வெட்டுதல் + கூட்டுதல்

கத்திரிக்கோலை கை கண் ஒருங்கிணைப்பை (Eye hand Co-ordination) அதிகரிக்கப் பயன்படுத்தலாம். தீஷு அவ்வப்பொழுது பயன்படுத்துவாள். ஆனால் நேராக வெட்டத் தெரியாது. கொஞ்சம் வித்தியாசப்படுத்தவும், நேராக பேப்பரை வெட்டப் பழக்கவும், நான் பேப்பரை Strip Stripபாக வெட்டிக் கொடுத்தேன். தீஷு வெட்டின பேப்பரை வெட்ட கஷ்டப்பட்டாள். ஆகையால் மீண்டும் முழு பேப்பரையே கொடுத்து வெட்ட சொன்னேன். 30 நிமிடங்கள் வரை வெட்டிக் கொண்டு இருந்தாள்.





அடுத்ததாக அவளை வெட்டினப் பேப்பரை கூட்டி சுத்தம் செய்ய பழக்கினேன். எழுதும் குச்சியினால் ஒரு வட்டம் போட்டு அதில் பேப்பர் குப்பையை வைக்க சொன்னேன். சுலபமாக செய்து முடித்து விட்டாள். பின் முறத்தில் அள்ள சிறிது கஷ்டப்பட்டாள். சில நேரங்களில் கையை பயன்படுத்தி பேப்பரை எடுத்து முறத்தில் போட்டாள். முறத்தில் உள்ளதை குப்பைத் தொட்டியிலும் போட்டு விட்டாள்.


முடித்தவுடன் முகத்தில் அவ்வளவு சந்தோஷம், பெருமிதம்.