வித்தியாசம் கண்டுபிடி

குழந்தைகளுக்கான பயிற்சி புத்தகங்களில் மட்டுமில்லாது பெரியவர்களுக்கான புத்தகங்களிலும் இரண்டு படத்தில் வித்தியாசம் கண்டுபிடித்தல் மிகவும் பிரபலம்.

புத்தகங்களில் வித்தியாசம் கண்டுபிடிப்பது போல், ஒன்று போலுள்ள இரண்டு பொருட்களுக்கு வித்தியாசம் கண்டுத்தோம். அதில் நிறைய நன்மைகள் உள்ளன. படத்தில் காண்பதில், புலன்களில் கண்களுக்கு மட்டுமே வேலை உள்ளது. ஆனால் பொருட்களில் கண்டுபிடிப்பதில் மற்ற புலன்களும் உபயோகப்படுத்தப்படுகின்றன.



உதாரணத்திற்கு நாங்கள் இரண்டு மஞ்சள் பந்துகள் எடுத்துக் கொண்டோம். ஒன்று பிளாஸ்டிகாலானது. மற்றொன்று சற்று மிருதுவானது. மிருதுவான பந்தில் ஒரு ஸ்மைலி இருந்தது.

வித்தியாசம் கண்டுபிடிக்க, முதலில் ஸ்மைலியைச் சொன்னாள். பின்பு அதிலிருந்த எழுத்துக்களை சொன்னாள். நான் கேள்வி கேட்க கேட்க மற்ற வித்தியாசங்கள் கண்டுபிடித்தாள். அளவு (கண்கள்), ஹார்ட் & ஸாஃப்ட் (தொடுதல்), தூக்கி போட்டு சத்தம் கண்டுபிடித்தல் -பிளாஸ்டிக்கிலிருந்து சத்தம் வரும், மற்றதில் வராது (காது) முதலியன பயன்படுத்தப் படுகின்றன.

வித்தியாசம் கண்டுபிடிக்க வெவ்வேறு பொருட்கள் பயன்படுத்துவதன் மூலம் வெவ்வேறு புலன்களுக்கு வேலை கொடுக்கலாம். வெந்நீரை ஒரு எவர்சில்வர் டம்ளரிலும், குளிர்ந்த நீரை ஒரு கண்ணாடி டம்ளரிலும் வைத்து வித்தியாசம் கண்டுபிடிப்பது ஒரு உதாரணம். சில நாட்களுக்கு எங்கள் வீட்டில் இந்த விளையாட்டு பிரபலமாக இருக்கும் என்று நினைக்கிறேன்.