Tuesday, December 6, 2011

ஓவிய‌ப் போட்டி

தீஷுவின் ப‌ள்ளியில் போட்டிக‌ள் அறிவித்து இருந்தார்க‌ள். அதில் தீஷுவின் ஓவிய‌த்திற்கு முத‌ல் இட‌ம் கிடைத்திருக்கிற‌து!! ஓவிய‌ப் போட்டி, புகைப்ப‌ட‌ம் எடுத்த‌ல், வீடியோ எடுத்த‌ல், க‌ட்டுரை எழுதுத‌ல் போன்ற‌ போட்டிக‌ள் என் நினைவில் உள்ள‌ன. நான் இது க‌லிஃபோர்னியாவில் ம‌ட்டும் ந‌டைபெறுவ‌து என்று நினைத்திருந்தேன். ஆனால் என் தோழியிட‌ம் பேசும் பொழுது தான் ம‌ற்ற‌ மாநில‌ங்க‌ளிலும் ந‌டைபெற்ற‌தை அறிந்து கொண்டேன். ஒவ்வொரு வ‌ருட‌மும் ந‌டைபெறுகிற‌து. இந்த‌ வ‌ருட‌த்திற்கான‌ தீம் - Diversity

நேற்று மாலை அனைத்து ஓவிய‌ங்க‌ளும் பார்வைக்கு வைக்க‌ப்ப‌ட்டு இருந்த‌ன. K - 2 (கிண்ட‌ர் கார்ட‌ன் முதல் இர‌ண்டாவ‌து வ‌குப்பு வ‌ரை)பிரிவில் தீஷுவின் ஓவிய‌ம் இருந்தது. அந்த‌ பிரிவில் கிட்ட‌த்த‌ட‌ட‌ நாற்ப‌து ஓவிய‌ங்க‌ள் வ‌ரை இருந்த‌ன‌.

நான் தீஷுவிட‌ம் அனைத்து போட்டிக‌ளையும் விள‌க்கிவிட்டு என்ன செய்கிறாய் என்றவுட‌ன், ப‌ட‌ம் வ‌ரைவ‌தாக‌வும், புகைப்ப‌டம் எடுப்ப‌தாக‌வும், ஒரு க‌தை எழுதுவ‌தாக‌வும் சொன்னாள். டைவ‌ர்ஸிட்டி என்றால் என்ன‌ என்று விள‌க்கிய‌வுட‌னே, அவ‌ள் சொன்ன‌து ‍ ஒரு அர‌ண்ம‌னையும், ஒரு வான‌வில்லும் வ‌ரைய‌ வேண்டும். எவ்வாறு அது டைவ‌ர்ஸிட்டி என்று கேட்ட‌வுட‌ன், அர‌ண்ம‌னை அமைப்பில் நிறைய க‌ல‌ர்க‌ளும், வ‌டிவ‌ங்க‌ளும் இருக்கின்றன, ஆனால் அது ஒரே க‌ட்டிட‌ம். அதே போல் வான‌வில்லில் நிறைய‌ க‌ல‌ர்க‌ள் இருந்தாலும் இது ஒன்று தான் என்றாள்.

1. உன‌க்கு என்ன‌ பிடிக்கிற‌தோ அதே வ‌ரை என்றேன். அர‌ண்ம‌னை பென்சிலில் வ‌ரைந்து, மார்க்க‌ரால் பென்சில் மேல் வ‌ரைந்து, ஆயில் பாஸ்ட‌ல் கொண்டு க‌ல‌ர் செய்தாள்.

த‌லைப்பு என்ன எழுத‌ வேண்டும் என்ற‌வுட‌ன், "Diversity in shapes - Beautiful castle" என்றாள்.

விள‌க்க‌ம் என்ற‌வுடன், "Diversity is in castle because it has lots of colours and shapes, but it is one building" என்றாள்






2. அடுத்து வான‌வில் வ‌ரைவ‌த‌ற்கு, ச‌ற்று வித்தியாச‌ப்ப‌டுத்த‌லாம் என்று வாட்ட‌ர் க‌ல‌ரில் செய்ய சொன்னேன். முத‌லில் ப‌ச்சை நிற‌ம் கொண்டு புல் வ‌ரைய‌ சொன்னேன். வானவில்லை பென்சிலில் வ‌ரையாம‌ல் நேராக‌வே வ‌ரைய‌ செய்தேன். இத‌ன் மூல‌ம் வான‌வில்லின் வ‌ண்ண‌ங்க‌ள் ஒன்றோடு ஒன்று க‌ல‌ந்து ந‌ன்றாக இருக்கும் என்று தோன்றிய‌து. வான‌வில்லை முடித்த‌வுட‌ன் நீல நிற‌ம் அடித்து விட்டோம். காய்ந்த‌வுட‌ன் மேக‌மும் சூரிய‌னும் வ‌ரைய‌ வேண்டும் என்று விருப்ப‌ப்ப‌ட்டாள். ஆகையால் அதையும் வ‌ரைந்தாள்.

