பூந்தளிர்

ஓவிய‌ப் போட்டி

2011-12-06T22:47:00.000+05:30

தீஷுவின் ப‌ள்ளியில் போட்டிக‌ள் அறிவித்து இருந்தார்க‌ள். அதில் தீஷுவின் ஓவிய‌த்திற்கு முத‌ல் இட‌ம் கிடைத்திருக்கிற‌து!! ஓவிய‌ப் போட்டி, புகைப்ப‌ட‌ம் எடுத்த‌ல், வீடியோ எடுத்த‌ல், க‌ட்டுரை எழுதுத‌ல் போன்ற‌ போட்டிக‌ள் என் நினைவில் உள்ள‌ன. நான் இது க‌லிஃபோர்னியாவில் ம‌ட்டும் ந‌டைபெறுவ‌து என்று நினைத்திருந்தேன். ஆனால் என் தோழியிட‌ம் பேசும் பொழுது தான் ம‌ற்ற‌ மாநில‌ங்க‌ளிலும் ந‌டைபெற்ற‌தை அறிந்து கொண்டேன். ஒவ்வொரு வ‌ருட‌மும் ந‌டைபெறுகிற‌து. இந்த‌ வ‌ருட‌த்திற்கான‌ தீம் - Diversity

நேற்று மாலை அனைத்து ஓவிய‌ங்க‌ளும் பார்வைக்கு வைக்க‌ப்ப‌ட்டு இருந்த‌ன. K - 2 (கிண்ட‌ர் கார்ட‌ன் முதல் இர‌ண்டாவ‌து வ‌குப்பு வ‌ரை)பிரிவில் தீஷுவின் ஓவிய‌ம் இருந்தது. அந்த‌ பிரிவில் கிட்ட‌த்த‌ட‌ட‌ நாற்ப‌து ஓவிய‌ங்க‌ள் வ‌ரை இருந்த‌ன‌.

நான் தீஷுவிட‌ம் அனைத்து போட்டிக‌ளையும் விள‌க்கிவிட்டு என்ன செய்கிறாய் என்றவுட‌ன், ப‌ட‌ம் வ‌ரைவ‌தாக‌வும், புகைப்ப‌டம் எடுப்ப‌தாக‌வும், ஒரு க‌தை எழுதுவ‌தாக‌வும் சொன்னாள். டைவ‌ர்ஸிட்டி என்றால் என்ன‌ என்று விள‌க்கிய‌வுட‌னே, அவ‌ள் சொன்ன‌து ‍ ஒரு அர‌ண்ம‌னையும், ஒரு வான‌வில்லும் வ‌ரைய‌ வேண்டும். எவ்வாறு அது டைவ‌ர்ஸிட்டி என்று கேட்ட‌வுட‌ன், அர‌ண்ம‌னை அமைப்பில் நிறைய க‌ல‌ர்க‌ளும், வ‌டிவ‌ங்க‌ளும் இருக்கின்றன, ஆனால் அது ஒரே க‌ட்டிட‌ம். அதே போல் வான‌வில்லில் நிறைய‌ க‌ல‌ர்க‌ள் இருந்தாலும் இது ஒன்று தான் என்றாள்.

1. உன‌க்கு என்ன‌ பிடிக்கிற‌தோ அதே வ‌ரை என்றேன். அர‌ண்ம‌னை பென்சிலில் வ‌ரைந்து, மார்க்க‌ரால் பென்சில் மேல் வ‌ரைந்து, ஆயில் பாஸ்ட‌ல் கொண்டு க‌ல‌ர் செய்தாள்.

த‌லைப்பு என்ன எழுத‌ வேண்டும் என்ற‌வுட‌ன், "Diversity in shapes - Beautiful castle" என்றாள்.

விள‌க்க‌ம் என்ற‌வுடன், "Diversity is in castle because it has lots of colours and shapes, but it is one building" என்றாள்

2. அடுத்து வான‌வில் வ‌ரைவ‌த‌ற்கு, ச‌ற்று வித்தியாச‌ப்ப‌டுத்த‌லாம் என்று வாட்ட‌ர் க‌ல‌ரில் செய்ய சொன்னேன். முத‌லில் ப‌ச்சை நிற‌ம் கொண்டு புல் வ‌ரைய‌ சொன்னேன். வானவில்லை பென்சிலில் வ‌ரையாம‌ல் நேராக‌வே வ‌ரைய‌ செய்தேன். இத‌ன் மூல‌ம் வான‌வில்லின் வ‌ண்ண‌ங்க‌ள் ஒன்றோடு ஒன்று க‌ல‌ந்து ந‌ன்றாக இருக்கும் என்று தோன்றிய‌து. வான‌வில்லை முடித்த‌வுட‌ன் நீல நிற‌ம் அடித்து விட்டோம். காய்ந்த‌வுட‌ன் மேக‌மும் சூரிய‌னும் வ‌ரைய‌ வேண்டும் என்று விருப்ப‌ப்ப‌ட்டாள். ஆகையால் அதையும் வ‌ரைந்தாள்.

த‌லைப்பு : Diversity in colours - Amazing rainbow

விள‌க்க‌ம் : Single colour rainbow would have been beautiful, but the different colours make the rainbow amazing

3. அடுத்து அவ‌ளுக்கு வித‌ வித‌ மீன்க‌ள் வ‌ரைய‌ தெரியும் என்றாள். ஆகையால் மீன்க‌ளும், சில பூக்க‌ளும் பென்சிலில் வ‌ரைந்து, அயில் பாஸ்ட‌ல் கொண்டு வ‌ண்ண‌ம் தீட்டி, அத‌ன் மேல் நீல‌ நிற‌ வாட்ட‌ர் க‌ல‌ர் அடித்து விட்டோம். இது முன்ன‌மே ஓவிய‌ர் ப‌ற்றி ப‌டித்த‌ பொழுது செய்த செய்முறை தான். இந்த‌ ஓவிய‌த்திற்கு ப‌ள்ளியில் முத‌ல் இட‌ம் கிடைத்திருக்கிற‌து.

த‌லைப்பு : Diversity in species - Deep sea life

விள‌க்க‌ம் : Diversity in shapes, colours and sizes of different fishes and plants make the ocean life beautiful

4. ம‌ர‌ங்க‌ளில் க‌ல‌ர் க‌ல‌ர் இலைக‌ளை புகைப்ப‌டமாக‌ எடுக்க‌ வேண்டும் என்றாள். ஆனால் அந்த‌ வார‌ம் ம‌ழை பெய்து கொண்டிருந்ததால் வ‌ரைந்து விட‌லாம் என்றேன். இரு ம‌ர‌ங்க‌ள் அயில் பாஸ்ட‌ல் கொண்டு வ‌ரைந்து க‌ல‌ர் செய்து கொண்டாள். கீழ் ப‌குதியில் ப‌ச்சை நிற‌மும், மேல் ப‌குதியில் நீல நிற‌மும் வாட்ட‌ர் க‌ல‌ர் கொண்டு தீட்டினாள். காய்ந்த‌வுட‌ன் சாதார‌ண பெயிண்ட்டால், பிர‌ஸ் பின் ப‌குதி கொண்டு சிவப்பு, ம‌ஞ்ச‌ள், பச்சை ம‌ற்றும் ஆரெஞ்ச் கொண்டு புள்ளிக‌ள் வைத்து விட்டோம்.

த‌லைப்பு : Diversity in colours - Fall trees

விள‌க்க‌ம் : Diversity in leaf's colours make the fall trees and season beautiful and complete

ப‌ள்ளியில் எடுத்த‌ இர‌ண்டு புகைப்ப‌ட‌ங்க‌ள் த‌விர‌ இணைக்க‌ப்ப‌ட்ட‌ ம‌ற்ற‌ ப‌டங்க‌ள் எடுத்த‌து. அவ‌ள் ஓவிய‌ங்க‌ளின் த‌லைப்பு ம‌ட்டும் எழுதினாள். நான் விள‌க்க‌ங்க‌ள் எழுதினேன்.

தீஷுவின் ஓவிய‌த்திற்கு முத‌ல் இட‌ம் கிடைத்த‌தில் எங்க‌ளுக்கு ம‌கிழ்ச்சி.

Paper Weaving

2011-12-06T04:05:00.000+05:30

வெகு நாட்க‌ளாக‌ செய்ய வேண்டும் என்று நினைத்திருந்த‌ பேப்ப‌ர் வீவிங், சென்ற‌ வார‌ம் ஒரு நாளில் செய்ய முடிந்த‌து.

1. ஒரு க‌ல‌ர் பேப்ப‌ரை ஒரு ஓர‌த்திலிருந்து அக‌ல‌ வாக்கில் ஒரு இன்ச் அள‌ந்து ஒரு கோடு வ‌ரைந்து கொண்டேன்.

2. அதே பேப்ப‌ரில் நீள வாக்கில் ஒரு இன்ச் இடைவெளி விட்டு கோடுக‌ள் வ‌ரைந்து கொண்டேன்.

3. தீஷுவிட‌ம் கொடுத்து கோடுக‌ள் மேல் வெட்ட சொன்னேன். முழூ தாளையும் வெட்டாம‌ல் முத‌ல் அக‌ல‌ வாக்கு கோட்டிற்கு மேல் வெட்ட‌க்கூடாது. ப‌டத்தில் உள்ள‌ நீல‌ நிற‌ பேப்ப‌ர்.

4. ம‌ற்றுமொரு க‌ல‌ரில் ஒரு தாளை எடுத்து நீள‌ வாக்கில் ஒரு இன்ச் ப‌ட்டைக‌ளாக வெட்ட‌ச் செய்தேன். ப‌டத்தில் உள்ள‌ ப‌ச்சை நிற‌‌ பேப்ப‌ர்.

5. இப்பொழுது முத‌ல் தாளில் வெட்ட‌ப்ப‌டாத‌ ப‌குதியின் அருகில் இர‌ண்டாவ‌து தாளைக் கொண்டு பின்ன‌ல் செய்ய‌ வேண்டும்.

6. மேல், கீழ், மேல், கீழ் என்று மாற்றி ப‌ட்டைக‌ளை இணைக்க‌ வேண்டும்.

7. அனைத்து பட்டைக‌ளையும் இணைத்த‌வுட‌ன், ப‌ச்சை ஓர‌ங்க‌ளை நீல‌ அள‌விற்கு வெட்டி அத‌னுட‌ன் ஒட்டி விட்டேன்.

தீஷுவிற்கு மிக‌வும் பிடித்திருந்த‌தால் மீண்டும் ம‌றுநாள் செய்ய‌ வேண்டும் என்றாள். இந்த‌ முறை ச‌ற்று வித்தியாச‌ப்ப‌டுத்த‌ தாளை அள‌க்காம‌ல் மேலும் நேராக‌ இல்லாம‌ல் கோண‌லாக‌ வெட்டிக் கொண்டோம். இர‌ண்டு க‌ல‌ருக்கு ப‌திலாக‌ மூன்று உப‌யோக‌ப்ப‌டுத்தினோம். செய்முறை ஒன்றே. ஆனால் என‌க்கு இர‌ண்டாவ‌து முறையில் செய்த‌து மிக‌வும் பிடித்திருந்த‌து.

க‌வ‌ர்ந்த‌ த‌ருண‌ங்க‌ள் 11/19/2011

2011-11-20T03:04:00.000+05:30

தின‌ச‌ரி காலெண்ட‌ரை கிழித்த‌வுட‌ன், ராஜீவ் காந்தி பிற‌ந்த‌ நாள் என்று அவ‌ர் புகைப்ப‌ட‌ம் இருந்த‌து.

தீஷு : யாருமா இது?

அம்மா : ராஜீவ் காந்தி, இந்தியாவோட‌ ப‌ழைய‌ ப்ரைம் மினிஸ்ட‌ர்

தீஷு : ஏன் U.S ப்ரைம் மினிஸ்ட‌ர் போட்டோவெல்லாம் வ‌ர‌ மாட்டேங்குது?

அம்மா: இது இந்தியாவில‌ வாங்கின‌துனால‌

தீஷு : அடுத்த‌ காலெண்ட‌ர் ந‌ம்ம‌ இங்க‌ வாங்குவோமா?

அம்மா : ச‌ரி

தீஷு : அம்மா, Costco (மொத்த க‌டை‍. ‍அனைத்துப் பொருட்க‌ளும் மிகுந்த‌ அள‌விலேயே கிடைக்கும்) வாங்க‌ வேண்டாம். காலெண்ட‌ர் பெரிசா இருக்கும். அப்புற‌ம் ஒரு நாள் தேதியை கிழிக்க‌ ந‌ம‌க்கு இர‌ண்டு நாள் ஆகும்.(சிரித்துக் கொண்டாள்)

காரில் சென்று கொண்டிருந்தோம். தீஷு ஏதோ சிரிக்கும் ப‌டி சொல்லிக் கொண்டே வ‌ந்தாள். சிரித்து முடித்த‌வுட‌ன், "அம்மா, ஜோக்கு கேட்டு சிரிச்சாச்சா.. இப்ப‌ தூங்க‌ ஆர‌ம்பிங்க‌". நான் என்ன‌ செய்ய‌ணும் என்று இவ‌ளைத்தான் கேட்க‌ வேண்டும்.

அப்பா : இந்த‌ டையினிங் டேபிலுக்கு இவ்வள‌வு விலையா?
தீஷு: அப்பா, அவுங்க‌ மொதல‌ டேபில் செய்ய‌ணும், அப்புற‌ம் லாரில‌ க‌டைக்குக் கொண்டு வ‌ர‌ணும், யாராவ‌து தின‌மும் துடைக்க‌ணும். இதுக்கு உங்க‌ளுக்கு $10, $20 டால‌ருக்கு கொடுக்க‌ முடியுமா? இது தான் விலை. வேணும்னா வாங்குங்க‌.

காலையில் எழுந்த‌வுடன், அம்மா, நீங்க‌ எப்ப‌ செத்து போவீங்க‌?
(அதிர்ச்சியாக‌) என்ன‌து?
When will you die?
(ப‌ய‌த்துடன்) 100 வ‌ய‌சுல‌
நோ.. நீங்க‌ தெள‌ச‌ண்டு(thousand) இய‌ர்ஸ் இருக்க‌ணும். ஏன்னா என‌க்கு உங்க‌ள‌ ரொம்ப‌ பிடிக்கும்.
ஓ இதுக்கு தானா.. ஸ்..அப்பா..

வீட்டில் செய்தது

2011-11-12T07:34:00.000+05:30

எந்த‌ ஒரு விளையாட்டு பொருளைப் பார்த்தாலும், அதை வீட்டில் செய்ய‌ முடியுமா என்று யோசிப்ப‌து என் வ‌ழ‌க்க‌ம். தீஷு, எந்த‌ ஒரு விளையாட்டு பொருளையும் வாங்கிய‌ இர‌ண்டு மூன்று நாட்க‌ள் ம‌ட்டும் வைத்து விளையாடுவாள். அதன் பின் தொட‌ ஆள் இல்லாம‌ல் கிட‌க்கும். செய்தது என்றால் தூக்கிப் போட்டு விட்டு போய்விடலாம். ச‌மீப‌த்தில் செய்த‌வை இவை இர‌ண்டும்.

1. Constructive triangles

மாண்டிசோரி சாத‌ன‌ம் அது. பொதுவாக‌வே மாண்டிசோரி சாத‌ன‌ங்க‌ளின் விலை அதிக‌ம். தீஷு ப‌ய‌ன்ப‌டுத்துவாளா என்று தெரியாம‌ல் வாங்க‌ இஷ்ட‌மில்லை. இந்த‌ சாத‌ன‌த்தின் ப‌ய‌ன்பாடு முக்கோண‌ங்க‌ள் கொண்டு எந்த‌ ஒரு சம‌ த‌ள வ‌டிவ‌த்தையும் (plane geometric figures) செய்து விட‌லாம் என்று குழ‌ந்தைக‌ளுக்குப் புரிய வைப்ப‌து.

டெம்பிளேட் இந்த‌ த‌ள‌த்திலிருந்து பிரிண்ட் அவுட் எடுத்துக் கொண்டேன். முதலில் அட்டையில் செய்ய‌லாம் என்று நினைத்திருந்தேன். ஆனால் ஃபெல்ட்டில் செய்தால் சிறிது காலத்திற்கு வைத்து விளையாடலாம் என்று ஃபெல்ட்டில் செய்தேன்.

ச‌துர‌ங்க‌ள் போன்ற‌ எளிய‌ வ‌டிவ‌ங்க‌ள் செய்த‌பின் நாங்க‌ள் செய்த‌வை.

ஜியோ போர்டு (Geoboard)

ஜியோ போர்டைப் பார்த்த‌வுட‌ன் அத‌ன் ப‌ய‌ன்பாடு மிக‌வும் பிடித்திருந்த‌து. விர‌ல்க‌ளுக்கு நல்ல‌ வேலை கொடுக்கும். எளிதாக‌ செய்துவிட‌லாம் என்று தோன்றியது. ஒரு க‌னமான‌ அட்டையில் பென்சிலால‌ க‌ட்ட‌ங்க‌ள் வ‌ரைந்து கொண்டேன். ஒவ்வொரு ஒரங்க‌ளிலும் வீட்டிலிருந்த‌ பின்க‌ளை குத்தி வைத்து விட்டேன். வீட்டிலிருந்த‌ ர‌ப்ப‌ர் பேண்ட் சிறிதாக‌ இருந்தாலும் தீஷுவிற்கு விளையாட‌ பிடிந்திருந்தது.

க‌ணித‌ விளையாட்டு - 5

2011-08-26T04:25:00.001+05:30

மூன்று இல‌க்க‌ எண்ணை ஒருவ‌ர் நினைத்துக் கொள்ள‌ வேண்டும். ம‌ற்ற‌வ‌ர் க‌ண்டுபிடிக்க‌ வேண்டும். எண் நினைத்து கொள்ளும் பொழுது ஒரு விதிமுறை பின்ப‌ற்ற‌ வேண்டும். மூன்று இலக்க‌ எண்ணில் இருக்கும் அனைத்து எண்க‌ளும் வித்தியாச‌மாக‌ இருக்க‌ வேண்டும். உதார‌ண‌த்திற்கு 311, 121 போன்ற‌ எண்க‌ளில் இர‌ண்டு முறை 1 இருப்ப‌தால் அந்த‌ எண்க‌ளை எடுத்துக் கொள்ள‌க் கூடாது.

விளையாட்டு ஆர‌ம்பிக்கும் முன்பே மூன்று வார்த்தைக‌ள் (Code words) யோசித்து வைத்துக் கொள்ள‌ வேண்டும். கோட் வார்த்தைக‌ள் வைத்து தான் ப‌தில் சொல்ல‌ வேண்டும். நான் எடுத்து இருக்கும் மூன்று கோட் வார்த்தைக‌ள் ‍பேனா, பென்சில் ம‌ற்றும் புத்தக‌ம். அத‌ன் விள‌க்க‌ங்க‌ள் வ‌ருமாறு :

பேனா ‍ - சொன்ன‌தில் ஒரு எண்ணும் நினைத்த‌தில் இல்லை
பென்சில் - சொன்ன‌தில் ஒரு எண் உண்டு ஆனால் ச‌ரியான‌ இட‌த்தில் இல்லை
புத்த‌க‌ம் - சொன்ன‌தில் ஒரு எண் ச‌ரியான‌ இல‌க்க‌த்தில்(இட‌த்தில்) இருக்கிறது

எண்ணை க‌ண்டுபிடிப்ப‌வ‌ர் சொல்லும் எண்ணில் நாம் நினைத்த‌ எந்த‌ எண்ணும் எந்த‌ இல‌க்க‌த்திலும் இல்லை என்றால் பேனா என்று சொல்ல‌ வேண்டும். இத‌ன் மூல‌ம் அந்த‌ மூன்று எண்க‌ளும் நினைத்த எண்ணில் இல்லை என்று புரிந்து கொள்ள‌லாம். ஒரு எண் ச‌ரியான‌ இட‌த்திலும் ம‌ற்றுமோர் எண் த‌ப்பான‌ இட‌த்தில் இருந்தால் பேனா பென்சில் என்று சேர்த்துச் சொல்ல‌ வேண்டும்.

உதார‌ண‌ம்

183 என்ற‌ எண்ணை நினைத்திருக்கிறார் என்று வைத்துக் கொள்வோம்.

முத‌ல் யூக‌ம் : 675

ப‌தில் : பேனா

(6, 7, 5 என்ற‌ எண்க‌ள் எந்த‌ இட‌த்திலும் இல்லை. மீத‌ம் உள்ள‌ எண்க‌ள் 0, 1, 2, 3, 4, 8, 9)

இர‌ண்டாவ‌து யூக‌ம் : 128

ப‌தில் : பென்சில் புத்த‌க‌ம்

(எண் 1 ச‌ரியான‌ எண் ச‌ரியான‌ இட‌த்தில் இருக்கிற‌து. அத‌னால் புத்த‌க‌ம். எண் 8 ச‌ரியான‌ இட‌த்தில் இல்லை என்ப‌தால் பென்சில்). யூகிப்ப‌வ‌ருக்கு ஒரு எண் ச‌ரியான‌ இட‌த்தில் இருப்ப‌து தெரியும். ஆனால் அது ஒன்றா அல்ல‌து இர‌ண்டா அல்ல‌து எட்டா என்று தெரியாது

மூன்றாவ‌து யூக‌ம் : 194

ப‌தில் : புத்த‌க‌ம்

இப்பொழுது எண் 1 ச‌ரியான‌ இட‌த்தில் இருப்ப‌து தெரிந்து விட்ட‌து. மீண்டும் இர‌ண்டாவ‌து யூக‌ அடிப்ப‌டையில் எண் இர‌ண்டா அல்ல‌து எட்டா என்று க‌ண்டுபிடிக்க‌ வேண்டும்

நான்றாவ‌து யுக‌ம் : 124

ப‌தில் : புத்த‌க‌ம்

எண் 1 ச‌ரி, எண் 2 இல்லை.ஆகையால் எண் எட்டாக‌ இருக்க‌ வேண்டும். இர‌ண்டாம் யூக‌ அடிப்ப‌டையில் 8 ச‌ரியான‌ இட‌த்தில் இல்லை. ஆகையால் எண் 18 என்று இருக்கும் என்று க‌ண்டுபிடித்து விட்டோம். மூன்றாம் ம‌ற்றும் நான்காம் யூக‌ங்க‌ளில் அடிப்ப‌டையில் 2, 4 எண்க‌ளும் நினைத்திருக்கும் எண்ணில் இல்லை என்று க‌ண்டுபிடித்திருப்போம்.

ஐந்தாவ‌து யூக‌ம் : 189

பதில் : புத்தக‌ம், புத்த‌க‌ம்

இப்பொழுது எண் 9 த‌வ‌று என்ப‌தால் மூன்றாக‌ இருக்க‌ வேண்டும்.

ஆறாவ‌து யூக‌ம் : 183

ப‌தில் : புத்த‌க‌ம், புத்த‌க‌ம், புத்த‌க‌ம்

கோட் வார்த்தைக‌ளை ஒரு முறை முடிவு செய்து விட்டால் மாற்ற‌ வேண்டாம். அடிக்க‌டி மாற்றினால் குழ‌ப்ப‌மாக‌ இருக்கும். புரியும் ப‌டி விள‌க்கியிருக்கிறேன் என்று நினைக்கிறேன்.

