மரத்தில் ஹாமரிங் செட் கடைகளில் கிடைக்கிறது. ஆனால் ஒரு இரு முறை செய்து விட்டு தீஷு தொடவே மாட்டாள். ஆகையால் வாங்குவதற்கு பதில் வீட்டிலேயே செய்து விடலாம் என்று நினைத்தேன்.
வீட்டில் ஒரு பெரிய சுத்தியல் இருக்கிறது. நல்ல கனம். நல்ல பெரிய சைஸ் ஆணி 10 மற்றும் பழைய ஷூ டப்பா எடுத்துக் கொண்டேன். தீஷுவிற்கு பார்த்தவுடன் புரிந்துவிட்டது. ஆணியை ஷூ டப்பாவில் வைத்து, சுத்தியலால் அடிக்க வேண்டும். நமக்கு இதில் என்ன என்பது போல் தோன்றுகிறது. ஆனால் ஒவ்வொரு ஆணி அடுத்து முடித்தவுடன் தீஷுவிடம் தான் எத்தனை சந்தோஷம். மீண்டும் ஒரு முறை செய்தாள். அடுத்து அரை மணி நேரம் கழித்து ஒரு முறை எடுத்து செய்தாள்.
சமீபத்தில் அவளுக்கு மிகவும் பிடித்த ஆக்டிவிட்டி என்று நினைக்கிறேன். என் கணவரின் பாட்டியிடம் போய் தான் ஹாமரிங் செய்ததாகச் சொன்னாள். என் அம்மாவிடம் போனில் சந்தோஷமாகச் சொன்னாள். ஆனால் பெரிய சைஸ் சுத்தியல் மற்றும் நீள ஆணி அவள் செய்யும் பொழுது அவள் பக்கத்தில் என்னை உட்கார வைத்திருக்கின்றன.
No comments:
Post a Comment