comments:

  1. சந்தோசம்... உங்கள் ஐடியா அருமை...

    ரசித்தேன்... வாழ்த்துக்கள்...

    ReplyDelete
  2. ந‌ன்றி திண்டுக்க‌ல் த‌ன‌பாலன்

    ReplyDelete
  3. நல்ல ஐடியா ..அருமையான படங்கள்..

    ReplyDelete
  4. புதிது புதியாய் யோசனகள்.... நன்று.

    நல்ல பகிர்வு சகோ. வாழ்த்துகள்.

    ReplyDelete

 
Design by Free WordPress Themes | Bloggerized by Lasantha - Premium Blogger Themes | Web Hosting Bluehost