Simple but superb

2011-08-20T23:04:00.001+05:30

ந‌மக்கு எளிதாக‌வும் சாதார‌ணமாக‌வும் தெரியும் விஷ‌ய‌ங்க‌ள் குழ‌ந்தைக்கு ஆச்ச‌ரிய‌த்தையும் ச‌ந்தோஷ‌த்தையும் த‌ருவ‌தை க‌ண்டிப்பாக‌ அனைவ‌ரும் பார்த்திருப்போம். இந்த‌ வார‌த்தில் எங்க‌ள் வீட்டில் செய்த‌ மிக‌வும் எளிமையான‌ ஆனால் பெரிதும் விரும்ப‌ப்ப‌ட்ட‌ ஆக்டிவிட்டீஸ்.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

1. இது குழ‌ந்தையாக‌ இருந்த‌ பொழுது செய்து விளையாண்ட‌து. அறிவிய‌ல் புத்த‌கத்தில் கூட‌ செய்முறை இருக்கும். வீட்டுத் தொலைபேசி. இரு பேப்ப‌ர் ட‌ம்ளர்க‌ளை ஒரு நூலினால் இணைக்க‌ வேண்டும். ஒருவ‌ர் ஒரு ட‌ம்ள‌ரில் பேசும் பொழுது ம‌ற்ற‌வ‌ர் ம‌ற்ற‌ ட‌ம்ள‌ர் வ‌ழியாக‌ கேட்க‌ வேண்டும். ஒருவ‌ர் ஒரு ட‌ம்ள‌ரில் பேசும் ஒலி ம‌ற்ற‌வ‌ருக்கு ம‌று ட‌ம்ள‌ருக்கு நூலில் வ‌ழி செல்லுகிற‌து என்ப‌தே ஒரு ஆச்ச‌ரிய‌மாக‌ இருந்தது. மிக‌ நீள‌மான‌ நூலாக‌ இருந்த‌தால் ப‌க்க‌த்து ப‌க்க‌த்து அறைக‌ளில் அம‌ர்ந்து மெல்லிதாக‌ பேசினாலும் ம‌ற்ற‌வ‌ர்க‌ளுக்கு கேட்ட‌து. ஒருவ‌ர் ட‌ம்ள‌ரில் பேசும் பொழுது ம‌ற்ற‌வ‌ர் காதில் வைக்க‌ வேண்டும். அத‌ற்காக‌ பேசி முடித்த‌வுட‌ன் "ஓவ‌ர்" என்று சொல்ல‌ வேண்டும் என்ற‌து தான் இதில் விருப்ப‌மான‌ விஷ‌ய‌மான‌து.

சில‌ ச‌ம‌ய‌ம் Over என்ப‌த‌ற்கு ப‌திலாக‌ End என்று சொல்வ‌து, இருவ‌ருமே ஒரே ச‌ம‌ய‌த்தில் பேசுவ‌து, இருவ‌ரும் காதில் வைத்துக்கொண்டு முழிப்ப‌து போன்றவைக‌ளும் ந‌ட‌க்க‌லாம்!!

ஆனால் இர‌ண்டு மூன்று நாட்க‌ள் ஒவ்வொரு நாளும் அரை ம‌ணி நேர‌த்திற்கு மேல் இப்ப‌டியாக‌ பேசும் ப‌டி ஆன‌து.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

2. ஒரு ஜிப் லாக் பாகில் (Ziplock) எண்ணெய் ம‌ற்றும் த‌ண்ணீர் சேர்த்துக் கொண்டோம். அதில் இர‌ண்டு க‌ல‌ர் பெயிண்ட் சேர்த்துக் கொண்டோம். எண்ணெய் இருப்ப‌தால் இரு க‌ல‌ரும் சேராது என்று நினைத்திருந்தேன். ஆனால் சிக‌ப்பும், வெள்ளையும் சேர்ந்து வெளீர் பிங்க் ஆன‌து. அதை ந‌ன்றாக மூடி, டேப்பை வைத்து மேலும் வாயை ந‌ன்றாக‌ மூடி வைத்து விட்டோம். அதில் விர‌ல்க‌ள் கொண்டு உருவ‌ங்க‌ள்/எழுத்துக்கள்/ஓவிய‌ங்க‌ள் உருவாக்கினோம். விர‌ல்க‌ளால் பெயிண்ட்டைப் பிரித்தாலும் மீண்டும் சேர்வ‌து பார்ப்ப‌த‌ற்கு ஒரு ந‌ல்ல‌ அனுப‌வ‌மாக‌ அமைந்த‌து.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

3. ஐஸ் பெயிண்ட்டிங்: த‌ண்ணீரில் க‌ல‌ர் க‌ல‌ந்து, ஐஸ் உருவாக்கினோம். பிடித்து வ‌ரைவ‌த‌ற்கு ஏதுவாக ந‌டுவில் குச்சி வைத்துவிட்டோம். ஐஸ் உருகும் நிலை பொருத்து வெவ்வேறு வ‌கையான ஓவிய‌ங்க‌ள் தோன்றின். முத‌லில் ஐஸ் உருகாம‌ல் இருந்த‌ பொழுது ச‌ற்று அழுத்தி வ‌ரைய‌ வேண்டி இருந்தது. ஆனால் உருக‌த் தொட‌ங்கிய‌வுட‌ன் எளிதாக இருந்த‌து. ச‌ற்று த‌ண்ணீர் ஆன‌வுட‌ன் காகிதத்தை ஈர‌மாக்கிவிட்ட‌து.

ஓவிய‌ர் & ஓவிய‌ம் - 6

2011-08-19T04:16:00.000+05:30

ஜாக்ஸ‌ன் பால‌க் (Jackson Pollock) ப‌ற்றி இந்த‌ முறை ப‌டித்தோம். அமெரிக்காவில் 1912 யில் பிற‌ந்த‌ இவ‌ர், உருவ‌மில்லாம‌ல் ப‌ட‌ம் வ‌ரைவ‌தில் வ‌ல்ல‌வ‌ர். இவ‌ர் பெயிண்ட்டில் பிர‌ஸ்ஸை ந‌னைத்து, கான்வாஸ்ஸில் தெளித்தோ, வ‌டித்தோ ப‌டங்க‌ள் உருவாக்கினா‌ர். சில‌ ப‌ட‌ங்க‌ளை பெயிண்ட் ட‌ப்பாவிலிருந்து நேர‌டியாக‌ கொட்டியும் உருவாக்கியுள்ளார். இவ‌ரின் லாவெண்ட‌ர் மிஸ்ட்(Lavendar Mist) என்ற புகைப்ப‌ட‌த்தை எடுத்துப் ப‌டித்தோம்.

ஓவிய‌த்தை உருவாக்குவ‌த‌ற்கு

1. முத‌லில் பெயிண்ட்டில் த‌ண்ணீர் க‌ல‌ந்து, பிர‌ஸ்ஸினால் தெளித்துப் பார்த்தோம். ஆனால் தீஷுவிற்கு அதில் விருப்ப‌மிருக்க‌வில்லை. ப‌ட‌த்தில் க‌ல‌ர் அட‌ர்த்தியாக‌ இல்லை என்றாள்.

2. ஆகையால் கான் மாவையும்(Corn Flour) த‌ண்ணீரையும் ச‌ரி அள‌வில் க‌ல‌ந்து கொண்டோம்.

3. அதில் பெயிண்ட் சேர்த்துக் கொண்டோம்.

4. தெளித்த‌ பொழுது க‌ல‌ர் ந‌ன்றாக தெரியாவிட்டாலும் எளிதாக‌ தெளிக்க‌ முடிந்த‌து.

5. தீஷு தெளித்த‌து ம‌ட்டும் போதாது. வீடும் வ‌ரைய வேண்டும் என்று ஆசைப்ப‌ட்டாள். எங்க‌ள் ஓவிய‌ம்.

வ‌ண்ண‌க்கோல‌ங்க‌ள்

2011-08-16T04:30:00.003+05:30

முடிவு இப்ப‌டித்தான் இருக்க‌ப் போகிற‌து என்று தெரியாத‌ ஓவிய‌ வ‌ழிமுறைக‌ளில் எப்பொழுதும் ஓர் ஆர்வ‌ம் உண்டு. முறைக‌ளை ச‌ற்று வித்தியாச‌ப் ப‌டுத்தினாலும் முடிவு மாறி வ‌ருவ‌து ஆச்ச‌ரிய‌மான‌ விஷ‌ய‌ம்.

இங்கு காபி பில்ட‌ர் (coffee filter) என்று காபி மேக்க‌ரில் காபியை வ‌டிக் க‌ட்ட ப‌ய‌ன்ப‌டும் பேப்ப‌ரில் ஒரு நாள் வாட்ட‌ர் க‌ல‌ர் கொண்டு க‌ல‌ர் செய்தோம். டிஷ்யூ பேப்ப‌ரிலும் செய்ய‌லாம். டிராப்ப‌ர் (dropper) என‌ப்ப‌டும் ம‌ருந்து கொடுக்க‌ப் ப‌ய‌ன்ப‌டுவ‌தை வைத்து செய்தோம். வித்தியாசமான‌ அனுப‌வ‌மாக‌ இருந்தாலும் க‌ல‌ர் ந‌ன்றாக‌த் தெரிய‌வில்லை. எங்க‌ள் க‌ண்ணாடி க‌த‌வில் பூ மாதிரி செய்து ஒட்டி வைத்திருந்தோம். ஏதோ குறைந்தது போல் இருந்த‌து.

இரு மாத‌ங்க‌ளான நிலையில் ஏன் வேறு ஒரு முறையில் முய‌ற்சிக்க‌க் கூடாது என்று தோன்றிய‌து. தூணிகளுக்கு டிசைன் செய்ய‌ ப‌ய‌ன்ப‌டும் முறையான‌ Tie dye முறையில் முய‌ற்சிக்க‌லாம் என்று முய‌ற்சித்தோம். காபி பில்‌ட‌ரை வெவ்வேறு முறையில் ம‌டித்துக் கொண்டோம். உதார‌ணத்திற்கு

1. வ‌ட்ட‌மாக‌ இருக்கும் பில‌ட‌ரை, அரை வ‌ட்ட‌மாக‌ ம‌டித்து, மீண்டும் கால் வ‌ட்ட‌மாக‌ வ‌டித்தால், முக்கோண‌ வ‌டிவ‌ம் வ‌ரும். மீண்டும் முக்கோண‌ வ‌டிவ‌த்தை அரையாக‌ ம‌டித்த‌ல்

2. நீள‌ வாக்கில் முன்னால் ஒரு ம‌டிப்பு, பின்னால் ஒரு ம‌டிப்பு என்று ம‌டித்து ஒரு செவ்வ‌க‌மாக‌ மாற்ற‌ வேண்டும். மீண்டும் மீண்டும் ம‌டித்து சிறு செவ்வ‌க‌மாக‌ மாற்றுத‌ல்.

இவ்வாறு வெவ்வேறு முறைக‌ளில் ம‌டிக்கும் பொழுது ஒவ்வொரு முறையிலும் வெவ்வேறு டிசைன் வ‌ரும். ம‌டித்த‌ப்பின் பேப்ப‌ரை வாட்ட‌ர் க‌ல‌ரில் முக்கி எடுக்க‌ வேண்டும். ஒவ்வொரு ஓரங்க‌ளிலும் ஒவ்வொரு க‌ல‌ர் அல்ல‌து வெறும் இர‌ண்டு க‌ல‌ர்க‌ள் என்று கொண்டு செய்தோம்.

இந்த‌ முறையில் க‌ல‌ர் செய்த‌ பொழுது சென்ற‌ முறையை விட‌ க‌ல‌ர் ந‌ன்றாக‌ தெரிந்த‌து. டிஷ்யூ பேப்ப‌ர் ம‌ற்றும் கிச்ச‌ன் ட‌வ‌ல் கூட‌ ப‌ய‌ன்ப‌டுத்திப் பார்த்தோம். அனைத்திலும் ந‌ன்றாக வ‌ந்த‌து. காய்ந்த‌ பின் பேப்ப‌ரை பிரித்து இருந்தால் இன்னும் ந‌ன்றாக‌ இருந்து இருக்கும். ஆனால் எங்க‌ளுக்கு டிசைன் பார்ப்ப‌தில் அவ‌ச‌ர‌ம். காயும் முன்னே பிரித்து விட்டோம்.

அழ‌காக‌ இருக்கின்ற‌ன‌. இந்த‌ பேப்பர்க‌ளை வைத்து ஏதாவ‌து செய்ய‌ வேண்டும் என்று யோசித்துக் கொண்டு இருக்கிறோம்.

ப‌ய‌ண‌த்திற்கு ஏற்ற‌ கணித‌ விளையாட்டுக்க‌ள்

2011-08-10T05:09:00.002+05:30

நீண்ட தூர‌ப் ப‌ய‌ண‌த்திற்கு கிள‌ம்பும் பொழுது த‌ண்ணீர், சாப்பாடு போன்று உட‌ன் ப‌ய‌ணிக்கும் குழ‌ந்தையின் நேர‌த்தை எவ்வாறு போக்குவ‌து என்று யோசிக்க‌ வேண்டி உள்ள‌து. ம‌ற்ற‌ குழ‌ந்தைக‌ளுட‌ன் விளையாடிக் கொண்டே என் சிறு வ‌ய‌து ப‌ய‌ண‌ங்க‌ள் அமைந்த‌ன‌. ஆனால் இப்பொழுது த‌னியாக‌ கார் சீட்டில் க‌ட்டிப் போட்டுள்ள‌ குழ‌ந்‌தையை எத்த‌ணை ம‌ணி நேர‌ம் தான் வெளியில் வேடிக்கைப் பார்த்துக் கொண்டு வ‌ர‌ சொல்வ‌து. காரில் செல்லும் பொழுது விளையாட சில‌ க‌ணித‌ விளையாட்டுக‌ள்:

1. என் அலுவ‌ல‌க‌ ட்ரெயினிங்கிற்கு வ‌ந்த‌ ஆசிரிய‌ரிட‌மிருந்து க‌ற்ற‌து. குழுவாக‌ விளையாடுவ‌து. 1,2,3 என்று ஒருவ‌ர் மாற்றி ஒருவ‌ர் வ‌ரிசையாக‌ சொல்லிக் கொண்டே வ‌ர‌ வேண்டும். ஆனால் 7, 14, 21 போன்று ஏழின் பெருக்குத்தொகை வ‌ரும் பொழுதும் 17,27,37 என்று ஏழில் முடியும் எண் வ‌ரும் பொழுதும் கைத் த‌ட்ட‌ வேண்டும். வாயால் சொல்லக் கூடாது. கேட்க‌ எளிதாக‌த் தோன்றும். ஆனால் வேகமாக‌ சொல்லும் பொழுது க‌டின‌மாக‌ இருக்கும். குழ‌ந்தைக‌ளின் வ‌ய‌திற்கு ஏற்ப‌ இந்த‌ விளையாட்டை வித்தியாச‌ப்ப‌டுத்த‌லாம்.

உதார‌ண‌த்திற்கு இர‌ண்டின் அல்ல‌து ப‌த்தின் பெருக்குத் தொகை ம‌ற்றும் 3,13,23 என்று மூன்றில் முடிவ‌ன போன்ற‌ன‌.

2. இது க‌ணித‌ விளையாட்டு என்ற‌ த‌லைப்பில் எழுதிய‌து தான். இர‌ண்டு ந‌ப‌ருக்கு மேல் விளையாடுவ‌தால், ப‌த்திற்கு ப‌தில் இருப‌து என்று வைத்துக் கொள்வோம். 20 திலிருந்து த‌லைகீழாக‌ சொல்லிக் கொண்டே வ‌ர‌ வேண்டும். ஒருவ‌ர் ஒரு எண்ணோ, இரு எண்ணோ சொல்லலாம். இறுதியில் யார் ஒன்றாம் எண் சொல்லுகிறாரோ அவருக்கு ஒரு பாயிண்ட்.

உதார‌ண‌த்திற்கு மூன்று பேர் விளையாடுகிறார்க‌ள் என்று வைத்துக் கொள்வோம்.

முத‌ல் ந‌பர் : 20

இரண்டாம் ந‌ப‌ர் : 19, 18

மூன்றாம் ந‌ப‌ர் : 17

மீண்டும் முத‌ல் ந‌ப‌ர் : 16,15

இவ்வாறு சொல்லிக் கொண்டு வ‌ரும் பொழுது யார் ஒன்று என்று சொல்லுகிறார்க‌ளோ அவ‌ருக்கு ஒரு பாயிண்ட்.

3. ஒருவ‌ர் ஒரு எண்ணை நினைத்துக் கொள்ள‌ வேண்டும். குழ‌ந்தையின் வ‌ய‌திற்கு ஏற்ப‌ 1 இலக்க‌, 2 இல‌க்க‌, 3 இலக்க‌ எண் என‌ மாற்றிக் கொள்ள‌லாம‌. ம‌ற்ற‌வ‌ர்க‌ள் கேள்விக‌ள் கேட்டு அந்த‌ எண்ணை கண்டுபிடிக்க வேண்டும். ம‌னதில் நினைத்த‌வ‌ர் ஆம் இல்லை என்று ம‌ட்டும் சொல்ல‌லாம். ஒருவ‌ர் மாற்றி ஒருவ‌ர் கேட்க‌ வேண்டும். ச‌ரியாக‌ க‌ண்டுபிடிப்ப‌வ‌ருக்கு 1 பாயிண்ட்.

உதார‌ண‌த்திற்கு 97 என்று மன‌தில் நினைத்து இருக்கிறார் என்று வைத்துக் கொள்வோம்.

கேள்வி 1 : 50 க்கு மேலா?
ப‌தில் : ஆம்

கேள்வி 2 : 90 க்கு கீழா?
ப‌தில் : இல்லை.

இவ்வாறு கேள்விக‌ள் கேட்டு க‌ண்டுப்பிடிக்க‌ வேண்டும்.

4. குழ‌ந்தை த‌ற்பொழுது க‌ற்றுக் கொண்டு இருக்கும் க‌ணித‌ த‌லைப்பைக் கொண்டு விளையாட்டை உருவாக்க‌லாம்.

உதார‌ண‌த்திற்கு நாம் எந்த‌ எண்ணைக் கூறுகிறோமோ, அதில் ப‌த்தைக் கூட்டி சொல்ல‌ வேண்டும். (Counting by 10)
கூறும் எண்ணை மீண்டும் அந்த‌ எண்ணுட‌ன் கூட்டுச் சொல்ல‌ வேண்டும்(Doubles)
பெரிய‌ எண், சிறிய எண் க‌ண்டுபிடித்த‌ல்
எளிய கூட்ட‌ல், க‌ழித்த‌ல் ம‌ன‌க் க‌ண‌க்குக‌ள்

5. ஒருவ‌ர் நூறுக்குள் மூன்று எண்க‌ளை இரு முறை சொல்ல‌ வேண்டும். ம‌ற்ற‌வ‌ர் அந்த‌ மூன்று எண்க‌ளையும் அதே வ‌ரிசையில் திரும்ப‌ சொல்ல‌ வேண்டும். வ‌ய‌திற்கேற்ப எண்க‌ளையோ இல‌க்க‌ங்க‌ளையோ அதிக‌ அல்ல‌து குறைக்க‌லாம்.

உங்க‌ளுக்குத் தெரிந்த‌ விளையாட்டுக‌ளையும் ப‌கிர்ந்து கொள்ளுங்க‌ளேன்

ஈச‌ல்

2011-08-06T03:55:00.003+05:30

ப‌டம் :ikea.com

ஓவிய‌ர்க‌ள் உப‌யோக‌ப்ப‌டுத்தும் ஈச‌ல் (Easel) குழ‌ந்தைக‌ள் அளவில் கிடைப்ப‌தை குழ‌ந்தைக‌ள் உப‌யோகித்தால் ந‌ன்மைக‌ள் உண்டு என்று ப‌டித்தேன்‌. இது செக்குத்தாக‌ இருக்கும். குழ‌ந்தைக‌ள் கையைத் தூக்கி வ‌ரைவ‌தால், அவ‌ர்க‌ளின் தோல் எலும்புக‌ள் ப‌ல‌ப்ப‌டும். அது அவ‌ர்க‌ள் எழுதுவ‌த‌ற்கு மிக‌வும் அவ‌சிய‌ம் என்று ப‌டித்த‌திலிருந்து ஈச‌ல் மேல் ஒரு க‌ண். ஆனால் வீட்டில் வைப்ப‌த‌ற்கு இட‌மில்லை. அத‌னால் சுவ‌த்தில் ஒரு நீண்ட‌ பேப்ப‌ரை ஓட்டிக் கொடுத்தேன். ஆனால் அதில் பெயிண்ட் செய்யும் பொழுது சுவ‌த்தில் ப‌ட்டு விடுமோ என்று ப‌ய‌ம் இருந்து கொண்டிருந்த‌து. சுவ‌த்தில் பெயிண்ட் போகவில்லை என்றால் காலி ப‌ண்ணும் பொழுது இருக்க‌ப் போகும் செல‌வை நினைத்துப் பேப்ப‌ரை எடுத்து விட்டேன்.

அத‌ன் பின் கண்ணாடி கத‌வு எங்க‌ள் ஈச‌ல் ஆன‌து. கண்ணாடியில் வ‌ரைய‌ கரையான்ஸ் கிடைத்தாலும், துடைத்தால் க‌லர் முழுவ‌துமாக‌ போகுமா என்று தெரியாத‌தால் அதை முய‌ற்சி செய்ய‌வில்லை. ஒரு முறை டேப்பைக் கிழித்து ஒட்டினோம். அது தீஷுவிற்கு மிக‌வும் பிடித்திருந்த‌து.

பின்பு ஒரு முறை ஃபோம் வ‌டிவ‌ங்க‌ளை த‌ண்ணீர் தொட்டு ஒட்டினோம். வ‌டிவ‌ங்க‌ள் த‌ண்ணீர் காயும் வ‌ரை ஒட்டியிருந்த‌ன‌. ஒட்டுவ‌த‌ற்கு அரை ம‌ணி நேர‌த்திற்கு மேல் ஆன‌து.

ஒரு க‌ன‌‌மான‌ பெரிய‌ அட்டை ட‌ப்பா கிடைத்த‌து. இப்பொழுது அது தான் எங்க‌ள் ஈச‌ல். மூன்று ப‌க்க‌ங்க‌ள் மூடியும் ஒரு ப‌க்க‌ம் மூடாம‌ல் இருக்கும் ஒரு திறந்த‌ ட‌ப்பா. அத‌ன் திற‌ந்த‌ ப‌க்க‌த்தை க‌த‌வின் ஹாண்டிலில் மாட்டி விட்டேன். பின் ப‌குதியில் பேப்ப‌ர் குத்திவிட்டேன். அதில் வ‌ரைய‌லாம். பெயிண்ட் ப‌ட்டு விட்டாலும் ட‌ப்பாவை மாத்தி விட‌லாம். எப்பொழுதும் உட்கார்ந்து கொண்டு குனிந்து வ‌ரையும் தீஷுவிற்கு நின்று கொண்டே வ‌ரைவ‌து பிடித்திருந்த‌து. ஒரு ஒட்ட‌க‌ச்சிவிங்கி நின்று ஒரு பூவை வேடிக்கைப்பார்ப்ப‌து போன்று வ‌ரைந்திருந்தாள்.

இதுவும் ஒரு நிர‌ந்தர‌ தீர்வு இல்லை. ஆனால் ஈச‌லின் ந‌ன்மைக்காக‌ செங்குத்தான‌ பொருட்க‌ளில் வேலை செய்வ‌தை வெவ்வேறு வ‌ழிக‌ளில் ஊக்குவிக்க‌ நினைத்திருக்கிறேன்.

Aqua fresh

2011-08-04T04:17:00.006+05:30

சிறு வ‌ய‌தில் த‌ண்ணீரில் விளையாண்டு திட்டு வாங்கிய‌ அனுப‌வ‌ம் அநேக‌மாக‌ எல்லோருக்கும் இருக்கும். அனைத்து குழ‌ந்தைக‌ளுக்கும் விருப்ப‌மான‌ ஒன்றும் கூட‌. ஒரு அக‌ண்ட‌ பாத்திர‌த்தில் த‌ண்ணீர் கொடுத்து, அதில் விளையாடுவ‌த‌ற்கு ஐந்து ஆறு ஓட்டையிட்ட‌ ஒரு வாட்ட‌ர் பாட்டில், ட‌ம்ப‌ள‌ர், ஃப‌ன‌ல்(funnel), ஸ்பான்ச் முத‌லியன‌ கொடுத்தேன்.

1. ஃப‌ன‌ல் மூல‌ம் பாட்டிலில் த‌ண்ணீர் ஊற்றுத‌ல் (Funnelling)

2. ஸ்பான்ச்சை பாட்டிலுல் பிழிந்து நிர‌ப்புத‌ல் (Transferring water using sponge)

3. ட‌ம்ப‌ள‌ரால் த‌ண்ணீர் ஊற்றுத‌ல் (Wet pouring)

4. பாட்டிலில் ஓட்டை வ‌ழியாக‌ த‌ண்ணீர் வ‌ருவ‌தைப் பார்த்த‌ல் என கிட்ட‌த்த‌ட்ட‌ முக்கால் ம‌ணி நேர‌ம் விளையாண்டு கொண்டிருந்தாள்

அனைத்து விச‌ய‌ங்க‌ளையும் இவ்வாறு செய்ய‌ வேண்டும் என்று நாம் சொன்னால், குழ‌ந்தையின் க‌ற்ப‌னைத் திற‌ன் வ‌ள‌ராது என்ப‌து என் எண்ண‌ம். பொருட்க‌ளைக் கொடுத்து விட்டு நாம் ந‌க‌ர்ந்து விட்டால், அதை வைத்து அவ‌ர்க‌ளே க‌ற்று கொள்கிறார்க‌ள். அத‌னால் இது போன்ற‌ ஒப்ப‌ன் எண்டட் ஆக்டிவிட்டீஸ் என‌து விருப்ப‌மும் கூட‌.

