மீண்டும் வேறு முறையில்

சென்ற முறை தீஷுவிற்கு கழித்தல் சொல்லிக் கொடுக்கும் பொழுது அவ‌ளுக்குத் தெளிவாக‌ப் புரிய‌வில்லை. மீண்டும் முயற்சிக்கலாம் என்று நினைத்தேன். இந்த முறை வேறு முறையில் செய்தோம்.

நான் ஒரு வட்டம் வரைந்து, அதை நீல நிறத்தில் கலர் செய்து கொண்டேன். இது குளம். எங்களிடம் இருந்த மீன் பொம்மைகள் கிண்ணத்தில் எடுத்து கொண்டோம். கழித்தலில் முதல் எண்ணின் அளவு மீனை குளத்தில் வைக்க வேண்டும். இரண்டாம் எண்ணின் அளவு மீனை குளத்திலிருந்து எடுத்து ஊருக்கு அனுப்பிவிட வேண்டும். விடையை எழுதியவுடன் அனைத்தையும் கிண்ணத்தில் வைத்து விட வேண்டும். மீண்டும் அடுத்த கணக்கு.

தீஷுவிற்கு புரிந்துவிட்டது. பிடித்தும் விட்டது. தினமும் மூன்று நான்கு கழித்தல் கணக்குகள் செய்கிறோம்.