த‌லைப்பு : Diversity in colours - Amazing rainbow

விள‌க்க‌ம் : Single colour rainbow would have been beautiful, but the different colours make the rainbow amazing







3. அடுத்து அவ‌ளுக்கு வித‌ வித‌ மீன்க‌ள் வ‌ரைய‌ தெரியும் என்றாள். ஆகையால் மீன்க‌ளும், சில பூக்க‌ளும் பென்சிலில் வ‌ரைந்து, அயில் பாஸ்ட‌ல் கொண்டு வ‌ண்ண‌ம் தீட்டி, அத‌ன் மேல் நீல‌ நிற‌ வாட்ட‌ர் க‌ல‌ர் அடித்து விட்டோம். இது முன்ன‌மே ஓவிய‌ர் ப‌ற்றி ப‌டித்த‌ பொழுது செய்த செய்முறை தான். இந்த‌ ஓவிய‌த்திற்கு ப‌ள்ளியில் முத‌ல் இட‌ம் கிடைத்திருக்கிற‌து.

த‌லைப்பு : Diversity in species - Deep sea life

விள‌க்க‌ம் : Diversity in shapes, colours and sizes of different fishes and plants make the ocean life beautiful











4. ம‌ர‌ங்க‌ளில் க‌ல‌ர் க‌ல‌ர் இலைக‌ளை புகைப்ப‌டமாக‌ எடுக்க‌ வேண்டும் என்றாள். ஆனால் அந்த‌ வார‌ம் ம‌ழை பெய்து கொண்டிருந்ததால் வ‌ரைந்து விட‌லாம் என்றேன். இரு ம‌ர‌ங்க‌ள் அயில் பாஸ்ட‌ல் கொண்டு வ‌ரைந்து க‌ல‌ர் செய்து கொண்டாள். கீழ் ப‌குதியில் ப‌ச்சை நிற‌மும், மேல் ப‌குதியில் நீல நிற‌மும் வாட்ட‌ர் க‌ல‌ர் கொண்டு தீட்டினாள். காய்ந்த‌வுட‌ன் சாதார‌ண பெயிண்ட்டால், பிர‌ஸ் பின் ப‌குதி கொண்டு சிவப்பு, ம‌ஞ்ச‌ள், பச்சை ம‌ற்றும் ஆரெஞ்ச் கொண்டு புள்ளிக‌ள் வைத்து விட்டோம்.

த‌லைப்பு : Diversity in colours - Fall trees

விள‌க்க‌ம் : Diversity in leaf's colours make the fall trees and season beautiful and complete





ப‌ள்ளியில் எடுத்த‌ இர‌ண்டு புகைப்ப‌ட‌ங்க‌ள் த‌விர‌ இணைக்க‌ப்ப‌ட்ட‌ ம‌ற்ற‌ ப‌டங்க‌ள் எடுத்த‌து. அவ‌ள் ஓவிய‌ங்க‌ளின் த‌லைப்பு ம‌ட்டும் எழுதினாள். நான் விள‌க்க‌ங்க‌ள் எழுதினேன்.

தீஷுவின் ஓவிய‌த்திற்கு முத‌ல் இட‌ம் கிடைத்த‌தில் எங்க‌ளுக்கு ம‌கிழ்ச்சி.

8 comments:

  1. பிரமாதம். தீஷுவிற்கு வாழ்த்துகள். :)

    ReplyDelete
  2. Congrats to both mom and daughter!:-)
    Dheekshu, all you pics are nice. You have colored very beautifully! Keep it up!

    ReplyDelete
  3. ந‌ன்றி ஸ்ரீதர் நாராயணன்

    Thanks Grace

    ReplyDelete
  4. வாழ்த்துகள், தீஷு!!!
    தற்செயலாக உங்கள் ப்ளாக்-ஐ பார்க்க கூடிய வாய்ப்பு கிடைத்தது. தமிழில் இது போன்ற பதிவுகள் பார்த்தது மிக்க மகிழ்ச்சி.

    ReplyDelete
  5. Congrats to Dheekshu... :) have been following your blog since long time. I would like to know wat activities can be introduced to a 8 month old kid... unga mail ID kidaikuma?

    ReplyDelete
  6. நன்றி பகிர்விற்கு... நானும் கதை, கவிதை எழுதுகிறேன்...

    என்னுடைய வலைப்பூ வந்து பாருங்களேன்... www.rishvan.com

    ReplyDelete
  7. Thanks all for your wishes.

    Suba, recently I came across a book called "Your child at play:birth to 1 year". It has lots of activities for babies below 1 year. I will try to post few activities if possible. Thanks.

    ReplyDelete

 
Design by Free WordPress Themes | Bloggerized by Lasantha - Premium Blogger Themes | Web Hosting Bluehost