முடித்த‌வுட‌ன் தீஷு சொன்ன‌து, "Best activity. I liked it very much".

பாட்டிலில் த‌ண்ணீர் இல்லாவிட்டால் மித‌ந்து ந‌க‌ர்கிற‌து அத‌னால் நிறுத்துவ‌த‌ற்கு த‌ண்ணீர் உற்ற‌ வேண்டும், ஃப‌னலில் ஒரு ஓட்டை ம‌ட்டும் இருப்ப‌தால் ஓட்டையை மூடினால் த‌ண்ணீர் போவ‌தை த‌டுத்து விட‌லாம் ஆனால் பாட்டிலில் அது முடியாது என்று முடித்த‌வுட‌ன், நான் கேட்காம‌லே ஒவ்வொன்றாக‌ சொல்லிக் கொண்டிருந்தாள்.

த‌ண்ணீரால் ந‌ம்மை உற்சாக‌ப்ப‌டுத்த‌ முடியும். அந்த‌ உற்சாக‌ம் போன‌ஸ்!!

க‌ணித‌ விளையாட்டு - 4

2011-08-02T03:54:00.001+05:30

10 முக‌ம் கொண்ட‌ தாய‌க்க‌ட்டைக‌ளை இர‌ண்டு முறை உருட்ட‌ வேண்டும். வ‌ரும் இர‌ண்டு எண்க‌ளில் பெரிய‌ எண்ணை ப‌த்திலும் சிறிய‌ எண்ணை ஒன்றிலும் வைத்து இர‌ண்டு இல‌க்க‌ எண் உருவாக்க‌ வேண்டும். விளையாடும் அனைவ‌ரும் அதே மாதிரி செய்ய வேண்டும். சுற்றின் முடிவில் பெரிய‌ எண் பெற்ற‌வ‌ருக்கு ஒரு பாயிண்ட். ஒருவ‌ர் 10 பாயிண்ட் எடுத்த‌வுட‌ன் விளையாட்டை நிறுத்தி விடலாம். 3 முறை போட்டு 3 இல‌க்க‌ எண் அல்ல‌து 1 இல‌க்க‌ எண் என்று வ‌ய‌திற்கு ஏற்ப மாற்ற‌லாம். ஆறு முக‌த் தாய‌க்க‌ட்டையும் உப‌யோகிக்க‌க்கலாம். ஆனால் அதில் பெரிய‌ எண் 66 தான் வ‌ரும். 10 முக‌ம் என்றால் 99 வ‌ரை வ‌ரும்.

பய‌ன்க‌ள் :
1.ஒன்று ப‌த்து அறித‌ல்
2.பெரிய எண் சிறிய‌ எண் க‌ண்டுபிடித்த‌ல்

ஓவிய‌ர் & ஓவிய‌ம் - 5

2011-07-27T21:51:00.003+05:30

இந்த‌ முறை எங்க‌ள் ஓவிய‌ர் & ஓவிய‌ம் வாசிப்பிற்கு நாங்க‌ள் எடுத்துக் கொண்ட‌து ‍ஜேம்ஸ் விஷ்ட்ல‌ரின் (James Whistler) த‌ ஃபாலிங் ராக்கெட் ஓவிய‌ம் (The falling rocket). அமெரிக்காவில் பிற‌ந்த‌ இவ‌ர், ஒருவ‌ர் இவ‌ரின் ஓவிய‌த்தை இகழ்ந்த‌தால் அவ‌ர் மேல் கோர்ட்டில் கேஸ் போட்டு அனைத்து சொத்தையும் இழ‌ந்த‌வ‌ர். இவ‌ரின் முழு விவ‌ர‌ம் இங்கே காண‌லாம்.

ஓவிய‌ம் இருட்டில் ஒரு மாத்தாப்பு வெடிப்ப‌து போல் இருந்த‌து. நாங்க‌ள் பின்பற்றிய‌ வ‌ழிமுறை:

1. காகித்தை இர‌ண்டாக‌ பிரித்துக் கொண்டோம். கீழ் ப‌குதி சிறிய‌தாக‌ இருக்க‌ வேண்டும். அந்த‌ ப‌குதி த‌ண்ணீர் ப‌குதி

2. பாத்திர‌ம் துல‌க்க‌ ப‌ய‌ண்ப‌டும் ஸ்பான்ச்சால் ஒரு சில‌ இட‌ங்க‌ளில் சிவ‌ப்பு, ஆரென்ச் பெயிண்ட் கொண்டு ஒற்றி எடுக்க‌வும். இது மாத்தாப்பு வெடிக்கும் பொழுது வ‌ரும் எபெக்ட்டுக்காக‌.

3. பேப்ப‌ர் இருக்கும் அதே க‌ல‌ர் பெயிண்ட் எடுத்துக் கொள்ள‌வும். ஸ்பான்ச்சால் பெயிண்டில் தேய்த்து, கோட்டிற்கு மேல் ப‌குதியில் க‌ட்டிட‌ங்க‌ள் போல் ச‌துர‌மாக‌ வ‌ரைய‌ வேண்டும். கீழ் ப‌குதியிலும் அதே பேல் செய்ய‌ வேண்டும். கீழ் ப‌குதி மேலுள்ள‌ க‌ட்டிட‌ங்க‌ளின் பிர‌திப‌‌லிப்பு.

4. ஒரு ப‌ஞ்சில் வெள்ளை பெயிண்ட்டை எடுத்து மேல் ப‌குதியில் புகை போல் வ‌ரைய‌ வேண்டும்

5. அத‌ன் மேல் ப‌ல் துல‌க்க‌ ப‌ய‌ன்ப‌டும் பிர‌சைக் கொண்டு சிவ‌ப்பு ம‌ற்றும் ஆரெஞ்ச் பெயிண்ட‌ ஸ்பெரே செய்து விடவும்.

எங்க‌ளின் ஓவிய‌ம்

ஐஸ் ஹ‌ண்டிங்

2011-07-24T20:41:00.002+05:30

த‌ண்ணீர், ஐஸ் போன்ற பொருட்க‌ளுட‌ன் விளையாட எந்த‌ குழ‌ந்தைக்குத் தான் ஆசை இருக்காது? நாங்க‌ள் முன்பே செய்திருந்த‌ ஐஸ் ஹ‌ண்டிங் மீண்டும் செய்தோம். இப்பொழுது இருக்கும் 94 வெயிலுக்குச் சிற‌ந்த‌ ஒரு ஆக்டிவிட்டி.

ஒரு பாத்திர‌த்தில் அரை பாத்திர‌ம் அள‌வில் த‌ண்ணீர் நிர‌ப்பி, அதில் சிறு பொருட்க‌ளைப் போட்டு உறைய‌ வைத்து விட‌ வேண்டும். அது உறைந்த‌வுட‌ன், மேலும் சிறு த‌ண்ணீர் விட்டு அதில் சிறு பொருட்க‌ள் போட்டு உறைய‌ வைக்க‌ வேண்டும். நான் இர‌ண்டாவ‌து முறை த‌ண்ணீர் ஊற்றும் பொழுது சிறிது க‌ல‌ரிங் சேர்த்துக் கொண்டேன்.

ஐஸ் க‌ட்டியிலிருந்து பொருட்க‌ளை எடுக்க‌ வேண்டும். பொருட்க‌ளை எடுக்க இடுக்கி, Screw driver போன்ற‌ன‌ கொடுத்தேன். தீஷு விருப்ப‌மாக‌ விளையாண்டாள். க‌ல‌ர் ப‌குதியில் இருந்த‌ ஐஸ் மீது பேப்ப‌ர் த‌ட‌வி க‌லரிங் செய்தாள். பொருட்க‌ளை எடுத்த‌ப்பின் இருந்த‌ க‌ல‌ர் த‌ண்ணீரில் சூப் செய்து எங்க‌ளுக்கு ப‌ரிமாறினாள். குழ‌ந்தைக‌ளுக்கு க‌ண்டிப்பாக‌ ஒரு விருப்ப‌மான‌ விளையாட்டாக‌ இருக்கும்.

தொகுப்பு

2011-07-23T04:43:00.004+05:30

தின‌மும் அரை ம‌ணி நேர‌மாவ‌து ஓவிய‌ம் வ‌ரைய‌ வேண்டும் தீஷுவிற்கு. என்ன‌ செய்ய‌லாம் என்றால் யோசிக்காம‌ல் பெயிண்ட்டிங் என்று சொல்லுகிறாள். இப்பொழுதெல்லாம் பெயிண்ட்டை அவ‌ளிட‌ம் கொடுத்து விட்டு அந்த‌ இட‌த்தை விட்டு ந‌க‌ர்ந்து விடுகிறேன்.

அவ‌ளின் ப‌டைப்புக‌ள்

உப்பு, கோந்து, வாட்ட‌ர் க‌ல‌ர்

க‌ட்ட‌ம் வ‌ரைந்து உள்ளே க‌ல‌ர் செய்திருக்கிறாள். ஊதா பேப்ப‌ர் ப‌ச்சை நிற‌மாக மாறியுள்ள‌து.

மீண்டும் வீடும் மேக‌மும்

ஃபைன் கோன் பெயிண்ட்டிங்

வ‌ட்ட‌த்திற்குள்ளும் செவ்வ‌க‌த்திற்குள்ளும் புள்ளிக‌ள்

மார்க்க‌ரால் க‌ட்ட‌ங்க‌ள் வ‌ரைந்து வாட்ட‌ர் க‌லர் வ‌ண்ண‌ம்

தாளை வைத்து அத‌ன் மேல் வ‌ண்ண‌ம்

புரிய‌வில்லை :-)). நான்கைந்து வண்ண‌ங்க‌ளின் க‌ல‌வை

வீடுக‌ள், ம‌ர‌ங்க‌ள், மேக‌ங்க‌ள் ‍வாட்ட‌ர் க‌ல‌ர்

க‌ணித‌ விளையாட்டு ‍- 3

2011-07-18T22:24:00.002+05:30

ஒரு தாளில் 1 முத‌ல் 12 வ‌ரை எழுதிக் கொள்ள‌ வேண்டும். விளையாடும் அனைவ‌ருக்கும் த‌னித்த‌னி பேப்ப‌ர். அதே போல் த‌னித்த‌னியாக‌ 12 காய்க‌ள் எடுத்துக் கொள்ள‌ வேண்டும். இர‌ண்டு தாய‌க் க‌ட்டையை உருட்ட‌ வேண்டும். ந‌ம் காயை எடுத்து தாய‌க்க‌ட்டைக‌ளில் விழுந்த‌ கூட்டுத்தொகையை நம் காகித்தில் அதே எண்ணின் மேல் வைக்க‌லாம் அல்ல‌து எந்த‌ எந்த‌ எண்க‌ளை கூட்டினால் அந்த‌ எண் வ‌ருமோ, அத‌ன் மேலும் வைக்க‌லாம். உதார‌ண‌த்திற்கு நாம் உருட்டிய‌ எண் 9 என்றால், 9 எண் மீது காய் வைக்க‌லாம், அல்ல‌து 1 மேல் ஒரு காயும் 8 மேல் ஒரு காயும் வைக்க‌லாம் ( 1+8 = 9 என்ப‌தால்), அல்லது 1 மேல் ஒரு காய் + 5 மேல் ஒரு காய் + 3 மேல் ஒரு காய் இப்ப‌டியாக‌. ஒரு எண்ணின் மேல் ஏற்கென‌வே காய் இருந்தால் அத‌ன் மேல் மீண்டும் வைக்க‌க் கூடாது. நாம் உருட்டிய‌ எண்ணை வைக்க‌ முடியாவிட்டால், நாம் விளையாட்டிலிருந்து நீங்கி விட‌ வேண்டும். எத்த‌ணை எண்க‌ள் விடுப‌ட்டுள்ள‌தோ, அது ந‌ம் ஸ்கோர். குறைந்த‌ ஸ்கோர் எடுத்த‌வ‌ர் வெற்றி பெறுவ‌ர். ஆகையால் ஒரு எண்ணை எவ்வ‌ள‌வு பிரிக்க‌ முடியுமா அந்த‌ அள‌வு பிரித்து அதிக‌ எண்க‌ளின் மேல் காய்க‌ள் வைப்ப‌தால் ஸ்கோர் குறையும். இந்த‌ விளையாட்டின் மூல‌ம் ப‌ல எண்க‌ளைக் கூட்ட‌ எளிதாக‌ ப‌ழ‌கிக் கொள்வ‌ர்.

ஐடியா Family Math புத்த‌க‌த்தில் எடுத்த‌து. ஆனால் நான் ச‌ற்று மாற்றியிருக்கிறேன்.

Giant Bubbles

2011-07-16T19:39:00.007+05:30

குழ‌ந்தைப் ப‌ருவ‌த்தில் துணி துவைக்கும் சோப்பைத் த‌ண்ணீரில் க‌ரைத்து, ஸ்ட்ரா(Straw) வைத்து ஊதி முட்டை (த‌ற்பொழுது குழ‌ந்தைக‌ள் கூறுவ‌து Bubbles) விடுவோம். தீஷுவிற்கும் ப‌பிள்ஸ் மிக‌வும் பிடிக்கும்.

அறிவிய‌ல் க‌ண்காட்சியில் ஜெய‌ன்ட் ப‌பிள்ஸ் (Giant Bubbles) என்று இர‌ண்டு க‌ட்டைக‌ளில் இரு க‌யிறுக‌ள் க‌ட்டி அத‌ன் ந‌டுவில் மிக‌ப் பெரிய‌ ப‌பிள்ஸ் வ‌ருவ‌து போல் செய்திருந்த‌ன‌ர். அதை வீட்டில் செய்யலாம் என்று முய‌ற்சித்தோம். மேலும் எப்பொழுதும் போல் ஸ்ட்ரா அல்ல‌து குச்சி வைத்து ஊதாம‌ல், வேறு சில‌ ஊதுவான்க‌ளும் முயற்சித்தோம்.

எங்க‌ளிட‌ம் க‌ட்டைக‌ள் இல்லை. இர‌ண்டு க‌ர‌ண்டிக‌ளை எடுத்துக் கொண்டோம். அவ‌ற்றை உல்ல‌ன் நூல் கொண்டும் இணைத்துக் கொண்டோம். நூலின் இடைவெளியில் ப‌பிள்ஸ் வ‌ரும் என்ப‌து ஐடியா. மேலும் ஒரு பிளாஸ்டிங் மூடியின் ந‌டுப்ப‌குதியில் ஒரு வ‌ட்ட‌ம் வெட்டி எடுத்து ஒரு ஊதுவானும், ஒரு ச‌துர‌ ட‌ப்பாவில் ஒரு ச‌துர‌ ப‌குதையை வெட்டி எடுத்து ஒரு ச‌துர‌ ஊதுவானும் த‌யாரித்துக் கொண்டோம். ச‌துர‌ துளை வ‌ழியாக‌ வ‌ரும் ப‌பிள்ஸ் எந்த‌ வ‌டிவ‌த்தில்‍ இருக்கும் என்று காண‌ ஆசை :-)).

சோப்புக் கல‌வை நாங்க‌ள் முன்ன‌மே வீட்டில் செய்திருக்கிறோம். இப்பொழுது கிளிச‌ரின் இல்லாத‌தால் வெறும் ப‌த்திர‌ம் துல‌க்கும் சோப்பும் (Dish washing liquid) த‌ண்ணீரும் க‌ல‌ந்து சோப்புக் க‌ல‌வை செய்தோம். சோப்பு க‌ல‌வையை ஒரு அக‌ல‌மான‌ பாத்திர‌த்தில் எடுத்துக் கொண்டோம். நூலுட‌ன் க‌ர‌ண்டியை க‌ல‌வையில் வைத்து, வெளியில் எடுத்து, க‌ர‌ண்டியை மெதுவாக‌ எதிர்புற‌த்தில் இழுத்து நூலைப் பிரிக்க‌வும். நூலுக்கு ந‌டுவில் சோப்பு மெல்லிய‌ இழையாக‌த் தெரியும். அத‌ன் மேல் ஊத‌வேண்டும். நாங்க‌ள் உல்ல‌ன் ப‌ய‌ன்ப‌டுத்திய‌தால் நூலைப் பிரிப்ப‌த‌ற்காக‌ எளிதாக‌ இல்லை. ச‌ண‌ல் ப‌ய‌ன்ப‌டுத்தி இருந்தால் எளிதாக‌ இருந்திருக்கும்.

மிக‌ப் பெரிய‌ ப‌பிள்ஸ் வ‌ர‌வில்லை. ஆனால் பெரிய‌து வ‌ந்த‌து.

உல்ல‌ன் ஒட்டிக் கொண்டதால் நூலைப் பிரிக்க‌ முடியாத‌தால் வெறும் சிறு இடைவெளியே கிடைத்த்து

மீண்டும் க‌ல‌வையில் விழுந்த‌ ஒரு ப‌பிள்ஸ்

ச‌துர‌ துளை வ‌ழியாக‌வும் வ‌ட்ட‌மே வ‌ரும்

எதிர்பார்த்த‌து போல் வ‌ராவிட்டாலும் ந‌ல்ல‌வொரு முய‌ற்சியாக‌ அமைந்த‌து.

க‌வ‌ர்ந்த‌ த‌ருண‌ங்க‌ள் - 07/13/2011

2011-07-13T21:06:00.003+05:30

1.நானும் தீஷுவும் பாப் கார்ன் சாப்பிட்டுக் கொண்டிருந்தோம்.

தீஷு, "என‌க்கு ரொம்ப‌ பிடிச்சுருக்கு.. இன்னும் இருக்கா?"

நான், " இன்னும் ஏழு பாக்கெட் இருக்கு"

தீஷு, "ஏன்? ஒன்னு வாங்கினா ஏழு ஃப்ரியா?"

2. தீஷு அவ‌ள் அப்பாவிட‌ம் "உங்க‌ அம்மா நல்ல‌வ‌ங்க‌ளா?"

அவ‌ர் ஆமாம் என்ற‌வுட்ன், "உங்க‌ அம்மானால‌ சொல்லுறீங்க‌ளா அல்ல‌து உண்மையாவா?"

3. தீஷு, "Appa, I am going to kiss you"

அப்பா, "I am going to kick you"

தீஷு " நீங்க‌ என்ன‌ கிக் ப‌ண்ணிட்டு, ஸாரி சொல்லல‌. I am going to call the police"

போனை எடுத்தாள். 911 கால் ப‌ண்ண‌ போகிறேன் என்றாள்.

ஷாக் ஆகிவிட்டோம். ஸ்கூலில் சொல்லிக் கொடுத்து விட்டார்க‌ள் போல் என்று நினைத்து கேட்டால், ஸ்விமிங் பூல்லில் பார்த்தேன் என்றாள். அப்புற‌ம் அவ‌ளை ஸாரி கேட்டு சமாளித்தோம்.

நான் ஒரு நிமிட‌த்தில் உள்ள‌ போக‌ப் பாத்தீங்க‌ளே என்று அப்பாவிட‌ம் சொல்லி சிரித்துக் கொண்டாலும், எப்பொழுது மிர‌ட்ட‌ப் போகிறாளோ என்று ப‌ய‌மாக‌ இருக்கிற‌து.

4. தீஷு க‌தை என்ற‌ பெரிய ஒரு மெகா க‌தை செல்லுவாள். மெகா சீரிய‌ல் போல 90% க‌தை‌ மிஸ் பண்ணினாலும் புரியும். ஒரு நாள் ஒரு ஷூ செல்ல‌ர் என்று ஒரு க‌தை ஆர‌ம்பித்தாள். வித்தியாச‌மான‌ க‌ள‌மாக‌ (!) இருக்கிற‌தே என்று நினைத்தேன். அவ‌ரிட‌ம் ஷூ வாங்க‌ வ‌ந்த‌வ‌ங்க‌ ஊருக்குப் போனாங்க‌. அவ‌ங்க‌ ஊருக்குப் போய் எல்லாருக்கும் போன் பண்ணுனாங்க‌..... என் வாய் ம‌ட்டும் உம் கொட்ட‌, நான் எதையோ யோசித்துக் கொண்டிருந்தேன். திடீரென்று ஞாப‌க‌ம் வ‌ர‌, ஷூ செல்ல‌ர்னு சொன்னியே என்ற‌வுட‌ன், "ஆமா அம்மா.. அவ‌ரு வித்த‌ செருப்பத் தான் இவுங்க‌ எல்லாரும் போட்டு இருக்காங்க‌.. அத‌னால‌ தான் அவ‌ர‌ப் ப‌த்திச் சொன்னேன்.".. ஒரு வ‌ருங்கால‌ மெகா சீரிய‌ல் டைர‌க்ட‌ர் எங்க‌ வீட்டில‌ இருக்காங்க‌.. Beware people!!!!!!

ஓவிய‌ர் & ஓவிய‌ம் - 4

2011-07-11T19:26:00.004+05:30

ட‌ச் ஓவிய‌ரான‌ வான் கோ (Vincent Van gogh) ப‌ற்றிப் ப‌டித்தோம். இவ‌ர் ப‌ல்வேறு வேலைக‌ளில் தோல்வி க‌ண்டு, பின் ஓவிய‌ர் ஆன‌வ‌ர். ம‌ன‌ நோயால் ப‌திக்க‌ப்ப‌ட்டிருந்த‌ இவ‌ர் த‌ற்கொலை செய்து கொள்ளும் முன் ஒரே ஒரு ஓவிய‌ம் ம‌ட்டுமே விற்றுயிருந்தார். இன்று இவ‌ரின் ஒவ்வொரு ஓவிய‌த்தின் விலையும் கோடிக‌ளில்.

இவ‌ரின் ஸ்டாரி நைட் (Starry Night) என்ற‌ ஓவிய‌த்தை எடுத்துப் ப‌டித்தோம்.

1. முத‌லில் பெயிண்ட்டில் சிறிது கோந்து க‌ல‌ந்து கொள்ள‌ வேண்டும்.

2. ப‌க்க‌தை மூன்றாக‌ பிரித்து(நேர் கோடாக‌ போடாம‌ல்), ந‌டு ப‌குதியில் சிறு சிறு ம‌ர‌ங்க‌ள் வ‌ரைந்து கொள்ள‌வும். மேல் ப‌குதியில் சுருள் சுருளாக‌ மேக‌ங்க‌ள் வ‌ரைந்து கொள்ள‌வும்.

3. மேல் ப‌குதியில் வெள்ளை, ஊதா கொண்டு வான‌/மேக‌ம் வ‌ரைய‌வும்

4. வ‌ரைந்த‌ பெயிண்டின் மேல் போர்க்(fork) கொண்டு மேலும் சுற்றி விட‌வும்.

5. கீழ் ப‌குதியிலுள்ள‌ ம‌ர‌ங்க‌ளுக்கு, ப‌ச்சையும் ப்ர‌வுணும் தீட்ட‌வும். ப்ர‌ஸின் பின் ப‌குதியைக் கொண்டு ப‌ச்சை பெயிண்ட்டை சுற்றிவிட‌வும்.

ந‌டு ப‌குதியில் மீதியுள்ள‌ இடங்க‌ளில் ம‌ஞ்ச‌ளும் ஆரெஞ்சும் தீட்ட‌வும்.

6. கீழ் ப‌குதியில் பச்சை தீட்டி, போர்க் கொண்டு நீள‌வாக்கில் இழுக்க‌வும்

தீஷுவின் ப‌ட‌ம்.

இக்க‌ரைக்கு..

2011-07-09T22:11:00.003+05:30

இக்கரை மாட்டுக்கு அக்க‌ரை ப‌ச்சை என்று எங்க‌ள் பாட்டி அடிக்க‌டி கூறிக் கேட்டியிருக்கிறேன். ச‌மீப‌த்தில் ந‌ன்றாக‌ உண‌ர்ந்தேன்.

நான் த‌ற்பொழுது வாசித்துக் கொண்டிருக்கும் புத்த‌க‌ம் ‍Knowing and teaching elementary Mathematics . அதில் சீன‌ ஆசிரிய‌ர்க‌ளும் அமெரிக்க‌ ஆசிரிய‌ர்க‌ளும் எவ்வாறு அடிப்படை க‌ணித‌த்தைப் புரிந்து வைத்திருக்கிறார்க‌ள் என்ற‌ க‌ருத்துக் க‌ணிப்பும் சீன‌ ஆசிரிய‌ர்க‌ளின் புரித‌ல் சீன‌ மாண‌வ‌ர்க‌ள் க‌ணித‌த்தில் சிறிந்து விள‌ங்க ஒரு கார‌ண‌ம் என்றும் கூற‌ப்ப‌ட்டுள்ள‌து. அதில் சீன‌ மொழியில் 11 றை ஒரு ப‌த்து ஒன்று, 12 டை ஒரு ப‌த்து இர‌ண்டு என்றும் 20 தை இரு ப‌த்து, 30 தை மூன்று ப‌த்து என்று கூறுவ‌ர் என்று இருந்த‌து. அத‌னால் 11 யில் ஒரு ப‌த்தும் ஒன்றும் இருப்ப‌து தெரிந்த‌தால் க‌ட‌ன் வாங்கி க‌ழித்த‌ல் முத‌லிய‌ன எளிதாக இருக்கின்ற‌து என்றும் இருந்த‌து. இது எளிதாயிருக்கே என்று நானும் எண்க‌ளை கூறி இந்த‌ முறையில் ப‌தில் சொல்ல‌ச் சொன்னேன். உதார‌ண‌த்திற்கு 21 என்றால் இரு ப‌த்து ஒன்று என்று சொல்ல‌ வேண்டும்.

அதை என் க‌ண‌வ‌ரிட‌ம் சொல்லும் பொழுது எண்க‌ளை த‌மிழில் சொன்னேன். இருப‌தை இரு பத்து என்று சொல்ல‌ வேண்டும் என்றேன். அப்பொழுது தான் என‌க்கு புரிந்த‌து. த‌மிழிலும் அவ்வாறே தான் சொல்லுகிறோம். ப‌தினொன்று (ஒரு ப‌த்து ஒன்று) என்று சொல்லும் பொழுதே அதில் ஒரு ப‌த்தும் ஒன்றும் இருக்கிற‌து என்று வெளிப்படையாக‌த் தெரிகிற‌து. த‌மிழில் சொல்லும் பொழுது அத‌ன் புரித‌ல் இல்லை. சீனாவில் சொல்கிறார்க‌ள் என்ற‌தும் அது மேன்மையாக‌ தெரிகிற‌து.

முழு ப‌ல்பு எனக்கு..

க‌ணித‌ விளையாட்டு - 2

2011-07-09T04:13:00.003+05:30

ஒரு தாளை (Score Sheet) இர‌ண்டாக‌ பிரித்து ஒன்ஸ், டென்ஸ் என்று எழுதிக் கொள்ள‌வும். தாய‌க்க‌ட்டையை உருண்டி வ‌ரும் எண்ணை ஒன்ஸிலோ, டென்ஸிலோ எழுத‌லாம். டென்ஸில் எழுதும் பொழுது ஒரு பூஜ்ஜிய‌ம் சேர்த்துக் கொள்ள‌ வேண்டும். உதார‌ண‌த்திற்கு 5 தாம் எண் தாய‌க்க‌ட்டையில் விழுந்திருந்தால் ஒன்ஸில் எழுதும் பொழுது 5 என்றும் டென்ஸில் எழுதும் பொழுது 50 என்றும் எழுத‌ வேண்டும். ஒருவ‌ர் மாற்றி ஒருவ‌ர் இவ்வாறு ஏழு முறை தாய‌க்க‌ட்டையில் உருட்டி எழுதிக் கொண்டே வ‌ர‌ வேண்டும். இறுதியில் கூட்டிப் பார்த்து நூறைத் தாண்டாம‌ல், ஆனால் நூறுக்கு அருகில் பாயிண்ட் வைத்திருக்கிற‌வ‌ர் பெற்றி பெற்ற‌வ‌ர்.

இதில் எப்பொழுது ஒன்ஸில் எழுத‌ வேண்டும், எப்பொழுது டென்ஸில் எழுத‌ வேண்டும் என்று யோசித்து எழுத வேண்டும். கூட்டுத் தொகை நூறுக்கு மேல் போகாம‌ல் பார்த்துக் கொள்ள‌ வேண்டும்.

இந்த‌ விளையாட்டு Family Math என்ற புத்த‌கத்திலிருந்து எடுத்த‌த‌து.

1. Each person takes a turn rolling the dice

2. The number may be written in either the ten's column or the one's column of the score sheet. When a number is entered in the ten's column, "0" is written next to it and as it is in the one's column

3. After each player has rolled the dice seven times, the players add up the numbers

4. The player who is closet to 100 without going over is the winner.

நிழ‌ல் உருவங்க‌ள்

2011-07-07T02:35:00.006+05:30

எங்க‌ள் வீடு மேற்கு பார்த்த‌து. இப்பொழுது வெயில் கால‌மான‌தால் இர‌வு எட்ட‌ரை ம‌ணி அளவில் தான் சூரிய‌ன் அஸ்த‌ம‌ன‌ம் ஆகிற‌து. மாலை ஆறு ம‌ணியிலிருந்து சூரிய‌ன் ம‌றையும் வ‌ரை எங்க‌ள் வீட்டிலுள் சூரிய‌ வெளிச்ச‌ம் வ‌ரும். அதில் அப்பா அவ‌ர் விர‌ல்க‌ளை வைத்து, நிழ‌ல் உருவங்க‌ள் உருவாக்கி காட்டுவார். தீஷுவும் விருப்ப‌மாக‌ செய்த‌தால், நூல‌க‌த்திலிருந்து Shadow Play என்ற‌ புத்த‌க‌ம் எடுத்து வ‌ந்தோம். எளிதாக‌ நிழ‌ல் உருவ‌ங்க‌ள் உண்டாக்கின‌ர்.

ப‌ருந்து

கிளி

ந‌ரி

ஒட்ட‌க‌ச்சிவிங்கி

எங்க‌ளின் ம‌றுப‌க்க‌ம்

2011-07-02T03:33:00.003+05:30

இதுவ‌ரை நீங்க‌ள் புகைப்ப‌டங்க‌ளில் நான் சொல்வ‌தைச் செய்யும் தீஷுவைப் பார்த்திருப்பீர்க‌ள். நானும் எப்பொழுதும் அவ‌ளைப்ப‌ற்றிய‌ ந‌ல்ல‌ விச‌யங்க‌ளை ம‌ட்டும் ப‌திவு செய்திருக்கிறேன். ஒரு பக்க‌ம் ம‌ட்டும் காட்டியிருக்கிறோம். தீஷுவின் ம‌றுப‌க்க‌ம் இந்த‌ ப‌திவு.

தீஷு ஒரு ஷை குழ‌ந்தை. ம‌ற்ற‌வ‌ர்க‌ளுட‌ன் எளிதில் ப‌ழக‌ மாட்டாள். த‌ந்தை, தாய் இருவ‌ரும் அவ்வாறு இருக்கையில் அவ‌ளை குறை கூற‌ முடியாது. பிற‌ந்த‌ ஐந்து மாத‌ங்க‌ள் எங்க‌ள் இருவ‌ரையும் த‌விர‌ ம‌ற்ற‌வ‌ர்க‌ளை ஒர் இரு முறை பார்த்திருப்பாள். ஐந்து முத‌ல் எட்டு மாத‌ங்க‌ள் வ‌ரை இந்தியாவில் இருந்தோம். ஐந்து மாதங்க‌ளில் குப்புற‌ விழுந்தாள். அத‌ன் பின் எட்டு மாத‌ங்க‌ள் வ‌ரை முக‌ம் பார்த்து சிரிப்பாள். பிஸிக்க‌ல் ஆக்டிவிட்டீஸ் எதுவும் செய்ய‌வில்லை. ஒன்பதாவ‌து மாத‌த் தொட‌க்க‌த்தில் த‌வ‌ழ‌த் தொட‌ங்கினாள். ஆனால் வீட்டிற்கு யாராவ‌து வ‌ந்தாலோ அல்ல‌து நாங்க‌ள் யார் வீட்டிற்கு சென்றாலோ அழு‌து கொண்டே இருப்பாள்.

ஒரு வ‌யது முடிந்த‌ நிலையில் டாக்ட‌ரிட‌ம் கேட்ட‌த‌ற்கு, குழ‌ந்தை அடுத்த‌வ‌ரைக் க‌ண்டு அழுவ‌து இய‌ற்கை ம‌ற்றும் 20 மாத‌ம் வ‌ரை ந‌ட‌க்காத‌ குழ‌ந்தைக்கு ம‌ட்டுமே வேறு ப‌யிற்சி கொடுக்க‌ வேண்டும். இப்பொழுது ஒன்றும் செய்ய வேண்டாம் என்று சொல்லி விட்டார். ப‌தினாங்கு மாத‌ங்க‌ளுக்கு பிற‌கு நட‌க்க‌த் தொடங்கினாள். அப்பொழுதும் பிற‌ குழ‌ந்தைக‌ளை விளையாட்டு இட‌ங்க‌ளில் பார்த்தாலும் அழுவாள் அல்ல‌து எங்க‌ளிட‌ம் வ‌ந்து ஒட்டிக்கொள்வாள். ம‌ற்ற‌ குழ‌ந்தைக‌ளிட‌ம் ப‌ழ‌க்குவ‌த‌ற்காக‌ தொட‌ர்ந்து மாத‌ம் ஒரு முறையாவ‌து விளையாட்டு மைதான‌த்திற்கு அழைத்துச் செல்வோம். ஆனால் அழுகையும் தொட‌ர்ந்த‌து.இது 24 மாத‌ங்க‌ள் வ‌ரை தொட‌ர்ந்த‌து.

ம‌ற்ற‌ குழ‌ந்தைக‌ளுட‌ன் விளையாட‌/பழ‌க‌ வேண்டும் என்ப‌த‌ற்காக‌வே இர‌ண்டு வ‌யதில் மாண்டிசோரி ப‌ள்ளியில் சேர்த்தோம். முத‌ல் பெற்றோர் ‍ ஆசிரிய‌ர் ச‌ந்திப்பிலே அவ‌ள் டீச்ச‌ர் சொன்ன‌து, அவ‌ளுக்கு ம‌ற்ற‌ குழ‌ந்தைக‌ளைப் பார்த்தால் ப‌ய‌ம். டீச்ச‌ரே முழு நேர‌மும் தூக்கி வைத்து இருக்க‌ வேண்டும். வீட்டினருகே ஓர் குழ‌ந்தையுட‌ன் ம‌ட்டும் விளையாடுவாள். இர‌ண்டே முக்கால் வ‌யதில் மீண்டும் இந்தியா வ‌ந்தோம். முத‌லில் அங்குள்ள‌ குழ‌ந்தைக‌ள் ப‌க்க‌த்தில் வ‌ந்தால் அடிக்க‌த் தொடங்கினாள். ஆர‌ம்ப‌த்தில் நான் டைம் அவுட் கொடுத்தேன். அவ‌ர்க‌ள் இவ‌ளை ஏதாவ‌து செய்து விடுவார்க‌ள் என்று ப‌ய‌த்தில் அடிக்கிறாள் என்று அப்பா சொன்ன‌வுட‌ன், ம‌ற்ற‌ குழ‌ந்தைக‌ளுட‌ன் விளையாடும் பொழுது, என் ம‌டியில் அவ‌ளை வைத்திருந்து, வெறும் பார்க‌க‌ ம‌ட்டும் செய்வோம். ச‌ற்று விளையாட‌ தொட‌ங்கினாள். அத‌ன் பின் அனைவ‌ருட‌னும் பேச‌வும் செய்தாள். மூன்று வ‌ய‌து ஆன‌வுட‌ன் ச‌ரியாகி விட்ட‌து என்று நினைத்தோம்.

இந்தியாவிலிருந்த‌ அந்த‌ இர‌ண்டு வ‌ருட‌மும் இவ‌ளுக்கு வ‌ச‌ந்த‌ கால‌ம். ப‌ள்ளியிலும் ந‌ல்ல‌ ஒத்துழைப்பு கொடுத்த‌ன‌ர். பெரிய‌ ப‌ள்ளியில் சேர்த்தால் ப‌ய‌ந்துவிடுவாள் என்று சிறிய‌ மாண்டிசோரி ப‌ள்ளியில் சேர்த்தோம். டீச்ச‌ர்க‌ள் மிக‌வும் அன்பாக‌ ப‌ழ‌கியதா‌ல் ப‌ள்ளியிலும் சிற‌ந்து விள‌ங்கினாள். ப‌ள்ளியிலும் த‌ன்ன‌ம்பிக்கை மிக‌வும் வ‌ள‌ர்ந்து இருக்கிற‌து என்றும் அவ‌ளை இவ்வாறே வழி ந‌ட‌த்துங்க‌ள் என்று நாங்க‌ள் கிள‌ம்பும் பொழுது சொல்லி அனுப்பின‌ர். எங்க‌ள் வீடும் ந‌ண்ப‌ர்க‌ள், உற‌வின‌ர்க‌ள் சூழ‌ இருந்த‌தால், எப்பொழுதும் ம‌க்க‌ள் சூழ ம‌கிழ்ச்சியாக‌ இருந்தாள். ஒரு உயிர் தோழியும் உண்டு. அப்பொழுதும் ஒரு குழ‌ந்தை வ‌ந்தால் சேர்ந்து விளையாடுவாள். ஒன்று மேல் வ‌ந்தால், அவ‌ளுக்குப் பிடித்த‌ குழ‌ந்தை அவ‌ளுட‌ன் விளையாட வேண்டும். அது ம‌ற்ற‌ குழ‌ந்தையுட‌ன் விளையாட‌ தொட‌ங்கினாள், இவ‌ள் சோர்ந்து த‌னிமைப் ப‌ட்டுவிடுவாள்.

இப்பொழுது மீண்டும் த‌னிமை. இங்கு இர‌ண்டு மூன்று இவ‌ள் வ‌ய‌து குழ‌ந்தைக‌ள் இருந்தாலும், அவ‌ர்க‌ளுட‌ன் விளையாடுவ‌த‌ற்கு விருப்ப‌ம் இருப்ப‌தில்லை. நாங்க‌ள் இப்பொழுது மொழி கார‌ண‌ம் என்று நினைக்கின்றோம். நாங்க‌ள் வீட்டில் த‌மிழில் மட்டும் பேசுவ‌தால், ஆங்கில‌த்தில் உரையாட‌த் தெரிந்தாலும், அவ‌ர்க‌ள் அள‌வுக்கு பேச‌ முடிய‌வில்லை. மீண்டும் யாரிட‌மும் விளையாடுவ‌து இல்லை. யாரும் வீட்டிற்கு வ‌ந்தாலும் க‌ட‌ந்த‌ ஒரு மாத‌மாக‌ அவ‌ர்க‌ளுட‌ன் விளையாடுவ‌து இல்லை. அவ‌ர்க‌ள் இருந்தாலும் இவ‌ள் த‌னியாக‌ விளையாடுகிறாள்.

ஒவ்வொரு குழ‌ந்தையும் வித்தியாச‌மானது என்று தெரிந்து இருந்தாலும், ம‌ற்ற‌ ச‌ம‌ வ‌ய‌து குழ‌ந்தையுட‌ன் ஒப்பிடும் பொழுது அவ‌ளுடைய‌ கிராஸ் மோட்டார் ஸ்கில்ஸ் மிக‌வும் க‌ம்மி. இவ‌ள் முன் சொல்வ‌து கிடையாது. ச‌றுக்க‌லில் ஒருவ‌ர் அருகில் நிற்க‌ வேண்டும். ச‌றுக்க‌ல் ப‌டிக‌ளில் ஏறி விடுவாள். ஆனால் மேலிருந்து கீழே ச‌றுக்க‌லில் இற‌ங்குவ‌த‌ற்கு ப‌ய‌ப்ப‌ட்டு நின்று கொண்டியிருப்பாள். இவ‌ள் பின்னால் ஒரு கூட்ட‌ம் சேர்ந்து விட்டும். ச‌றுக்க‌லில் இற‌ங்க‌வும் முடியாம‌ல், திரும்ப‌வும் முடியாம‌ல் அழ‌ ஆர‌ம்பிப்பாள். கூட்ட‌த்தில் ஐந்து வ‌ய‌து குழ‌ந்தை ப‌ய‌த்தில் அழும் பொழுது, எப்ப‌டி ச‌மாதான‌ப்ப‌டுத்த‌வ‌து என்றே தெரியாது. மேலும் இங்கு அவ‌ள் வ‌ய‌து குழ‌ந்தைக‌ளே ச‌ற்று பெரிதாக‌ இருப்ப‌தால், ப‌ய‌ந்து, அவ‌ர்க‌ளுக்கு வ‌ழிவிட்டு, அந்த‌ விளையாட்டு பொருட்க‌ள் ப‌க்க‌மே போக‌ மாட்டாள். சில‌ நாட்க‌ள் சைக்கிள் விருப்ப‌மாக‌ ஓட்டுவாள். அடுத்து சில‌ மாத‌ங்க‌ளுக்கு அதைப் பார்த்தாலே ப‌ய‌ப்ப‌டுவாள்.

நீச்ச‌ல் வ‌குப்பில் சேர்த்து விட்டோம் (இவ‌ள் ஆசைப்ப‌ட்ட‌தால்). முத‌ல் நாள் வ‌ந்த‌ டீச்ச‌ர் பிடித்து விட்ட‌து. ந‌ன்றாக‌ செய்தாள். இந்த‌ எட்டு நாள் வ‌குப்பில் மூன்று நாட்க‌ள் அந்த‌ டீச்சர் வ‌ந்தார். அந்த‌ நாட்க‌ள் ம‌ட்டும் ந‌ன்றாக செய்வாள். ம‌ற்ற நாட்க‌ளில் வ‌ரும் டீச்ச‌ர் கையை விட‌மாட்டாள். கேட்டால் ப‌ய‌ம் என்பாள். ம‌ற்ற‌வ‌ர் வ‌ந்தால் செய்ய‌ மாட்டேன் என்று சொல்லி விட்டாள். எவ்வ‌ள‌வோ எடுத்துச் சொன்னோம். கேட்க‌வில்லை.

இப்பொழுது என்னுடைய‌ ப‌யம் ப‌ள்ளியை எப்ப‌டி ச‌மாளிக்க‌ப் போகிறாள்? இவ‌ளுக்கு அன்பாக‌ பேசும் டீச்ச‌ர் பிடிக்கும். டீச்ச‌ர் பிடித்தால் ப‌ள்ளி பிடிக்கும். டீச்ச‌ர் பிடிக்குமா? மைதான‌த்தில் ம‌ற்ற‌ குழ‌ந்தைக‌ளுக்கு ச‌மமாக‌ விளையாட‌ ச‌ற்று நாளாகும். அது வ‌ரை என்ன‌ செய்வாள்? இங்கு பேசும் ஆங்கில‌ம் த‌னக்கு புரிவ‌தில்லை என்று ஒரு நினைப்பு. அத‌னால் காது கொடுத்து கேட்ப‌து கூட‌ இல்லை. ப‌ள்ளியில் என்ன செய்ய‌ போகிறாள்? மற்ற‌ குழ‌ந்தைக‌ளைப் பார்த்து ப‌ய‌ப்ப‌டாம‌ல் இருப்பாளா? வ‌ரும் ஐந்தாம் தேதி ப‌ள்ளிக்குச் செல்ல‌ போகிறாள். நினைக்க‌ நினைக்க‌ த‌லை சுற்றுகிற‌து. எழுதிய‌து ச‌ற்று ஆறுத‌லாக‌ இருக்கிற‌து.

ஓவிய‌ர் & ஓவிய‌ம் - 3

2011-06-29T22:22:00.007+05:30

If people knew how hard I worked to get my mastery, it wouldn't seem so wonderful at all.
- Michelangelo

இந்த‌ முறை நாங்க‌ள் மைக்கேலெஞ்ச‌லோ (Michelangio) ப‌ற்றிப் ப‌டித்தோம். அந்த‌ இத்தாலிய‌ ஓவிய‌ர் ப‌ற்றிய‌ முழு விவ‌ர‌ம் இங்கே. அவ‌ர் ச‌ர்ச் சிலிங்கில் ப‌ட‌ம் வ‌ரைய‌ வேண்டியிருந்த பொழுது ஒரு பெரிய‌ ஏணி செய்து, அத‌ன் மேல் ப‌குதியில் ப‌டுத்துக் கொண்டே 4 வ‌ருடம் ஓவிய‌ம் வ‌ரைந்தாராம்.

ப‌டுத்துக் கொண்டே வ‌ரையும் அனுப‌வ‌த்திற்காக‌, மேஜையின் அடியில் காகித‌ம் ஒட்டி வைத்து விட்டேன். அருகில் மூன்று க‌ல‌ரில் பெயிண்ட‌ த‌யாராக‌ வைத்திருந்தேன். ஒரு சூரிய‌ன், த‌ண்ணீர், வீடு என்று தீஷு வ‌ரைந்திருந்தாள். த‌ண்ணீரில் சூரிய‌ ஒளிப்ப‌ட்டு தீ எரிவ‌து போல் தெரிகிற‌து என்றாள். புதுவித‌ அனுப‌வ‌ம்.

23 - 17 = ?

2011-06-27T07:36:00.004+05:30

க‌ட‌ன் வாங்காம‌ல் 23 இல் இருந்து 17 ஐ க‌ழிக்க‌ முடியுமா??? முடியும் என்கிறார்க‌ள் சீன‌ர்க‌ள்.

நான் த‌ற்பொழுது வாசித்துக் கொண்டிருக்கும் புத்த‌க‌ம் Knowing and Teaching Elementary Mathematics by Liping Ma. மா சீனாவில் பிற‌ந்து அமெரிக்காவில் டாக்ட‌ர் ப‌ட்ட‌ம் பெற்ற‌வ‌ர். இவ‌ர் செய்த‌ ஆய்வின் அடிப்ப‌டையில் இந்த‌ புத்த‌க‌த்தை எழுதி இருக்கிறார். சீனர்க‌ள் 1880 வ‌ரை அபாக‌ஸ் முறையில் க‌ணித‌ம் ப‌யின்று இருக்கிறார்க‌ள். 1880 பிற்ப‌குதியில் ம‌டீர் (Mateer) என்ற‌ அமெரிக்க‌ர் சீன‌ மொழியில் த‌ற்பொழுது ந‌டைமுறையில் இருக்கும் க‌ணித‌ முறையைப் (நாம் பின்ப‌ற்றுவ‌து) ப‌ற்றி ஒரு புத்த‌க‌ம் எழுதி உள்ளார். அதில் கூட்ட‌ல், க‌ழித்த‌ல், பெருக்குத‌ல், வ‌குத்த‌ல் போன்ற‌ அடிப்ப‌டை முறைக‌ளுக்குத் தேவையான‌ வ‌ழிமுறைக‌ள் கூறியுள்ளார்.

கிட்ட‌த்தட்ட‌ நூறு வ‌ருட‌ங்க‌ளான‌ நிலையில் அமெரிக்காவிலிருந்து சீனாவிற்கு சென்ற‌ க‌ணித‌த்தில், த‌ற்பொழுது சீன‌ர்க‌ள் சிறிந்து விள‌ங்குகின்றார்க‌ள். சீன‌ர்க‌ளிட‌ம் இருக்கும் அடிப்படை க‌ணித‌த்தைப் ப‌ற்றிய‌ தெளிவு அமெரிக்க‌ர்க‌ளிட‌ம் ஏன் இல்லை என்ற‌ கேள்வியே அவ‌ரை ஆய்வு மேற்கொள்ள‌ வைத்துள்ள‌து. சீன‌ர்க‌ள் எத‌னால் அமெரிக்க‌ர்க‌ளைவிட க‌ணித‌த்தில் சிறந்த‌வ‌ர் என்ப‌த‌ற்கு ப‌ல‌ கார‌ண‌ங்க‌ள் ஏற்கென‌வே அறிய‌ப்ப‌ட்டு இருந்தாலும், அடிப்ப‌டை க‌ணித‌ம் சொல்லிக் கொடுக்கும் ஆசிரிய‌ர்க‌ளின் தெளிவின்மையும் ஒரு கார‌ண‌மா என்ப‌து தான் அவ‌ரின் ஆய்வு.

சீன‌ ஆசிரிய‌ர்க‌ள் 11 முத‌ல் 12 ஆண்டுக‌ள் க‌ல்வி ப‌யின்ற‌வ‌ர்க‌ள். ஆனால் அமெரிக்க‌ ஆசிரிய‌ர்க‌ள் 16 முத‌ல் 18 ஆண்டுக‌ள் ப‌ள்ளி க‌ல்வி ப‌யின்று, அத‌ன் பின் டிகிரி பெற்ற‌வ‌ர்க‌ள். இரு நாட்டு ஆசிரிய‌ர்க‌ளிட‌ம் அடிப்ப‌டை க‌ணித‌த்‌தில் (Elementary Mathematics) சில‌ கேள்விக‌ள் கேட்டு அவ‌ர்க‌ளின் புரித‌லை சோதித்து உள்ள‌ன‌ர். சீன‌ ஆசிரிய‌ர்க‌ள் க‌ணித‌ அடிப்படையை ந‌ன்கு புரிந்து வைத்துள்ளார்க‌ள் என்றும் அந்த‌ புரித‌ல் மாண‌வ‌ர்க‌ளுக்குக் கொடுக்க‌ப்ப‌ட்டு, சீன‌ர்க‌ள் சிற‌ந்து விள‌ங்குகின்றார்க‌ள் என்ப‌து இவ‌ரின் முடிவு.

கேள்விக‌ள் 23 அமெரிக்க‌ ஆசிரிய‌ர்க‌ளிட‌மும், 72 சீன‌ ஆசிரிய‌ர்க‌ளிட‌ம் கேட்க‌ப்ப‌ட்டுள்ள‌ன.

1. Subtraction with Regrouping
2. Multidigit Number Multiplication
3. Division by Fractions
4. The relationship between perimeter and Area

முத‌லிய‌ அடிப்ப‌டையை மாண‌வ‌ர்க‌ளுக்கு எவ்வாறு சொல்லிக் கொடுப்பார்க‌ள் என்று கேட்க‌ப்ப‌ட்டுள்ள‌து. அதில் முத‌லாவ‌தாக‌ உள்ள‌து - Subtraction with regrouping (க‌ட‌ன் வாங்கி க‌ழித்த‌ல்). மிக‌வும் க‌ணித‌ அடிப்ப‌டையான‌ க‌ழித்த‌ல், க‌ட‌ன் வாங்கி க‌ழித்த‌ல் போன்ற‌வ‌ற்றில் கூட‌ ஆசிரிய‌ர்க‌ளின் புரித‌ல் மாண‌வ‌ர்க‌ளின் புரித‌லுக்கு அவ‌சிய‌ம் என்று மா கூறுகிறார்.

23 - 17 போன்ற‌ க‌டன் வாங்கி க‌ழித்த‌ல் க‌ண‌க்கிற்கு அமெரிக்க‌ ஆசிரிய‌ர்க‌ள், நம் முறை போல‌வே சிறிய‌ எண்ணில் பெரிய‌ எண் போகாத‌தால்(3-7) அடுத்த‌ எண்ணிலிருந்து க‌ட‌ன் வாங்க‌ வேண்டும் என்று கூறியுள்ளன‌ர். சிறிய எண்ணில் பெரிய‌ எண் போகாது (மீண்டும் நாம் சொல்வ‌து) என்ப‌தே த‌ப்பு என்கிறார் மா.

ம‌ற்றொருவ‌ர் 23 குழ‌ந்தைக‌ள் நிற்க‌ வைத்து, அவ‌ர்க‌ளில் 17 பேரை எடுத்து விடுவோம் என்று கூறியிருக்கிறார். அதில் ரீ குருப்பிங்கிற்கு (regrouping) வேலை இல்லை என்கிறார் மா. ஒரே ஒரு அமெரிக்க‌ ஆசிரியை ம‌ட்டும் குச்சிக்கட்டுக‌ள் வைத்து சொல்லித் த‌ர‌லாம் என்றும், குச்சிக‌ள் ப‌த்தவில்லை என்றால் ஒரு ப‌த்து குச்சிக்க‌ளுள்ள‌ க‌ட்டைப் பிரித்து சொல்லிக்கொடுக்க‌லாம் என்றும் சொல்லியிருக்கிறார். சீன‌ ஆசிரிய‌ர்க‌ளும் க‌ட‌ன் வாங்க‌ வேண்டும் என்று சொல்லி இருந்தாலும் (14%), அது அமெரிக்க‌ ஆசிரிய‌ர்க‌ளை விட‌(83%) மிக‌வும் குறைவு.

சீன‌ ஆசிரிய‌ர்க‌ள் க‌ட‌ன் வாங்குத‌ல் என்ற‌ வார்த்தைக்கு ப‌தில் டீக‌ம்போஸ்சிங்(decomposing) என்ற‌ வார்த்தையை உப‌யோக‌ப்ப‌டுத்துகிறார்க‌ள். 23-17 , அமைப்பின் கார‌ண‌மாக‌வே 3லிருந்து 7 க‌ழிக்க‌ முடியாது என்ப‌தை விள‌க்குகின்றார்க‌ள். க‌ட‌ன் வாங்குத‌ல் என்ற‌ வார்த்தை டென்ஸிலிருந்து ஏன் ஒன்ஸிற்கு எடுத்து செல்கிறோம் என்று விள‌க்குவ‌தில்லை. ஆனால் டிக‌ம்போஸ்சிங் செய்கிற‌து என்கிறார்.

க‌ம்போஸ்சிங், கூட்ட‌லில் செய்த‌து போல் என்று விள‌க்குவ‌தால் ப‌டித்தை வைத்து அடுத்த‌தை சொல்லிக்கொடுக்கிறார்க‌ள். டீக‌ம்போஸ்சிங் செய்து வ‌ரும் எண்ணிலிருந்து எவ்வாறு கழிப்ப‌து என்ப‌தை மூன்று முறைக‌ளில் சொல்லிக் கொடுக்கிறார்க‌ள். இவை அனைத்தும் பின்னாட்க‌ளில் எவ்வாறு உத‌வுகின்ற‌ன என்ப‌தையும் மா விள‌க்குகிறார்.

அமெரிக்க‌ ஆசிரிய‌ர்க‌ள் போல் தான் நாமும் ந‌ம் நாட்டில் சொல்லிக் கொடுக்கிறோம். மா சொல்லுவ‌து போல் சீன‌ ஆசிரிய‌ர்க‌ளின் அடிப்படை தெளிவு ந‌ம்மிட‌மும் இல்லை என்று தான் தோன்றுகிற‌து.

நிறைய‌ அடிப்படைக் க‌ணித‌ம் க‌ற்றுக் கொண்டிருக்கிறேன்

ஓவிய‌ர் & ஓவிய‌ம் - 2

2011-06-19T23:27:00.010+05:30

"It took me four years to paint like Raphael, but a lifetime to paint like a child " - Picasso.

சென்ற‌ த‌ந்தைய‌ர் தின‌ப்ப‌ரிசுக்கு தீஷுவிற்கு என் உத‌வி மிக‌வும் தேவைப்ப‌ட்ட‌து. ஆகையால் இந்த‌ முறை தீஷுவே செய்த‌தாக‌ இருக்க‌ வேண்டும் என்று நினைத்தேன். எங்க‌ள் ஓவிய‌ர் & ஓவிய‌ம் வாசிப்பில் ஓவிய‌ம் வ‌ரைந்த‌தைக் கொடுத்தோம். முழுவ‌தும் அவ‌ளே செய்த‌து.

பால் கிலே(Paul Klee) ப‌ற்றிப் ப‌டித்தோம். ஸுவிஸ்சர்லான்டில்(Switzerland) பிற‌ந்து, ஜெர்ம‌னியில் வாழ்ந்த‌வ‌ர். முழு விவ‌ர‌ம். அவ‌ரின் கோல்ட‌ன் பிஷ் ஓவிய‌த்தை வ‌ரைந்தோம்.

பால் கிலேயின் ஓவிய‌ம்

நாங்க‌ள் செய்த‌‌து

1. முத‌லில் ஒரு பெரிய‌ மீனும் ப‌ல சிறிய க‌ட‌ல் வாழ் உயிர்யின‌ங்க‌ளும் பென்சிலால் வ‌ரைந்து கொள்ள வேண்டும்.

2. ஆயில் பாஸ்ட‌ல் (oil pastel) கொண்டு வ‌ண்ண‌ம் தீட்ட‌ வேண்டும். பெரிய‌ மீனுக்கு க‌வ‌ர்ச்சிக‌ர‌மான‌ ஒரு வ‌ண்ணம்.

3. ஊதா நிற‌ வாட்ட‌ர் க‌ல‌ரால் காகித‌ம் முழுவ‌தும் தீட்ட‌ வேண்டும்.

தீஷுவிற்கு ஒரு பெரிய‌ மீன் என்று வ‌ரைய‌ பிடிக்க‌வில்லை. அனைத்து மீன்க‌ளும் ஒரே அள‌வில் இருந்த‌ன‌. வ‌ண்ண‌மும் அவ்வாறே. அவ‌ள் இஷ்ட‌ம் என்று விட்டு விட்டேன்.

தீஷுவின் ஓவிய‌ம்.

கார்டு மாதிரி செய்ய‌ வேண்டும் என்று காகிதத்தை ம‌டித்துக் கொடுத்திருந்தேன். ஆனால் அவ‌ள், த‌ன் அப்பா ஆபிஸில் மாட்ட‌ வேண்டும் என்று விரும்பிய‌தால், காகிதத்தின் பின் ப‌குதியில் எழுத‌ வேண்டிய‌தை, முன் ப‌குதியில் எழுதும் ப‌டி ஆகிற்று. To my Best DAD என்று எழுத‌ வைக்க‌லாம் என்று நினைத்திருந்தேன். ஆனால் I Love you என்று எழுத‌ வேண்டும் என்று விரும்பினாள். அதுவும் அவ‌ள் விருப்ப‌த்திற்கே.

சூரிய‌ அஸ்த‌ம‌ன‌ புகைப்ப‌ட‌ங்க‌ள்

2011-06-19T09:33:00.004+05:30

சூரிய‌ அஸ்த‌ம‌ன‌த்தைப் பார்த்த‌ தீஷு, புகைப்ப‌ட‌ங்க‌ள் எடுக்க‌ விரும்பினாள்.

அவ‌ளின் ப‌டங்க‌ள்

காற்றுக்கென்ன‌ வேலி

2011-06-18T04:32:00.004+05:30

காற்று எங்கும் இருக்கிற‌து ‍‍ - ஒரு காலி ட‌ம்ப‌ள‌ரில் கூட என்று உண‌ர்த்துவ‌தற்கு ஒரு அறிவிய‌ல் சோத‌னை செய்து பார்த்தோம்.

ஒரு க‌ண்ணாடி ட‌ம்ப‌ளர் உள்ளே அடிப்ப‌குதியில் பேப்ப‌ர் வைக்க‌ வேண்டும். க‌விழ்த்தாலும் பேப்ப‌ர் விழுந்து விடாத‌வாறு வைக்க‌ வேண்டும். நேராக‌ க‌விழ்த்திய‌ நிலையில் ட‌ம்ப‌ள‌ரை ஒரு த‌ண்ணீர் பாத்திர‌த்தில் மூழ்க‌ வைக்க‌ வேண்டும். ட‌ம்ப‌ள‌ரை த‌ண்ணீரிலிருந்து எடுத்து பேப்ப‌ரை தொட்டுப் பார்த்தால் ஈர‌மாக‌ இருக்காது. த‌ண்ணீருக்குள் சென்று வ‌ந்த‌ பேப்ப‌ரில் ஈர‌ம் இல்லாத‌து ஆச்ச‌ரிய‌மாக‌ இருந்த‌து. இப்பொழுது ட‌ம்ப‌ள‌ரை மீண்டும் நேராக‌ க‌விழ்த்திய‌ நிலையில் த‌ண்ணீரில் வைத்து ச‌ற்று சாய்த்தால், ட‌ம்ப‌ளிரிலிருந்து காற்று வெளியேறி, ட‌ம்ப‌ள‌ருக்குள் த‌ண்ணீர் நுழையும். ட‌ம்ப‌ள‌ரை வெளியில் எடுத்து பேப்ப‌ரை தொட்டுப் பார்த்தால் ஈர‌மாக‌ இருக்கும்.

முத‌ல் முறை ட‌ம்ப‌ள‌ரிலிருந்த‌ காற்று த‌ண்ணீரை ட‌ம்ப‌ள‌ரிலுள் அனும‌திக்காத‌தால், பேப்பர் ஈர‌மாக‌வில்லை. இர‌ண்டாம் முரை காற்று ட‌ம்ப‌ள‌ரை சாய்த்த‌தால் காற்று வெளியேறிய அள‌வு த‌ண்ணீர் நுழைந்து ஈர‌ப்ப‌டுத்தி விட்ட‌து.

அந்த‌ சோத‌னை Air Is All Around You புத்த‌க‌த்திலிருந்து எடுத்த‌து.

ஓவிய‌ர் & ஓவிய‌ம் - 1

2011-06-16T03:38:00.009+05:30

"It took me four years to paint like Raphael, but a lifetime to paint like a child " - Picasso.

குழ‌ந்தைக‌ள் ஓவிய‌ம் வ‌ரைவ‌து அவ‌சிய‌ம் என்ப‌து என் க‌ருத்து. அவ‌ர்க‌ளால் தான் எப்படி ஓவிய‌ம் வ‌ர‌ போகிற‌தோ என்ற‌ ப‌ய‌ம் இல்லாம‌ல் செய்ய முடியும். மேலும் த‌ங்க‌ளுடைய‌‌ உழைப்பின் ப‌ல‌னை உட‌னே பார்ப்ப‌தால், ம‌கிழ்ச்சியும், தன்ன‌ம்பிக்கையும் அடைவ‌ர். அவை இர‌ண்டும் குழந்தைக‌ளின் ம‌ன‌ வ‌ள‌ர்ச்சிக்கு மிக‌வும் முக்கிய‌ம்.

வெகு நாட்க‌ளாக‌ நானும் தீஷுவும் ஓவிய‌ம் வ‌ரைந்தாலும், அவை அனைத்தும் இவ்வாறு தான் செய்ய வேண்டும் என்ற‌ வ‌ழிமுறைக‌ள் இல்லாத‌வை. இப்பொழுது தீஷுவிற்கு ஐந்து வ‌ய‌தான‌ நிலையில், சில வ‌ழிமுறைக‌ள் சொல்லிக் கொடுக்க‌லாம் என்று முத‌லில் நினைத்தேன். ஆனால் ஒரு ஓவிய‌ர் எவ்வாறு வ‌ரைந்திருக்கிறார் என்று ப‌டிப்ப‌த‌ன் மூல‌ம் ஓவிய‌த்தைப் ப‌ற்றியும், ஓவிய‌ர் ப‌ற்றியும் ஒரு சேர‌ க‌ற்றுக் கொள்ள‌லாம் என்று தோன்றியது. லைப்ரேரியில் தேடிய‌ பொழுது

1. Discovering Great Artists: Hands-On Art for Children in the Styles of the Great Masters by MaryAnn F.Kohl

2. The Usborne Art Treasury by Rosie Dickins

புத்த‌க‌ங்க‌ள் கிடைத்த‌ன‌. என்ன‌ எதிர்பார்த்தேனோ எவை அனைத்தும் இர‌ண்டு புத்த‌க‌ங்களிலும் இருக்கின்ற‌ன‌. ஓவியர் பற்றி ஒரு சிறு குறிப்பு ம‌ற்றும் அவ‌ரின் ஒரு ஓவிய‌த்தை எவ்வாறு குழந்தைக‌ள் வ‌ரைய‌லாம் என்ற‌ வ‌ழிமுறை. நாங்க‌ள் முத‌லில் ப‌டித்த‌து Paul Klee, ஆனால் அது த‌ந்தைய‌ர் தின‌த்திற்கான‌ ப‌ரிசு. அடுத்த‌ வார‌ம் அதைப்ப‌ற்றி எழுதுகிறேன்.

இப்பொழுது ப‌திவ‌து ர‌ஷ்சிய‌ ஓவிய‌ர் கான்டின்ஸ்கி (Wassily Kandinsky). முழு விவ‌ர‌ம்.முத‌லில் ஓவிய‌ரைப் ப‌ற்றி ப‌டித்துவிட்டு, அவ‌ர‌து ஓவிய‌ம் வ‌ரைந்தோம்.
ஓவிய‌ம‌ வ‌ரைவ‌த‌ற்கான‌ வ‌ழிமுறை:

1. ப‌க்க‌த்தை 12 பாக‌மாக‌ பிரித்துக் கொள்ள‌ வேண்டும்.

2. ஒவ்வொரு பாக‌த்திலும் இடைவேளி விட்டு வெவ்வேறு க‌ல‌ர்க‌ளில் வ‌ட்ட‌ங்க‌ள் ஆயில் பாஸ்ட‌லால் (oil pastel) வ‌ரைந்து கொள்ள வேண்டும்

3. அத‌ன் மேல் ஒவ்வொரு பாக‌த்திலும் வெவ்வேறு க‌ல‌ர்க‌ளில் வாட்ட‌ர் கல‌ரை தீட்ட‌ வேண்டும்.

கான்டின்ஸ்கியின் ஓவிய‌ம்

தீஷுவின் ஓவிய‌ம்

Courtesy : google images

Recycling Crayons

2011-06-11T04:56:00.006+05:30

எப்ப‌டி ப்ளாஸ்டிங் பொருட்க‌ள் ப‌ண்ணுறாங்க‌? ந‌ம்ம‌ளும் ப‌ண்ணுவோம் என்று தீஷு கேட்டுக் கொண்டியிருந்தாள். உருக்கிய‌ ப்ளாஸ்டிக்கை எந்த‌ வ‌டிவ‌த்தில் ஓற்றுகிறோமோ அந்த வ‌டிவ‌த்தில் வ‌ரும் என்று சொன்னேன். உருக்குவ‌து என்றால் என்ன‌ என்றாள். ஒடிந்து வெட்டியாக‌ இருக்கும்‌ க‌ரையான்ஸ்க‌ளை(crayons) உருக்க‌ வேண்டும் என்று வெகு நாட்க‌ளாக‌ நினைத்துக் கொண்டிருந்தேன். இந்த‌ ச‌ந்த‌ர்ப்ப‌த்தை உப‌யோக‌ப்ப‌டுத்திக் கொண்டேன்.

முத‌லில் கரையான்ஸின் மேல் சூற்றியிருக்கும் காகிதத்தை எடுத்தோம். எளிதாக‌ காகித‌த்தை எடுப்ப‌த‌ற்கு, சிறிது நேர‌ம் வெந்நீரில் க‌ரையான்ஸை போட வேண்டும். காகித‌த்தை எடுத்த‌வுட‌ன், சிறு சிறு துண்டுக‌ளாக‌ ஒடித்துக் கொண்டோம்.

இர‌ண்டு மூன்று க‌ல‌ர் துண்டுக‌ள் மப்ஃபின் டின்னின்(muffin tin) ஒரு குழியில் வைத்தோம். அவ‌னில் 275 டிகிரியில் 20 நிமிட‌ங்க‌ள் வ‌ரை வைத்திருந்தோம். அடிக்க‌டி அவ‌னை திறந்து உருகுவ‌தைப் பார்த்தோம். ந‌ன்றாக‌ உருகிய‌வுட‌ன், டின்னை எடுத்து வெளியில் வைத்து விட்டோம். ந‌ன்றாக‌ இறுகிய‌வுட‌ன், டின்னை க‌விழ்த்து த‌ட்டிய‌வுட‌ன், வெளியை வ‌ந்து விட்ட‌ன. வ‌ட்ட‌மாக‌ மிக‌வும் அழ‌காக‌ இருந்த‌ன.

தீஷுவிற்கு மிக‌வும் பிடித்து விட்ட‌து. ஐந்து விர‌ல்க‌ள் ப‌ய‌ன்படுத்திக் கூட‌ க‌ல‌ர் செய்ய‌லாம் என்று சொல்லிக் கொண்டாள். க‌ல‌ர் செய்வ‌த‌ற்கு எளிதாக‌ இருக்கின்ற‌ன.

Crayon rubbing நன்றாக செய்ய‌ வ‌ருகிற‌து. ரோட்டின் சொர‌ சொர‌ப்பு எப்ப‌டி வ‌ரும் என்று பார்க்க தீஷுவிற்கு ஆசை. மாடிப்ப‌டியில் அம‌ர்ந்து செய்து பார்த்தாள். கல‌ரிங்‌ அழகாக‌ வ‌ந்திருக்கிற‌து.

க‌ல‌ர் பிரிண்ட்டிங்

2011-06-09T05:12:00.007+05:30

பிரிண்ட்டிங் மிக‌வும் பொதுவான‌து. ஏதோவொரு வ‌கையில் செய்திருப்போம். உருளைக்கிழ‌ங்கு, வெள்ள‌ரிக்காய், வெண்டைக்காய் போன்ற‌வைக‌ள் வைத்து பிரிண்டிங் செய்வ‌தை ப‌ள்ளியில் சொல்லிக் கொடுப்ப‌ர். தீஷுவிற்கும் பிரிண்ட்டிங் மிக‌வும் பிடிக்கும். அடிக்க‌டி செய்வோம். இந்த‌ முறை நான் தேர்ந்தெடுத்த‌து ‍மாஃபின் டின் (Muffin tin). மாஃபின் டின்னைத் திருப்பி அத‌ன் அடி பாக‌த்தில் க‌ல‌ர் செய்ய வேண்டும். அத‌ன் பின் பேப்ப‌ரை அத‌ன் மேல் வைத்து, பேப்ப‌ரில் பிரிண்ட் எடுக்க‌ வேண்டும். விருப்ப‌மான‌ வ‌ரை அதே பேப்ப‌ரில் மேலும் மேலும் பிரிண்ட் எடுத்துக் கொண்டேயிருந்தோம்.

Brush Strokes அழகாக‌வும் தெளிவாக‌வும் வ‌ந்திருந்த‌து என‌க்கு மிக‌வும் பிடித்திருந்த‌து.

இந்த‌ பெயிண்ட்டிங் ஐடியா இணைய‌த்திலிருந்து எடுத்த‌து. பேப்பரை ச‌துர‌ வாக்கில் வைத்து கோடுக‌ள் வ‌ரைந்து கொள்ள‌ வேண்டும். ப‌ல‌ வ‌ர்ண‌ கோடுக‌ள். காய‌ வைத்து விட‌ வேண்டும்.

காய்ந்த‌வுட‌ன், பேப்பரை நீள வாக்கில் வைத்து வெட்ட‌ வேண்டும். ஒரு முழு பேப்பரை எடுத்து, நீள வாக்கில் ச‌ற்று இடைவெளி விட்டு வெட்டிய‌ பேப்பர்க‌ள் ஒட்ட‌ வேண்டும். மிக‌வும் எளிதான‌து. ஆனால் பார்ப்ப‌த‌ற்கு மிக‌வும் அழகாக‌ இருக்கிற‌து.

த‌ற்பொழுது எங்க‌ள் வ‌ர‌வேற்ப‌ரையை அல‌ங்க‌ரிக்கின்ற‌ன‌.

கணித விளையாட்டு

2011-06-03T05:12:00.002+05:30

Family Math புத்தகத்தில் பார்த்தது இந்த கணித விளையாட்டு.

இருவர் விளையாடுவது. ஏதாவது ஒரு பொருளை பத்து எடுத்துக் கொள்ள வேண்டும். உதாரணத்திற்கு பத்து சோழி என்று வைத்துக் கொள்வோம். சோழி குவியலிலிருந்து ஒன்று அல்லது இரு சோழிகள் ஒருவர் மாற்றி ஒருவர் எடுக்க வேண்டும். கடைசியில் பத்தாவது சோழி எடுப்பவர் வெற்றி பெறுவார். ஒன்று எடுக்க வேண்டுமா அல்லது இரண்டு எடுக்க வேண்டுமா என்று தீர்மானிப்பதில் தான் வெற்றி அடங்கி இருக்கிறது.

முதலில் வெற்று பெறும் கோட்பாடு புரியாமல் இருந்தாலும் பின்னர் பிடிபட்டது. யார் முதலில் ஆரம்பிக்கிறரோ அவரே வெற்றி பெறுவார். எப்படி என்று கண்டுபிடியுங்கள்..

It is a game for 2. Take 10 coins and take turns to take 1 or two coins from the pile. Who ever takes the last coin wins the game.

கொலாஜ்

2011-06-02T04:23:00.001+05:30

குழந்தைகளுக்கு ஸ்டிக்கர் மிகவும் பிடிக்கும். அதன் பல வர்ண அழகிய படங்கள் ஒரு காரணம் என்றால் மற்றொரு காரணம் அதன் ஒட்டும் தன்மை. தீஷுவிற்கு ஸெல்லொ டேப் (cellotape) என்றால் மிகவும் இஷ்டம். ஆனால் அவளால் அதனை ஒரு கையில் வைத்துக் கொண்டு இன்னொரு கையால் வெட்ட முடியாது. வீட்டில் ஒரு மாஸ்கிங் டேப் இருந்தது. அவளால் கையில் கிழிக்க முடிந்தது. ஒரு நாள் நான் வேலையாக இருந்த பொழுது, அவளிடம் கொடுத்து கண்ணாடி கதவில் ஒட்டச் சொன்னேன். அரை மணி நேரத்திற்கு மேல் செய்து கொண்டிருந்தாள். நல்லதொரு பொழுது போக்கு. ஆனால் நான் நினைத்த அளவு எடுப்பது எளிதாக இல்லை. கரை கண்ணாடியில் ஒட்டி இருக்கிறது. சுத்தம் செய்ய வேண்டும் :-((

Sticky back contact paper பற்றி ஒரு ஆர்ட் புத்தகத்தில் படித்தேன். தீஷுவிற்கு பிடிக்கும் என்று தோன்றியது. தேடிப்பார்த்ததில் கடைகளில் shelf lining section லில் கிடைத்தது. வாக்கிங் போகும் பொழுது உதிர்ந்த பூக்கள் மட்டும் இலைகள் எடுத்து வந்தோம். காய வைக்க தீஷு அவகாசம் கொடுக்கவில்லை. அன்றே செய்து விட வேண்டும் என்றாள். கான்டாக்ட் பேப்பரை சதுரமாக கிழித்து ஒட்டும் பகுதி மேலே வைத்து அதன் மேல் எடுத்து வந்த பூக்கள் மற்றும் இலைகளை ஒட்டினோம். ஒட்டி முடித்தவுடன், அதன் மேல் மற்றொரு சதுர பேப்பர் வைத்து ஒட்டி, பூக்களை நடுவில் நிறுத்திவிட்டோம். கண்ணாடி கதவில் ஒட்டி விட்டோம். அழகான collage. கதவில் தெரியும் கரைகள் தான் முந்திய பத்தியில் நான் சொன்னது.

அதன் பின் ஒரு நாள் contact paper யில் கலர் பேப்பர் ஒட்டி collage செய்தோம். Contact paper யின் வழுவழுப்பு தீஷுவிற்கு பிடித்திருக்கிறது.

குழந்தைக்கு மகிழ்ச்சி அளிப்பது..

2011-06-01T04:01:00.005+05:30

1. நல்ல தூக்கம்
2. சத்தான உணவு
3. பெற்றோருடன் நேரம் செலவழித்தல்

போன்ற எளிய விஷயங்கள் தான் குழந்தைகள் மற்றும் குடும்பத்திற்கு மகிழ்ச்சியைக் கொடுக்கிறது என்று சமீபத்தில் ஒரு கட்டுரையில் படிக்க நேர்ந்தது. முழு விவரங்களுக்குThe simple key to a happy family revealed. முதல் இரண்டும் எளிதாக செய்துவிட முடிகிறது. ஆனால் நேரம் செலவிடுதல் என்பது கேட்பதற்கு எளிதாக தோன்றினாலும், ஓடுவதற்கே நேரம் சரியாக இருக்கும் கால கட்டத்தில் நான் முதலில் நிறுத்துவது குழந்தையுடன் செலவிடும் நேரத்தை தான். எதற்காக இப்படி வாழ்க்கையில் ஓடுகிறோம்?

ஒரு பக்கக் கதை

2011-05-27T03:28:00.005+05:30

கதை எழுதும் ஆர்வம் தீஷுவிற்கு வந்திருக்கிறது. கதைகள் எழுதி, அவைகளை தொகுத்து ஒரு புத்தகமாக்க வேண்டுமாம். அவள் சொல்ல நான் எழுதிய முதல் கதை. அவளுக்குப் பிடித்த Frog and Toad கதைகளைக் கலந்து அவள் சொல்லியிருக்கிறாள். அவள் சொல்லியது அப்படியே:

Toad and Frog are friends
------------------------------

Once upon a time, a frog and toad were in the house and frog came along and said, "We will go out. We are going to see when spring is coming". And toad came out of his house. And frog and toad went along walk and he saw a mailbox and the mailbox filled with a letter. And they saw whose name is this. And frog said this is your mailbox. I took a round for you and toad said ok.

Frog and toad went to toad's house. And they drank coffee. And that was yummy. "What is this coffee?". "I put complan" said toad. "Why did you put complan?" "Why means that will be very nice to eat.. so I did like that" said toad. And frog and toad went to mall. Frog said, "We will buy this dress and it will be beautiful to put for you. So only I buy this dress for you".

"I am going to go home. I have something to do. What means I am going to write a mail for you. What I am going to write is surprise.you see, that is surprise. I will not tell now. I am going to write a mail for you. You will like your letter" said toad.

The letter came. "You will read now". Dear frog, I am glad that you are my best friend. Whereever you are going, I will come with you. I will not leave you at all. And you will not leave me at all. You and I are friends. Why means we will share the things.So I will share with you and you will share with me. Frog said ok. Now both are friends.

நேற்று இரவு என் பெயரை திரும்ப திரும்ப எழுதிக் கொண்டிருந்தாள். நான் அவளிடம், My name is Dheekshitha. My father's name is என்று எங்கள் அனைவரின் பெயர்களையும் எழுத சொன்னேன். எழுதி முடித்தவுடன் மீண்டும் எழுத வேண்டும் என்றாள். அதற்கு பதிலாக சென்ற வாரம் சென்று வந்த பீச்சை பற்றி 2 வரி என்றவுடன், I went to beach. I saw so many pebbles and one shell என்று எழுதினாள். Beach, many, pebbles போன்றவைக்கு நான் உதவினேன். முடித்தவுடன் கட்டுரைக்கு கீழே My name is Dheekshitha and I am author என்று எழுதி வைத்திருக்கிறாள் :-)))

கவர்ந்த தருணங்கள் - 25/05/11

2011-05-25T23:38:00.001+05:30

1. தீஷு என்னிடம், "இன்னைக்கு அப்பாவா சமைச்சாரு.. அதான் சூப்பரா இருக்கு..". அவளை நான் திரும்பி பார்த்தவுடன், கேள்வியின் பாதிப்பு புரிந்த அடுத்த விநாடி, "நீங்க சமைச்சா ரொம்ப சூப்பரா இருக்கும்.. அப்பானா வெறும் சூப்பர்.. அதான் கேட்டேன்".

2. என் கணவரிடம் நான், "வெறும் தயிர் வாங்க போய் இவ்வளவு செலவாகிடுச்சு பாருங்க..". எப்பொழுதும் போல் அவர் தலையை மட்டும் ஆட்ட, தீஷு, "தயிர் வாங்க போனா, அத மட்டும் பாக்கணும், மத்த எல்லாத்தையும் பாத்தா இப்படித்தான்".. ஒருவர் மனதிற்குள் சிரித்தது எனக்கு வெளியில் வரைக்கும் கேட்டது.

3. என் கணவரிடம் நான், "பருப்பெல்லாம் ரொம்ப இருக்கு.. கொஞ்ச நாளைக்கு இந்தியன் ஸ்டோர்ஸ் போகாம ஏதாவது வேணும்னா யாராவது போகும் போது வாங்கிட்டு வர சொல்ல வேண்டியது தான்"..

தீஷு, "எதுக்கு யாரோ நமக்காக வாங்கிட்டு வரணும். நம்ம ஏன் போகக்கூடாது?"
நான், "ரொம்ப தூரத்துல கடை இருக்கு... எல்லாம் நிறைய இருக்கு.. ஒன்று இரண்டு வாங்கிறது எதுக்கு அவ்வளவு தூரம் போகணும்"
தீஷு, "அந்த இல்லாதது இல்லாம சமைக்க் முடியாதா.. எதுக்கு யார்கிட்டையாவது சொல்லி விடணும்?"
நான், " நான் சமைக்கவே போறது இல்லை.. விடு"
தீஷு (பாவமாக வைத்துக் கொண்டு)"அப்ப நான் பசிக்கிதுனு சொன்னா, என்னம்மா செய்வீங்க?"

4. நானும் தீஷுவும் வீட்டிற்கு பின்னால், தக்காளி விதை விதைத்து வைத்தோம்.
தீஷு,"தக்காளி வந்தவுடனே, நம்ம கடையில தக்காளி வாங்கவே வேண்டாம்"
நான்,"நிறைய அணில் இருக்குடா...அது எல்லா தக்காளியையும் சாப்பிட்டு விடும்"
தீஷு, "நம்ம சாப்பிடற மாதிரி அதுவும் கொஞ்சம் சாப்பிடட்டும்மா"

புல்லரிக்க வைக்கிறீயேடா..

5. அப்பா அவளிடம் சில வித்தியாசமான கேள்விகள் கேட்பார். அப்படி ஒன்று. "ஒரு பையனுக்கு வலது கையில அடிப்பட்டுச்சுனா எப்படி எழுதுவான்?"
தீஷு: " லெஃப்ட் ஹாண்டுல எழுதலாம். அவங்க அம்மாகிட்ட எழுத சொல்லலாம். மிஸ்கிட்ட எழுத முடியாதுனு சொல்லலாம். கையில சீக்கிரம் புண்ணு ஆறதுக்கு மருந்து போட்டுக்கிடலாம்".
அப்பா,"ஓ டாக்டர்கிட்டவா? "
தீஷு:"சின்ன புண்ணுக்கு எதுக்கு டாக்டர், தேங்காய் எண்ணெய் போட்டா போயிடும்.."

அம்மா உங்க டிரெயினிங்கா?

கலர் சூரியன்

2011-05-24T04:31:00.004+05:30

வீட்டிற்கு பெயிண்ட அடிக்க கலர் தேர்ந்தெடுக்க கலர் அட்டைகள் hardware section யில் இருக்கும். ஒரு அட்டையில் ஒரு கலரின் வெவ்வேறு சேடுகள் (Shades..சாரி சேடுக்கு தமிழ் வார்த்தை தெரியவில்லை) இருக்கும். மாண்டிசோரியின் மூன்றாவது கலர் பாக்ஸில் (colour box 3), ஒரு கலரின் வெவ்வேறு சேடுகளை அதன் கலர் அளவு அடிப்படையில் அடுக்க வேண்டும் (from dark to light shades or light to dark shades of the same colour). மாண்டிசோரியின் பாக்ஸ் 3 செய்தோம். முன்பே பள்ளியில் செய்திருக்க வேண்டும். எளிதாக செய்தாள்.

நான் கடையிலிருந்து எடுத்து வரும் பொழுது, ஒரு கலரில் இரண்டு அட்டைகள் எடுத்து வந்துவிட்டேன். முன்பு செய்து போல் மாட்சிங் செய்யலாம் என்று நினைத்தேன். ஆனால் தீஷுவிற்கு எளிதாக இருக்கும் என்று தோன்றியது. அதனால் அனைத்து அட்டைகளையும் இணைத்து வாகிங் போகும் பொழுது எடுத்துக் கொண்டு சென்றோம். ஏதாவது பொருள் எங்கள் அட்டையில் இருக்கும் கலரில் ஒத்து இருந்தால் அந்த கலரை அட்டையில் டிக் செய்து கொண்டோம். தீஷுவிற்கு மிகவும் பிடித்திருந்தது. இரண்டு மூன்று நாட்களுக்கு எங்கு சென்றாலும் கலர் அட்டைகளை எடுத்துக் கொண்டு வந்தாள். அவள் கமெண்ட் : எப்ப வாகிங் போனாலும் வெறும் க்ரீன் மட்டும் தான் இருக்கிற மாதிரி தெரியும். நம்ம world ல எவ்வளவு கலர் இருககுமா.. ok. Mission accomplished.

உலக உருண்டையும் பறவை கூடும்

2011-05-19T04:48:00.004+05:30

விழா முடிவில் பொருள்கள் மிச்சமாவதை தடுக்க முடியாது. இந்த முறை தீஷுவின் பிறந்த நாள் விழா முடிந்தவுடன், மிகுந்து இருந்தது வெடிக்காமல் இருந்த பலூன்கள். அவைகளை வைத்து ஆக்டிவிட்டீஸ் செய்தோம்.

அவளுக்கு வந்த கிஃப்ட் ஒன்றில், கிஃப்ட உடையாமல் இருப்பதற்காக டிரேஸ்சிங் பேப்பர் போன்ற மெல்லிய கலர் காகிதம் ஒன்று இருந்தது. அந்த காகிதத்தை சிறிது சிறிதாக கிழித்துக் கொண்டோம். பசையை எடுத்து அதில் சரி பாதி தண்ணீர் கலந்து கொண்டோம். பலூனை ஒரு கிண்ணத்தில் வைத்துவிட்டு, பலூன் மீது தண்ணீர் கலந்த பசையைத் தடவி, அதில் கிழித்த காகிதத்தை ஒட்டிக் கொண்டு வந்தோம். வரிசையாக ஒட்ட வேண்டும் என்பதில்லை.

முழு பலூனையும் முடித்தவுடன், மூன்று மணி நேரம் வரை காய விட்டோம்.

நன்றாக காய்ந்தவுடன், பலூனில் சிறு ஓட்டைப் போட்டு காற்றை வெளியேற்றினோம். சில இடங்களில் பேப்பர் பலூனில் ஒட்டிக் கொண்டு எடுக்கும் பொழுது கிழிந்தது. பசையில் இன்னும் தண்ணீர் உபயோகப்படுத்தி இருக்க வேண்டும். காற்று வெளியேறிய பின், முழு பலூனையும் எடுத்தப்பின் காகிதம் பலூன் வடிவத்தில் இருந்தது. அதனை எங்கள் நைட் லாம்ப்பின் மேல் வைத்தவுடன், தீஷுவின் கமெண்ட்.."சூப்பர்.. ".

உலக உருண்டை போல் மிகவும் அழகாக இருக்கிறது.

அடுத்த ஆக்டிவிட்டிக்கு, உல்லன் நூலை சிறிது சிறிதாக வெட்டி வைத்துக் கொண்டோம். சென்ற ஆக்டிவிட்டியில் காகிதம் பலூனில் ஒட்டியதால், ஒரு பாலித்தீன் கவர் கொண்டு பலூனை சுற்றி விட்டோம். இந்த முறை பசையில் தண்ணீர் கலக்கவில்லை. வெட்டிய நூலை பசையில் நனைத்து, பலூனின் அடி பாகத்தில் ஒட்டினோம். பறவையின் கூடு வடிவத்தில் வருவதற்காக அடி பாகம் மட்டும் ஒட்டினோம்.

காய்ந்தவுடன் பலூனிலிருந்து நன்றாக எடுக்க வந்தது. எங்களிடம் பெவிகால் போன்ற பசை இல்லை. எங்களிடம் இருந்த பசையால் உல்லனை சரியாக ஒட்ட முடியவில்லை. அங்கு அங்கு நூல் பிரிந்து வருகிறது.

ஈஸ்டர் முடிந்தவுடன், பிளாஸ்டிக் முட்டைகள் மிகவும் மலிவாக கிடைத்தன. ஏதாவது செய்யலாம் என்று வாங்கி வைத்திருந்தோம். அதில் ஒன்றை எடுத்து எங்கள் கூடில் வைத்து, வரவேற்பறையில் வைத்திருக்கிறோம். அனைவரின் கவனத்தையும் ஈர்க்கிறது.

Carryover Addition

2011-05-17T05:23:00.002+05:30

இது என் முந்நூறாவது பதிவு. என் முதல் நன்றி தீஷுவிற்கு. நான் விட்டாலும் விடாமல் ஆக்டிவிட்டி என்று என்னை துளைத்து எடுப்பதற்கும், என் மாடலாக செயல்படுவதற்கும். என் அடுத்த நன்றி என் கணவருக்கு. வீட்டில் அவர் பொருட்களுக்காக ஒரு ஒரே அலமாரி. மற்ற அனைத்து இடத்தையும் நாங்கள் செய்த பொருட்கள், செய்வதற்காக வாங்கி வைத்திருக்கிற பொருட்கள் என்று அடைத்து வைத்திருந்தாலும் எங்களை உற்சாகப்படுத்துவதற்கு. மூன்றாவது நன்றி உங்களுக்கு. வெரைட்டியாக இல்லாமல் ஒரே மாதிரி இடுகைகளாக இருக்கும் ஒரு ப்ளாகை படிப்பது அவ்வளவு எளிதல்ல. இருந்தாலும் சிலர் தொடர்ந்து படிப்பது உற்சாகம் ஊட்டுகிறது. நன்றி அனைவருக்கும்.

தீஷு இரண்டு இலக்க எண்கள் கூட்டும் பொழுது, முதலில் ஒன்ஸ் கூட்டு, அடுத்து டென்ஸ் கூட்டு என்றால், மாற்றி கூட்டினாலும் அதே விடை தானே வருகிறது என்று கேட்பாள். நீ Carry over addition செய்யும் பொழுது விடை வேறு மாதிரி வரும் என்றவுடன், எனக்கு சொல்லிக் கொடு என்றாள். சரி என்று ஆரம்பித்தோம். முதலில் 2+2+1, 1+2+2+3 என்று இரண்டு எண்களுக்கு மேல் கூட்டுவதற்கு சொல்லிக் கொடுத்தேன்.

எனக்கு நினைவு தெரிந்த வரை, ஒன்ஸில் இடம் இல்லை என்பதால் டென்ஸுற்கு எடுத்துக் கொண்டு போகிறோம் என்று நினைத்துக் கொண்டிருந்தேன். ஒரு நாளும் ஏன், எப்படி அடுத்த இலக்கத்திற்கு போகிறது என்று யோசித்தது இல்லை. இத்தனைக்கும் நான் கணிதத்தில் நல்ல மதிப்பெண்கள் எடுப்பேன். அதனால் தீஷு சரியாக செய்தால் மட்டும் போதாது, புரிந்து செய்ய வேண்டும் என்று கவனமாக இருந்தேன்.

இந்த விளையாட்டு தீஷுவிற்கு நன்றாக நினைவிலிருந்தது எங்களுக்கு வசதியாக போய்விட்டது. மேலும் வெவ்வேறு விளையாட்டுகள் மூலம் ஒன்ஸ் டென்ஸ் கண்டுபிடிக்க வைத்து அவளுக்கு தெளிவாக புரிய வைத்தேன்.

அனைத்து விளையாட்டுகளும் பாசி வைத்து சொல்லிக் கொடுத்தால், இப்பொழுதும் பாசி வைத்தே சொல்லிக் கொடுத்தேன். ஒரு தாளை மூன்றாக பிரித்துக் கொண்டேன். ஒன்ஸ், டென்ஸ், ஹன்ரெட்ஸ் என்று எழுதிக்கொண்டேன். ஒன்ஸில் 10 கட்டங்கள். டென்ஸில் 10 கோடுகள், ஹன்ரெட் ஒரு சதுரம். முதல் எண்னை பாசியில் எடுத்துக் கொள்ள வேண்டும். இரண்டாவது எண்ணை பாசி மதிப்பில் எடுத்துக் கொள்ள வேண்டும். இரண்டு எண்களையும் கூட்டுவதற்கு, முதலில் தனித்தனியாக இருக்கும் பாசிகளை ஒன்ஸ் கட்டத்தில் வைத்துக் கொண்டு வர வேண்டும். பத்து பாசி வைத்து முடித்தப்பின் டென்ஸுக்கு மாற்றி, ஒன்ஸை காலியாகிவிட வேண்டும். எதற்காக அடுத்த இலக்கத்திற்கு கொண்டு செல்கிறோம் என்று புரிந்து கொள்ள இது உதவியது. சரியாக செய்கிறாள். புரிந்து கொண்டு செய்கிறாளா என்று தெரியவில்லை.

Chapter books

2011-05-12T04:10:00.000+05:30

குழந்தைகளின் கேட்கும் திறன் அவர்களின் வாசிக்கும் திறனைக் காட்டிலும் அதிகம். நான்கு வயது குழந்தைக்கு, இரண்டாவது வகுப்பு படிக்கும் குழந்தை வாசிக்கும் புத்தகத்தை, நாம் வாசித்துக் காட்டினால் கேட்டு புரிந்து கொள்ள முடியும். மேலும் விவரங்களுக்கு : http://www.daddyread.com/readingChapter.html. இப்பொழுது தீஷுவிற்கு சாப்டர் புத்தகங்கள் மேல் ஆர்வம் வந்திருக்கிறது. சாப்டர் புக்ஸ் என்பது ஒரு பெரிய கதை, பல பகுதிகளாக (chapters) பிரிக்கப்பட்டு எழுதப்பட்டுயிருக்கும்.

daddyread.com லில் நல்ல சாப்டர் புக்ஸ் லிஸ்ட் உள்ளது. எனக்கும் தீஷுவிற்கும் விருப்பமான மூன்று சாப்டர் புக்ஸ் பற்றி இங்கு குறிப்பிட்டு உள்ளேன்.

Frog and Toad (Series):

நான் முதல் Frog and Toad புத்தகம், Blossom புக் ஸ்டோரில் வாங்கினேன். அப்பொழுது தீஷுவிற்கு விருப்பமிருக்கவில்லை. ஆனால் எனக்கு மிகவும் பிடித்திருந்தது. இந்தியாவிலிருந்து கிளம்பும் பொழுது, அங்கிருந்து வெகு சில புத்தகங்களே எடுத்து வந்தோம். மிகுந்த யோசனைக்குப் பிறகு நான் அதை எடுத்து வந்தேன். முதலில் ஹோட்டலில் சில நாட்கள் தங்கி இருந்தோம். அப்பொழுது ஏதாவது புத்தகம் வாசித்துக் காட்டு என்று அவள் கேட்டவுடன், என் கைக்கு அகப்பட்டது இந்த புத்தகம். தீஷுவிற்கு மிகவும் பிடித்துவிட்டது. திரும்ப திரும்ப வாசிக்கச்சொல்லி கேட்டுக் கொண்டியிருந்தாள். சில கதைகள் வரிக்கு வரி மனப்பாடம் ஆகிவிட்டன. ஒவ்வொரு சாப்டரும் ஒரு கதை. எங்களுக்கு மிகவும் பிடித்து விட்ட நிலையில் ஒவ்வொரு வாரமும் லைப்ரேரியிலிருந்து வெவ்வேறு புத்தகங்கள் எடுத்து வந்து வாசிக்கிறோம். சான்ஸ் கிடைத்தால் கண்டிப்பாக வாசித்துக் காட்டுங்கள்.

Three Stories you can read to your cat/dog/ Bear (Series):

கதை நாய்க்கு சொல்லுவது போல் அமைந்து உள்ளது. அதைப் போல் பூனை மற்றும் கரடிக்கு என தனித்தனி புத்தகங்கள் உள்ளன. ஒவ்வொரு புத்தகத்திலும் 3 கதைகள். Three more stories you can read என்றும் புத்தகங்கள் உள்ளன. மிகவும் ரசிக்கத்தக்க கதைகள். எங்கள் இருவருக்கும் மிகவும் விருப்பம்.

Magic Tree House :

ஒரு மாஜிக் மர வீடு ஜாக்கையும், ஆனியையும் அவர்கள் விரும்பும் காலத்திற்கு கூட்டு செல்கிறது. அவர்களுக்கு அங்கு என்னவெல்லாம் நடந்தது என்பது த்ரிலர், சில உண்மைகள் என செல்கிறது கதை. ஒரு புத்தகம் ஒரு கதை. ஒவ்வொரு புத்தகமும் 40 பக்கங்கள் முதல் 90 பக்கங்கள் வரை உள்ளன. நான் கிட்டத்தட்ட 45 புத்தகங்கள் வரை பார்த்தேன். அதற்கு மேலும் இருக்கலாம். குழந்தைகள் விரும்பி இக்கதைகள் கேட்க கூடும். எங்களுக்குப் பிடித்துயிருக்கிறது. நாங்கள் இரண்டு புத்தகங்கள் படித்து இருக்கிறோம்.

பிறந்த நாள் வாழ்த்துகள்

2011-05-08T04:35:00.003+05:30

அன்பின் தீஷு,

ஒவ்வொரு பிறந்த நாள் அன்றும் நான், உன்னிடம், "ஓ.. உனக்கு அதுக்குள்ள இவ்வளவு வயசாயிடுச்சா.. இப்போ தான் பிறந்த மாதிரி இருக்கு" என்று கேட்பதே வாடிக்கையாகி விட்டது. இந்த முறை அவ்வாறு கேட்க போவதில்லை. நீ வளர்ந்து கொண்டு இருக்கிறாய். ஒவ்வொரு நாளும் ஒவ்வொரு நிமிடமும்.

இப்பொழுது ஐந்து வயது சிறுமி நீ. முழுவதுமாக மழலை மாறி ஒரு வருடத்திற்கு மேலாகி விட்டது. அடுத்தவர்களை வாங்க, போங்க என்று மரியாதை கொடுத்து பேசவும் கற்றுக் கொண்டு விட்டாய். பேச்சில் தெளிவு. அனைத்தையும் தெரிந்து கொள்ள வேண்டும் என்ற ஆர்வம் கூடியிருக்கிறது. கூச்சம் குறைந்திருக்கிறது. புதியவர்கள் கேட்கும் கேள்விக்கு பதில் சொல்கிறாய். அனைத்து குழந்தைகளிடமும் சிநேகமாக விளையாடுகிறாய். ஆறு மாத குழந்தையுடன் கூட உன்னால் நேரம் செலவிட முடிகிறது. எந்த நேரமும் ஏதாவது கேட்டுக் கொண்டே இருக்கிறாய். அன்று ஒரு நாள் உன்னிடம் என் மனக்குறையை சொன்னவுடன், என் கை பற்றி, எல்லா சரியா போகும் என்றாய். என் தோழியை உன்னிடம் பார்த்தேன். என் அழுகையை மறைக்க வேண்டி என்னால் என் பதிலை தலை ஆட்டலில் மட்டுமே சொல்ல முடிந்தது.

ஆனால் உன்னிடம் இருக்கும் மிகப்பெரிய குறை - உனக்கு எல்லாவற்றுக்கும் ஒருவர் வேண்டும். சுதந்திரமாக செய்வதற்கு உனக்கு பயம். அப்பா, உன்னிடம் நீயா பண்ணு என்றால் அடுத்த நிமிடம் என்னிடம் உதவிக்கு வருவாய்.. நான் முடியாது என்றால் அப்பாவிடம் போவாய். பார்க்கில் அனைத்து குழந்தைகளும் தனியாக விளையாடும் சின்ன சறுக்கல் போன்றவற்றுக்குக் கூட நாங்கள் அதன் அருகே உனக்காக காத்துக் கொண்டு நின்று கொண்டிருக்க வேண்டும். நீ ஹாலில் ஏதோ செய்து கொண்டிருக்கிறாய் என்று ரூமிற்கு சென்றால், அடுத்த விநாடி என் அருகில் நிற்பாய். இன்னும் சில வருடங்களில் உன்னை என்னருக்கில் அழைத்தால் கூட நீ வருவாயா என்று தெரியாது.. இப்பொழுது இருந்துவிட்டு போகட்டும் என்று உன் அப்பாவிடம் சொல்லுவது உண்டு. ஆனால் அனைத்து குழந்தைகள் புழங்கும் இடங்களிலும் வெறும் குழந்தைகள் கூட்டத்தில் உன்னுடன் நாங்கள் மட்டும் இருப்பது எனக்கு சில நேரங்களில் யோசிக்க வைக்கிறது. ஆனால் இப்பொழுது கொஞ்சம் கொஞ்சமாக நீ மாறி கொண்டிருப்பது எனக்கு நம்பிக்கை அளிக்கிறது.

உன்னிடம் செலவிடும் ஒவ்வொரு நொடியையும் என் மனதில் பத்திரப்படுத்துகிறேன். இப்பொழுதும் அமைதியாக நீ தூங்கிக் கொண்டிருந்தால் என்னால் உன்னை முத்தமிடாமல் அந்த இடத்தை கடக்க முடியாது. என் வாழ்வாகிய உன்னை, நீ என்றும் இதே குறும்புத்தனத்துடன், சந்தோஷத்துடன் இருக்க வேண்டும் என்று வாழ்த்துகிறேன். Happy
Birthday to you Dheekshu!!!!!

Strokes of colours

2011-05-05T04:08:00.001+05:30

இந்த முறை நாங்கள் வந்த விமானம் லேட் ஆனதால், அடுத்து பிடிக்க வேண்டியிருந்த விமானத்தைப் பிடிக்க முடியாமல் ஆனது. அடுத்த விமானம் அடுத்த நாள் என்பதால் ஹோட்டலில் தங்கி இருந்தோம். எங்கள் விமானத்தில் வந்திருந்த ஒரு பெண் தனியாக வந்திருந்ததால், எங்களுடன் சேர்ந்து கொண்டார். எங்கள் பக்கத்து அறையில் தங்கியிருந்தார். மறுநாள் அவருக்கு எங்களுக்கு முந்திய விமானத்தில் இடம் கிடைத்ததால், எங்கள் முன்னே கிளம்பிவிட்டார். அவர் சீக்கிரமே கிளம்பிவிடுவார் என்பதை புரிந்து கொண்ட தீஷு,அவளாகவே ஒரு தாளில் எதையோ ஹோட்டல் போனா கொண்டு வரைந்து கொடுத்தாள். அவருக்கு மிகுந்த சந்தோஷம். யாராவது பிரிகிறார்கள் என்றால் தீஷுவை பொருத்த வரை அவர்களுக்கு ஏதாவது கொடுக்க வேண்டும். ஒரிரு மணி நேரம் பழகியதற்கு கிஃப்ட் கொடுக்கிறாள் என்று சந்தோஷமாக சொன்னார்கள்.

நாங்கள் இங்கு வந்த பொழுது எங்களுக்கு உதவி செய்தவர்கள் கடந்த வாரம் இந்தியா கிளம்பினார்கள். தீஷுவாகவே அவரிடம், நீங்கள் போகும் பொழுது உங்களுக்கு ஒரு பெயிண்டிங் கிஃப்ட் கொடுக்க போகிறேன் என்று கூறிவிட்டு, தினமும் என்னிடம் என்ன செய்யலாம் என்று கேட்டுக் கொண்டிருந்தாள். மார்பிள் பெயிண்டிங் செய்யலாம் என்று தோன்றியது. ஆனால் எங்களிடம் கோழிகுண்டு இல்லை. ஆகையால் கற்கள் எடுத்து வந்தோம். ஆனால் கற்கள் உருண்டையாக இல்லாததால், நன்றாக உருளவில்லை. அதனால் ஒரு ஜாரில் காகிதத்தை வைத்து, கற்களை பெயிண்ட்டில் உருட்டி, ஜாரில் போட்டு, ஜாரை மூடி, குலுக்கினோம். ஜார் மூடியிருந்ததால் அவளால் நன்றாக குலுக்க முடிந்தது. கற்களும் உருண்டு நல்லதொரு பெயிண்டிங் செய்திருந்தன.

Crayons மெழுகு என்பதால் ஏதாவது சூடான பொருள் மேல் காகிதத்தை வைந்து வரைந்தால், மெழுகு உருகி, நல்ல கலர் கிடைக்கும் என்று படித்திருக்கிறேன். ஆனால் தீஷு சூடான பொருளை லேசாக தொட்டு விட்டால் அடுத்த முறை crayons கூட தொட மாட்டாள் என்று தெரிந்து இருந்ததால், முயற்சி செய்யாமல் இருந்தேன். வரைந்து சூடான பொருளை தொடும் சாத்தியத்தை தடுக்கும் பொருட்டு Crayons சீவி கொண்டோம். கற்கள் எடுத்து வந்து, அவற்றை தோசை கல்லில் சூடாக்கிக் கொண்டோம். தோசை கல்லிருந்து எடுத்தவுடன், சூடான கற்களின் மேல் crayons துருவலை தூவினோம். crayons உருகி ஓடி, பல கலர்கள் கலந்து, கற்களை அழகாக கலர் செய்தன. மிகவும் அழகாக இருக்கிறது. அந்த கற்கள் ஒரு கண்ணாடி கிண்ணத்தில், ஹாலை அலங்கரித்து கொண்டிருக்கிறன.

மஞ்ச பொண்ணு

2011-05-04T04:23:00.005+05:30

நேற்று இரவு சாப்பிட்டுக் கொண்டிருக்கும் பொழுது, திடீரென்று தீஷு, ஏதாவது கதை சொல்லுங்கள் என்றாள். நான் உடனே, விடுகதை கேளுங்கள் என்று என் கணவரிடம் சொன்னேன். தீஷுக்கு புரியும் அளவுக்கு நாங்களாக தயாரித்து மாறி மாறி கேட்டோம். அவற்றில் சில,

1. This person is yellow in colour. If you remove his skin, he becomes white. - Banana

2. If you put this boy inside the sand, after few days his legs and hands come out the sand. Who is he? - Seed

3. I am cirlce in shape. I reduce my size everyday and vanish one day. And start to grow from the next day into full circle.

இவ்வாறு பத்து வரை கேட்டுயிருப்போம். அவளுக்கு அனைத்திற்கும் க்ளூ கொடுத்து கண்டுபிடிக்க வைத்தோம். சாப்பிட்டு முடித்தவுடன் தீஷு சொன்னாள். இப்ப என் turn. அவள் கேட்ட விடுகதை.

இந்த பெண் நல்ல மஞ்சளாக இருப்பாள். பல் வெள்ளையாக இருக்கும். அவள் யார்? நாங்களும் மாம்பழம் என்று பல மஞ்சள் பொருட்களை சொல்லிப் பார்த்தோம். அவள் விடை : பழைய பள்ளியில் படித்த ஜூஹி. எங்கள் விடுகதையில் பையன், மனிதன் என்று உபயோகித்ததால், அவள் நிஜமாகவே ஒரு பெண்ணை கண்டுபிடிக்க சொல்லி இருக்கிறாள்.

நாங்கள் எங்களுக்குத் தெரிந்த பொருள்களாகத் தான் விடுகதையில் இருக்க வேண்டும் என்றவுடன், அவள் கேட்டது, "இது ஷார்பாக இருக்கும்.. ஆனால் காய் வெட்ட முடியாது.. கையில் குத்தும்.. என் டால் ஹவுஸில் இருக்கு..". அப்பாவின் பதில், "மிக்ஸி பிளேடு".. எனக்கு அவள் உலகத்திலிருந்து தான் கேட்டியிருக்க வேண்டும் என்று புரிந்திருந்தது. என் சரியான பதில், "விளையாட்டுக் குக்கர்". அது ஒரு நாள் அவள் கையில் குத்திவிட்டது.

அவள் அந்த பக்கம் போனப்பின் அப்பா மெதுவான குரலில் என்னிடம் கேட்டார், " எல்லா அஞ்சு வயது பசங்களும் இப்படித்தானா.. இல்ல இவ மட்டும் தான் ஸ்லோ பிக்கெப்பா"..

பொம்மைக்கு ஷால்

2011-05-01T23:59:00.005+05:30

என் அம்மாவின் அம்மாவிடமிருந்து நான் சிறுமியாக இருந்த பொழுது நிறைய விஷயங்கள் கற்றுயிருக்கிறேன். ஒரிகமி ( கப்பல், சட்டை, பெட்டி, கப் போன்றன), பல்லாங்குழி, காலால் பூ கட்டுவது, நூல் வேலைகள், வரைந்தல், ஸ்வெட்டர், கூடை பின்னுதல் போன்றன. அந்த அடிப்படைகள் பின் நாட்களில் எனக்கு பல விதத்தில் உதவின. ஒவ்வொரு விடுமுறையின் போதும் நானாகவே எதையாவது தேடி தேடி பழகி கொள்வேன். என் அம்மாவுக்கு இதிலெல்லாம் விருப்பம் இல்லையென்பதால், என் பாட்டியிடம் நான் பழகியதை என் மகளுக்கு நான் சொல்லிக் கொடுக்க வேண்டும் என்று நினைத்திருக்கிறேன். பின்னாளில் அவளுக்கு விருப்பமிருந்தால் அவள் தொடர்ந்து கொள்ளலாம. பல்லாங்குழி வாங்கி வந்திருக்கிறோம். அதில் அனைத்து விளையாட்டுகளும் நினைவில் இல்லை. என் சித்தியிடம் எனக்கு நினைவூட்ட சொல்லி இருக்கிறேன். அவர் சொன்னவுடன் தீஷுவிற்கு சொல்லிக் கொடுக்க வேண்டும்.

இப்பொழுது என்ன சொல்லிக் கொடுக்கலாம் என்று யோசித்தவுடன், என் நினைவில் வந்தது கையால் woolen பின்னுதல். ஊசியின் மூலம் பின்னுதல் தீஷுவின் வயதிற்கு அதிகமாக இருக்கும் என்று தோன்றியது. கையினால் பின்னுவது மிகவும் எளிமையானது. தீஷுவிற்கு நான்கு ஐந்து தடவை சொல்லிக் கொடுக்க வேண்டியிருந்தது. மிகவும் விருப்பமாக செய்யவில்லை. ஆனால் அவள் பொம்மைக்கு ஒரு ஷால் செய்திருக்கிறாள்.

செய்முறை இந்த லிங்கில் உள்ளது.

Matter Matters

2011-04-25T05:23:00.004+05:30

ஒரு நாள் தீஷுவிடம் பேசிக்கொண்டிருக்கும் பொழுது liquid என்றாள். அப்படி என்றால் என்றவுடன் நீங்கள் தண்ணீர் போன்றது என்று ஒரு நாள் எனக்கு சொல்லிக் கொடுத்தீர்கள் என்றாள். வேற என்ன தெரியும் என்றவுடன் அவ்வளவு தான் என்றாள். மீண்டும் ஒரு முறை Solid, liquid and Gas பற்றி சொல்லிக் கொடுத்தேன்.

இப்பொழுது புரிந்து கொள்ளும் வயது என்பதால் என்னை சற்று தயார் படுத்திக் கொண்டேன். லைப்பேரேரிலிருந்து அது சம்மந்தமான புத்தகங்கள் எடுத்து வந்தோம்.
புத்தகங்கள் வாசித்து முடித்தவுடன், தண்ணீர் என்ன ஸ்ஷேப் என்றவுடன் எதில் ஊற்றுகிறோமோ அந்த ஸ்ஷேப் என்றாள். ஆஹா.. நம்ம சொல்லிக் கொடுத்து இவ்வளவு புரிஞ்சிடுச்சா என்று ஆச்சரியம். எப்படி தெரியும் என்றவுடன், ஏற்கெனவே இதெல்லாம் ஸ்கூல சொல்லிக் கொடுத்திருந்தாங்க என்றாள். அதான பார்த்தேன்..

தண்ணீரை ஒரு டம்பளரில் ஊற்றி ஐஸ் செய்தோம். மறுபடியும் அதை சூடாக்கி தண்ணீர் மற்றும் நீராவி செய்தோம். மீண்டும் ஐஸ் செய்தோம். இரண்டு மூன்று நாட்களுக்கு பொழுது போனது.

இந்த முறை ஓபிலேக் (Oobleck) செய்தோம். எடுப்பதற்கு தண்ணீர் போல் இருந்தாலும், இறுக்கி பிடித்தால், கட்டியாக (Solid) மாறும். தண்ணீர், கான் பிலார் மற்றும் புஃட் கலரிங். எவ்வாறு செய்வது என்பது இங்கு உள்ளது. தீஷுவிற்கு மிகவும் பிடித்திருந்தது. ஆனால் அவளுக்கு அன்று கையில் சிறு புண் இருந்தது. இது எரிச்சல் உண்டாக்கிறது என்று எடுத்து வைத்து விட்டாள். மறுநாளும் அதில் தண்ணீர் கலந்து விளையாண்டோம். கொட்டும் பொழுது சிங்க்கில் கொட்டாமல் குப்பைத் தொட்டியில் போடவும். பைப்பை அடைத்துக் கொள்ளும்.

வாசித்த புத்தகங்கள்

What is the world made of?

Solids, liquids and gases

Pop! A book about bubbles

நாடோடிக‌ள்

2011-04-14T13:54:00.002+05:30

அடுத்த‌ மாத‌ம் தீஷுவிற்கு ஐந்தாவ‌து பிற‌ந்த‌ நாள். இந்த‌ ஐந்து வ‌ருட‌த்திற்குள் நான்காவ‌து வீடு / இடம் மாறி விட்டோம். வீடு கட்டி முடித்த‌வுட‌ன் புது வீட்டிற்கு போவோம் என்று ஒரு மாற்ற‌த்தை எதிர்பார்த்து இருந்தாலும், சொந்த‌ வீடு என்ப‌தால் அதிலிருந்து மாற‌ வேண்டியிருக்காது என்ப‌தால் நிர‌ந்த‌ர மாற்ற‌மாக‌ இருக்கும் என்று நினைத்து கொண்டிருந்தோம். ஆனால் மீண்டும் ஒரு த‌ற்கால‌ மாற்ற‌ம். மீண்டும் அமெரிக்காவிற்கு செல்ல‌ வேண்டிய‌ சூழ்நிலை.

ஒவ்வொரு மாற்ற‌மும் தீஷுவை க‌ண்டிப்பாக‌ பாதித்து இருக்கும். ஆனால் அவ‌ள் எப்பொழுதும் நேராக‌ காண்பித்த‌த்தில்லை. போன முறை நியூ ஜெர்ஸியிலிருந்து இந்தியா திரும்பிய‌ பொழுது, தீஷுவிற்கு இர‌ண்டே முக்கால் வ‌ய‌து. இட‌மாற்ற‌ம் பெரிதாக‌ புரிய‌வில்லை. ஆனால் இப்பொழுது ந‌‌ன்றாக‌ விவ‌ர‌ம் புரியும் வ‌ய‌து. பெங்க‌ளூரில் ந‌ண்ப‌ர்க‌ள் / உற‌வின‌ர்க‌ளுட‌ன் விளையாடி, வாழ்ந்து ப‌ழ‌கிவிட்டாள். என்ன‌ செய்ய‌ போகிறாள் என்று தெரிய‌வில்லை. இங்கு வ‌ந்து 10 நாட்க‌ள் ஆகிவிட்டன‌. பெரிதாக‌ ந‌ண்ப‌ர்க‌ள் ப‌ற்றி கேட்க‌வில்லை. ஆனால் அவ‌ள் ப‌ள்ளியைப் ப‌ற்றி பேசிக்கொண்டே இருக்கிறாள். மாற்ற‌த்தை ஏற்று கொண்டாள் என்றே நினைக்கிறோம். இப்ப‌டியே நாங்க‌ள் மாறிக் கொண்டே இருப்ப‌தால் நிலையான‌ ஒரு ந‌ண்ப‌ர் கூட்ட‌ம் அவ‌ளுக்குக் கிடைப்ப‌தில்லை. நினைத்தால் வ‌ருத்த‌மாக‌த்தான் இருக்கிற‌து.

மீண்டும் இர‌ண்டு வ‌ருட‌த்தில் இந்தியா திரும்பும் யோச‌னை இருப்ப‌தால், கிள‌ம்பும் முன் தீஷுவின் ப‌ழைய‌ இந்திய‌ ப‌ள்ளி ஆசிரிய‌ரை ச‌ந்தித்து பேசினோம். ஹிந்தி க‌ண்டிப்பாக‌ வீட்டில் சொல்லித்த‌ர‌ வேண்டும். ஐந்தாம் வ‌குப்பு முத‌ல் மூன்றாம் மொழி க‌ற்க‌ வேண்டும் என்ப‌தால், அதிக‌ப‌ட்ச‌மாக‌ அவ‌ள் மூன்றாம் வகுப்பு முடித்த‌வுட‌ன் வ‌ந்தால் எளிதாக‌ இருக்கும் என்றார்க‌ள். U.K.G ம‌ற்றும் ஒன்றாம் வ‌குப்பு பாட‌ புத்த‌க‌ங்க‌ள் கொடுத்து இருக்கிறார்க‌ள். தீஷு ப‌ள்ளியில் வெறும் மாண்டிசோரி ம‌ட்டும் தான். ஒன்றாம் வ‌குப்பு என்று த‌னியாக‌ கிடையாது. ஆனால் எங்க‌ளுக்காக‌ ம‌ற்ற‌ ப‌ள்ளியிலிருந்து புத்த‌க‌ங்க‌ள் வாங்கி கொடுத்திருக்கிற‌ர்ர்க‌ள். எவ்வாறு சொல்லித்த‌ர‌ வேண்டும் என்று என‌க்கு அரை ம‌ணி நேரம் விள‌க்கினார்க‌ள். என்ன‌ செய்ய‌ போகிறேன் என்றே தெரிய‌வில்லை.

தீஷுவிற்கு இங்கு ப‌ள்ளி ஆகெஸ்ட்டில் தான். பொழுது போகாம‌ல் வீட்டைச் சுற்றிக் கொண்டிருக்கிறாள். திரும்பி இந்தியா போகும் பொழுது இன்னும் வ‌ய‌து அதிக‌மாகிவிடும் என்பதால் அந்த‌ மாற்ற‌த்தை எப்ப‌டி எடுத்துக் கொள்வாளோ என்று இப்பொழுதே ப‌ய‌மாக‌ இருக்கிற‌து.

ந‌ம்ப‌ர் லைன்

2011-03-29T20:05:00.003+05:30

C.B.S.C ஸில‌ப‌ஸ் U.K.G க‌ணித‌ப்புத்த‌க‌த்தில் ந‌ம்ப‌ர் லைன் (Number line) வைத்து கூட்ட‌ல், க‌ழித்த‌ல் செய்வ‌து இருந்த‌து. ந‌ம்ப‌ர் லைன் என்பது ஸ்கேல் போன்று இருக்கும். ஒன்று, இர‌ண்டு என்று வ‌ரிசையாக‌ எழுதி இருக்கும். 3 + 2 என்று கூட்ட‌ல் செய்வ‌த‌ற்கு, முத‌ல் எண் மூன்றிற்கு சென்று, பின் இர‌ண்டாம் எண் இர‌ண்டிற்கு இர‌ண்டு எண்க‌ள் முன்னால் சென்று 5 என்று விடை காண‌வேண்டும். தீஷுவிற்கு பேப்ப‌ரில் ந‌ம்ப‌ர் லைன் வைத்து செய்வ‌தை விட‌ குதிக்கும் ஆக்டிவிட்டியாக‌ மாற்றி விட்டேன்.

தீஷுவை 0 முத‌ல் 10 வ‌ரை வ‌ரிசையாக‌ டைல்ஸ்ஸில்(த‌ரையில்) எழுத‌ச் சொன்னேன். 3 + 2 என்ப‌த‌ற்கு முத‌லில் 0விலிருந்து மூன்று முறை குதித்து மூன்றாம் எண் டைல்ஸ் சென்றாள். அடுத்து இர‌ண்டு என்று சொன்ன‌வுட‌ன் இர‌ண்டு முறை குதித்து 5 என்று விடை எழுதினாள். இவ்வாறு இர‌ண்டு மூன்று முறை கூட்ட‌ல் செய்த‌வுட‌ன், க‌ழித்த‌ல் செய்தோம். 9 - 3 என்ற‌வுட‌ன் ஒன்ப‌தாம் எண்ணிற்கு சென்றாள். மைன‌ஸ் மூன்று என்ற‌வுட‌ன், ஒரு நிமிட‌ம் அவ‌ளாக‌வே யோசித்து பின்னால் வ‌ர‌ வேண்டும் என்று கூறி விட்டு விடை க‌ண்டுபிடித்தாள். கூட்ட‌ல் என்றால் என்ன‌, க‌ழித்த‌ல் என்றால் என்ன‌ என்று அவ‌ளுக்குப் புரிந்து இருப்ப‌தைக் க‌ண்டு என‌க்கு ம‌கிழ்ச்சி.

ந‌ம்ப‌ர் லைன் இவ்வாறு த‌ரையில் எழுதி செய்த‌தில் வேக‌மாக‌ சோர்வடைந்து விட்டாள். ஆனால் மிக‌வும் விருப்ப‌மாக‌ விளையாண்டாள்.

தூக்கிப்போடும் முன்

2011-03-24T12:27:00.002+05:30

என் வாழ்நாளை தீ.மு, தீ.பி என பிரித்துவிடலாம். தீமு - தீஷுவிற்கு முன், தீபி - தீஷு பிறந்ததற்குப் பின். முன்பு எனக்கு வீட்டில் தேவையில்லாத பொருள் இருக்கக்கூடாது. ஆனால் இப்பொழுது எந்த பொருளைத் தூக்கிப் போடும் முன்னும் அதை வைத்து தீஷு விளையாடுவாளா என்று ஒரு நிமிடம் தோன்றி மறு நிமிடம் சேர்த்து வைத்து, வீடு முழுவதும் ஒரே பொருட்களின் குவியல்.

வீடு கட்டும் பொழுது, டைல்ஸ் தேர்ந்து எடுப்பதற்கு கொடுத்த புத்தகங்கள் இரண்டு மூன்று புத்தக அலமாரியில் இருந்தன. எதற்கு வைத்திருந்தேன் என்று எனக்கே தெரியவில்லை. தூக்கிப் போடும் இவற்றைச் செய்தோம்.

ஒரு புத்தகத்தில் ஒவ்வொரு பக்கத்திலும் ஒரு பெரிய படமும், அதன் கீழே அந்த படத்தில் உபயோகப்படுத்தப்பட்டிருந்த டைல்ஸுகளின் சிறிய படங்களும் கொடுக்கப்பட்டு இருந்தன. ஐந்து பெரிய படங்களையும், அந்த படங்களின் சிறிய அளவு டைல்ஸையும் வெட்டி எடுத்துக் கொண்டேன். பெரிய படங்களை வரிசையாக தரையில் அடுக்கி வைத்துக் கொண்டோம். ஒவ்வொரு சிறிய படங்களாக எடுத்து அது எந்த பெரிய படத்தில் பயன்படுத்தப்பட்டு இருக்கிறது என்று பொருத்தினோம். தீஷுவிற்கு மிகவும் பிடித்திருந்து மீண்டும் மீண்டும் விளையாண்டு கொண்டிருந்தாள்.

மற்றொரு புத்தகத்தில் இடை இடையே பெரிய அழகிய படங்கள் இருந்தன. அவற்றை 8 முதல் பத்து பஸில் பீஸாக வெட்டி கொண்டோம். வெட்டிய பகுதிகளை இணைத்து மீண்டும் பெரிய படம் உருவாக்க வேண்டும் (பஸில் போல).

தீஷு இர‌ண்டு மூன்று நாட்க‌ள் திரும்ப‌ திரும்ப‌ எடுத்து விளையாடி ஆச்ச‌ரிய‌ப்ப‌டுத்தினாள். இதேப் போல் பழைய‌ காலெண்ட‌ர்க‌ளிலும் செய்ய‌லாம்.

ஒற்றையா இர‌ட்டையா?

2011-03-23T12:22:00.003+05:30

விளையாடுவ‌து குழ‌ந்தைக‌ளின் விருப்ப‌மான‌ வேலை. விளையாட்டின் மூல‌ம் அவ‌ர்க‌ளுக்கேத் தெரியாம‌ல் நிறைய‌ க‌ற்றும் கொள்வார்க‌ள். சிறு வ‌ய‌தில் என் விருப்ப‌மான‌ விளையாட்டுக‌ளில் ஒன்று ஒற்றையா, இர‌ட்டையா.

புளிய‌ங்கொட்டைக‌ள் வைத்து விளையாடுவோம். இருக்கும் புளிய‌ங்கொட்டைக‌ளை ச‌ம‌மாக‌ பிரித்துக் கொள்ள‌ வேண்டும். ந‌ம் ப‌ங்கில் சிறிதை கையில் எடுத்து ந‌ம் அருகில் இருப்ப‌வ‌ரிட‌ம் ஒத்தையா இர‌ட்டையா என்று கேட்க‌ வேண்டும். அவ‌ர் சொன்ன‌வுட‌ன், ந‌ம் கையில் இருக்கும் கொட்டைக‌ளை இர‌ண்டு இர‌ண்டாக‌ வைக்க‌ வேண்டும். அவ‌ர் சொன்ன‌து ச‌ரியாக‌ இருந்தால், ந‌ம் கையில் எடுத்த‌ அனைத்தையும் கொடுத்து விட‌ வேண்டும். த‌வ‌றாக‌ இருந்தால் அவ‌ரிட‌ம் அதே அள‌வு பெற்றுக் கொள்ள‌ வேண்டும்.

தீஷுவிற்கு Counting by 2 சொல்லிக் கொடுப்ப‌த‌ற்கு ஒற்றையா இர‌ட்டையா விளையாட‌ ஆர‌ம்பித்தோம். இர‌ண்டு இர‌ண்டாக‌ வைப்ப‌த‌ற்கு ப‌திலாக‌ இர‌ண்டு இர‌ண்டாக‌ எண்ண‌ வேண்டும். இந்த‌ எளிதான‌ விளையாட்டு மூல‌ம் மிக‌வும் எளிதாக‌ இர‌ண்டு இர‌ண்டாக‌ எண்ண‌ ப‌ழ‌கிக் கொண்டாள். அது ம‌ட்டும் இல்லாம‌ல், நிறைய‌ க‌ற்ற‌ல்க‌ள் இந்த‌ விளையாட்டில் உள்ளன‌. காய்க‌ளை இருவ‌ருக்கு அல்ல‌து மூவ‌ருக்குப் பிரித்த‌ல் (வ‌குத்த‌ல்), இர‌ண்டு இர‌ண்டாக‌ எண்ணுத‌ல், வெற்றி தோல்வி, ஒரிரு காய்க‌ள் விளையாட்டின் ந‌டுவில் ந‌ம்மிட‌ம் இருந்தாலும் இறுதியில் வெல்லுத‌ல் போன்ற‌ன. தீஷுவிற்கும் விருப்ப‌மான‌ விளையாட்டுக‌ளில் ஒன்று.

த‌வ‌று

2011-03-21T13:31:00.002+05:30

நான் Progress Report, Interested in Origami என்ற‌ த‌லைப்புக‌ளில் எழுதியிருந்த‌ இரு இடுகைக‌ளும் நான் என் ப்ரைவேட் ப்ளாகில் எழுதுவ‌த‌ற்கு ப‌திலாக‌ த‌வ‌றாக‌ இந்த‌ ப்ளாகில் எழுதி விட்டேன். ப்ரைவேட் ப்ளாக் பின்னாளில் தீஷு அவ‌ள் குழ‌ந்தைப்ப‌ருவ‌த்தைத் தெரிந்து கொள்வ‌த‌ற்காக‌ நாங்க‌ள் எழுதுவ‌து. நான் எழுதிய‌தை ப்ளாகில் ப‌டிக்கும் வ‌ழ‌க்க‌ம் இல்லாத‌தால் க‌மென்ட்ஸ் பார்த்த‌வுட‌ன் தான் நான் செய்த‌ த‌வ‌று புரிந்த‌து. இரு இடுகைக‌ளிலும் பிரெஸ்ன‌லாக‌ எதுவும் இல்லை என்றாலும், என் ம‌க‌ளுக்காக‌ எழுதிய‌தை இங்கு வைத்திருப்ப‌தில் என‌க்கு விருப்ப‌மில்லை. ஆகையால் எடுத்து விட்டேன். க‌மென்ட்ஸ் எழுதிய‌வ‌ர்க‌ள் புரிந்து கொள்வீர்க‌ள் என்று ந‌ம்புகிறேன். ந‌ன்றி.

களிமண்

2011-03-04T07:11:00.000+05:30

நாங்கள் சிறுவயதில் மதுரையில் இருந்தபொழுது களிமண் வைத்து விளையாண்டது நினைவில் உள்ளது. எங்கிருந்து எடுப்போம் என்று ஞாபகம் இல்லை. ஆனால் களிமண்ணால் அம்மி செய்தது, பூ ஜாடி செய்தது போன்றது நினைவில் உள்ளது.

தீஷுவிற்கு மண் அலர்ஜி. களிமண் தெரியவில்லை. மண்ணில் விளையாண்ட அதே நாளில் அவளுக்குக் கொம்பங்கள் வருவதால் களிமண் கொடுத்து சோதிக்க மனம் இருக்கவில்லை. கடையில் வாங்கிய Playdough சற்று நாட்களாகிவிட்டாலும் தீஷுவிற்கு அலர்ஜி உண்டாக்குகிறது. ஆகையால் வீட்டில் செய்வதே எங்களின் சாய்ஸ்.

களிமண் முன்பே செய்திருக்கிறோம். வெவ்வேறு கலரில் செய்ய வேண்டும் ஆனால் ஒரே தடவை மாவு பிசைவது போல் இருந்தால் தீஷுவிற்கு எளிதாக இருக்கும் என்று இணையத்திருந்து இந்த செய்முறை எடுத்தேன்.

தேவையானவை:

1 கப் கோதுமை மாவு / மைதா
1 கப் தண்ணீர்
சிறிது எண்ணெய்
Food colouring

கோதுமை மாவு, தண்ணீர், எண்ணெய் மூன்றையும் கட்டி இல்லாமல் கலந்து கொள்ள வேண்டும். கலவையை ஒரு தவாவில் ஊற்றி அடுப்பில் வைத்து கிளறிக் கொண்டே இருக்க வேண்டும். ஒரங்களில் ஒட்டாமல் வரும் பொழுது (கிட்டத்தட்ட ஒரிரு நிமிடங்கள் கழித்து), அடுப்பிலிருந்து எடுத்து, மாவை மிருதுவாக பிசைய வேண்டும். எங்களிடம் நான்கு கலர்கள் இருந்தன. மாவை ஐந்தாக‌ப் பிரித்துக் கொண்டோம். கலரில் சிறிது தண்ணீர் ஊற்றி, மாவின் ஒரு பாகத்தில் ஊற்றி மீண்டும் நன்றாக பிசைய வேண்டும். பச்சை, சிகப்பு, மஞ்சள், ஆரெஞ்ச், கரும் பச்சை என ஐந்து கலர் உருண்டைகள் செய்தோம். இதுவரை இவ்வளவு மிருதுவான playdough செய்தது இல்லை.

தீஷு மனிதன், காரெட், கத்தரிக்காய், பாம்பு என இரண்டு மணி நேரம் செய்து கொண்டிருந்தாள். விளையாண்டு முடித்தவுடன் பழைய playdough டப்பாவின் போட்டு ஃப்ரிட்சில் வைத்து விட்டேன்.அன்று என்னிடம் காமெரா இல்லை. இன்று பத்து நாட்கள் ஆகி விட்டன. ஒரு நாள் மூன்று குழந்தைகள் அனைத்து கலர்களை கலந்து ஒரு மணி நேரம் விளையாண்டப்பின் சிறிதை கீழே போட்டுவிட்டேன். மீதமிருப்பது கீழே புகைப்படத்தில் உள்ளது.

மிருதுவாகவும் ப‌ல‌ வ‌ண்ண‌ங்க‌ளில் இருந்தாலும் இயற்கை களிமண்ணுக்கு ஈடாகாது என்பது என் எண்ணம்.

கவர்ந்த தருணங்கள் 1/3/2011

2011-03-01T10:21:00.001+05:30

1. தீஷு சைக்கிள் ஓட்டிக் கொண்டிருந்தாள். நான் அவள் அருகில் நடந்து வந்து கொண்டிருந்தேன். ஒரு வளைவில் ஒரு கார் மிகவும் மெதுவாக திரும்பியது. உடனே தீஷு, "கார் ஏன் இவ்வளவு ஸ்லோவா போகுது? L போர்டா என்ன?"

2. என் கஸின் CAT ட்டில் நல்ல ச‌த‌விகித‌ம் பெற்றிருந்தும், எந்த நல்ல காலேஜிலும் இடம் கிடைக்காது என்றதை என் கணவரிடம் சொல்லிக் கொண்டிருந்தேன். உடனே தீஷு, "அம்மா, CAT ஈஸி தானே.. C-A-T னு எழுதி காலேஜில சேர்ந்திட வேண்டியது தானே"

3. பால் பாத்திரத்தில் பால் காய்ச்சியவுட‌ன் ஏற்பட்ட கறுப்பு புள்ளியைக் காட்டி "ஏன் பாக்யா பாட்டி நல்லா க்ளீன் பண்ணல"
"அப்படி சொல்லக்கூடாது.. அவுங்க நல்லாத்தான் க்ளீன் பண்ணி இருந்தாங்க.. அவுங்க கேட்டா கஷ்டப்படப் போறாங்க"
"எதுக்குக் கஷ்டப்படப் போறாங்க?"
"அவுங்க நல்லாப் பண்ணினத குறை சொல்லக்கூடாது..நீ அழகா எழுதியிருக்கிறப்ப நல்லா எழுதலனு சொன்ன உனக்கு எப்படி இருக்கும்?"
"கஷ்டமா இருக்காது.. இன்னும் நல்லா எழுதிக்காட்டனுமினு நினைச்சுக்குவேன்"

4. வாக்கிங் போய் கொண்டிருந்தோம். ஒரு சில‌ந்தி தரையில் கிட‌ந்தது. அருகில் சென்று தீஷு அத‌ன் கால்க‌ளை எண்ணி, "அம்மா, எட்டு கால் இருக்கு.. அக்டோப‌ஸ் கிட‌க்கு மா"

5. தீஷு, ஒரு இர‌வில் தூங்கும் முன், "அம்மா, இன்னைக்கு நான் ந‌ல்லா பிகேவ் ப‌ண்ணினேன்ல‌, அத‌னால‌ நாளைக்கு என‌க்கு ஒரு கிஃப்ட் கொடுங்க‌"

"என்ன‌ கிஃப்ட் வேணும்"

"அத‌ நான் சொல்ல‌க்கூடாது. அப்புற‌ம் என்ன‌ கொடுக்க‌ப்போறீங்க‌னு தெரிஞ்சிடுமே.. (அடுத்த விநாடி அவ‌ளாக‌வே) ச‌ரி..கேட்கிற‌துனால‌ செல்லுறேன்.. நாளைக்கு வேணா ப‌ன்னீர் டிக்கா ம‌சாலா ச‌மைச்சிடுங்க‌.."

6. தீஷுவை ம‌திய‌த்தில் பார்த்துக் கொண்டிருந்த‌ உத‌வியாள‌ருக்குக் குழ‌ந்தைப் பிற‌ந்திருக்கிற‌து. பத்து மாத‌மும் தீஷுவை அவ‌ர்க‌ள் பார்த்துக் கொண்டிருந்த‌தால், அவர்கள் மாற்றத்தைப் பார்த்து, தீஷு குழ‌ந்தைப் பிற‌ப்ப‌து ப‌ற்றி ஏதாவ‌து கேட்டுக் கொண்டிருப்பாள். சில‌ நாட்க‌ளுக்கு முன் என்னிட‌ம், "அம்மா நான் பிஃகான‌வுட‌ன் என‌க்குப் பாப்பா பிற‌க்கும்ல‌" என்றாள். சில‌ விநாடிக‌ள் யோசித்து விட்டு நான், "ஆமாம்" என்றேன். "பிறந்தப்பிறகு நாம பாப்பாவுக்கு அப்பாவ‌ எங்கிருந்து கூட்டிக்கிட்டு வர்றது?".

பொம்மை உணவில் கூட்டலும் கழித்தலும்

2011-02-28T11:24:00.001+05:30

என் அம்மா வீட்டிலிருந்து எடுத்து வந்திருந்த வெத்தலை பெட்டியை எடுத்துக் கொண்டோம். கண்ணாடி கற்களை ஒவ்வொரு இர‌ண்டடி தூரத்திற்கு ஒன்றாக வைத்திருந்தேன். கண்ணாடி கற்கள் அல்ல அவை. அவை தீஷுவின் பொம்மைகளின் உணவு. தீஷுவும் பொம்மைகளுக்கு உணவு எடுப்பதற்காக பறந்து பறந்து ஒவ்வொரு கண்ணாடி கற்களாக எடுத்து பெட்டிக்குள் வைத்துக் கொண்டே வந்தாள். கண்ணாடி கற்கள் எடுக்கும் பொழுது ஒவ்வொன்றாக கூட்ட வேண்டும். பெட்டியில் கற்கள் அதிகமாயின. அவள் எடுப்பதற்காக 10 கற்கள் அவ்வாறு வைத்திருந்தேன். அனைத்தையும் எடுத்து வந்தப்பின், வரும் வழியில் ஒரு நாய் பொம்மை அவளிடம் உணவு கேட்கும், தீஷுவும் கொடுப்பாள். ஒரு உணவு குறைந்தது. இப்பொழுது ரிவர்ஸ் கவுண்ட்டிங் ஆரம்பம். அவளிடமிருந்த உணவு குறைய ஆரம்பித்தது. கழித்தல் மற்றும் மைனஸ் போன்ற வார்த்தைகளை உபயோகப்படுத்திக் கொண்டே இருந்தேன். இவ்வாறு அவள் எடுத்த உணவில் 8 பேருக்குக் கொடுத்து விட்டு, இரண்டு தன் இரண்டு பொம்மைகளுக்கு எடுத்துச் சொன்றாள்.

பொதுவாக‌ கூட்டல் கற்கும் பொழுது, முதல் எண்ணுக்கு நேராக, அதன் மதிப்புக்கு கோடோ அல்லது வட்டமோ வரைந்து, இரண்டாவது எண்ணுக்கு நேராக, அதன் மதிப்புக்கு கோடோ அல்லது வட்டமோ வரைந்து கூட்டும் பொழுது அனைத்து கோடுகளையும் கூட்டி விடை எழுதுவோம். கழிக்கும் பொழுது முதல் எண்ணின் கோடுகளை இரண்டாவது எண்ணின் கோடுகள் அளவு அடித்து விட்டு விடை எழுதுவோம்.

நானும் தீஷுவும் கூட்டல் வெவ்வேறு முறையில் முன்பே செய்திருக்கிறோம். இங்கும், இங்கும் காணலாம். கழித்தல் கற்றது பற்றி இங்கே காணலாம். ஒரளவு கூட்டல் என்றால் என்ன என்பதை தீஷு புரிந்து கொண்டப்பின் எப்பொழுதும் கற்கும் கோடுகள் முறையில் சொல்லிக் கொடுத்தேன். ஒவ்வொரு கோடாக போடுவதில் அவளுக்கு அதிக நேரம் எடுத்தது. அவள் வேகத்தை அதிகரிக்க, கூட்டல் கணக்கில் இருக்கும் முதல் எண்ணை மனதில் நிறுத்திக் கொள்ள வேண்டும். இரண்டாவது எண்ணை விரல்களில் வைக்க வேண்டும். மனதிலுள்ள எண்ணிற்கு அடுத்த எண்ணிலிருந்து விரல்களை எண்ண வேண்டும். தீஷுவிற்கு இது எளிதாக இருந்தது.

அதேப் போல் கழித்தல் செய்யும் பொழுது மனதிலுள்ள எண்ணிற்கு முந்திய எண்ணிலிருந்து ரிவர்ஸ் கவுண்ட்டிங் செய்ய வேண்டும். தீஷுவும் செய்கிறாள். ஆனால் கூட்டலுக்கு ஏன் அதிகப்படுத்துகிறோம் என்றும் கழித்தலுக்கு ஏன் குறைக்கிறோம் என்று அவளுக்குப் புரிந்ததா என்று எனக்கு ஒர் எண்ணம். அதற்காகத் தான் இந்த விளையாட்டை விளையாண்டோம்.

மீண்டும் ஒரு முறை விளையாட‌ வேண்டும் என்று பிரிய‌ப்ப‌ட்டு விளையாண்டாள்.

அம்புலிமாமா

2011-02-22T11:17:00.000+05:30

அம்புலிமாமா ப‌ழைய‌ ப‌திப்புக‌ளை இணையத்தில் பார்த்தவுடன் மகிழ்ச்சி. தமிழ் புத்தகங்கள் 1947 முதல் 2005 வரை கிடைக்கின்றன. தமிழ், ஆங்கிலம், கன்னட, மலையாளம், பெங்காலி, மராட்டி, ஒரியா போன்ற முக்கிய மொழிகள் அனைத்திலும் கிடைக்கின்றன. எனக்குத் தான் இது புதிய தகவலா என்று தெரியவில்லை. என் பால்யத்தில் முக்கிய இடம் கண்டிப்பாக அம்புலிமாமாவுக்கு உண்டு. http://www.chandamama.com/archive/storyArchive.htm வில் அனைத்து பழைய எடிசன்கள் உள்ளன. விளம்பரங்களும் தனியாக உள்ளன.

குழந்தைகளுக்கான உலக மனக்கணக்குப் போட்டி

2011-02-20T17:05:00.003+05:30

மார்ச் ஒன்றாம் தேதி உலக கணித நாள். அதை முன்னிட்டு உலக மனக்கணக்குப் போட்டி நடைபெற உள்ளது. பள்ளி ஆசிரியர் வகுப்பையோ அல்லது பெற்றோர் தன் குழந்தையையோ ரிஜிஸ்டர் செய்யலாம். போட்டி மார்ச் ஒன்றாம் தேதி நடைபெறும். 48 மணி நேரத்தில் 100 விளையாட்டுக்களுக்கு விடையளிக்க வேண்டும். ஒவ்வொரு விளையாட்டுக்கும் 60 வினாடிகள் கொடுக்கப்படும். வயது வரம்பு 4-7, 8-10, 11 - 13 மற்றும் 14-18.

மேலும் தகவல் மற்றும் ரிஜிஸ்டர் செய்ய இங்கே செல்லவும்.

One more transferring

2011-02-19T14:19:00.000+05:30

வெகு நாட்களுக்கு முன் செய்த ஆக்டிவிட்டி இது.

Tongs மூலம் மாற்றுதல் தீஷுவின் பழைய மாண்டிசோரி பள்ளியில் பார்த்து இருக்கிறேன். முன்பே முயற்சி செய்தோம். ஆனால் அப்பொழுது அளவு சரியாக இல்லாததால், அவளுக்குச் செய்ய விருப்பமிருக்கவில்லை. புருவம் திருத்த பயன்படும் கருவி பயன்படுத்தலாம் என்று அதை வாங்கினோம்.

பாசியை ஒரு தட்டிலிருந்து மறு தட்டிற்கு மாற்றச் சொன்னேன். தீஷு விருப்பமாக செய்தாள். தட்டு இலை வடிவில் இருந்தது. இலையின் நரம்புகள் போல் கோடுகளும் இருந்தன. அவளாகவே அந்த கோட்டின் மேல் வைத்துக் கொண்டே வந்தாள். அவள் ஆர்வத்தைத் தக்க வைத்தது.

இது எழுத பயன்படும் விரல்களுக்கானப் பயிற்சி.

ஒரு சிறு விளையாட்டு

2011-02-18T16:15:00.002+05:30

தீஷுவிற்கு பள்ளியில் சொல்லிக் கொடுக்கும் ஸிலபஸ் எனக்குத் தெரியும் என்பதால், ஒரளவு அவளுக்கு வீட்டியேலே சொல்லிக் கொடுத்துவிடுவேன். அவளுக்கு அது பள்ளியில் சொல்லிக் கொடுக்கும் பொழுது மிகவும் எளிதாக இருக்கிறது. அவர்கள் சொல்லிக் கொடுக்கும் முறை வேறு மாதிரி இருந்தாலும், நான் அவளுக்குப் பொருட்கள் வைத்து சொல்லிக் கொடுப்பது அவளுக்குப் பிடித்திருப்பதாக அவளே சொல்லுவதால் இம்முறை தொடருகிறது.

தீடீரென ஒரு நாள் இரண்டு இலக்க கூட்டல் வீட்டுப்பாடமாக வந்தது. இரண்டு இலக்க கூட்டல் ஸிலபஸில் இல்லை. தீஷு வயதிற்கு அது அதிகம் என்று நானும் சொல்லிக் கொடுத்ததில்லை. இரண்டு இலக்க கூட்டலுக்கு முன் ஒன்ஸ், டென்ஸ் தெரிந்து இருக்க வேண்டும். ஏனென்றால் எண்களை வாசிக்கும் பொழுது இடமிருந்து வலம் வாசிக்கும் நாம், கணக்கை கணிக்கும் பொழுது வலமிருந்து இடமாக செய்ய வேண்டும். முதலில் ஒன்ஸை கூட்டி, அடுத்து டென்ஸை கூட்ட வேண்டும். அது ஏன் என்று தீஷுவிற்கு புரிய வேண்டும் என்று நினைத்தேன்.

ஒரு தட்டில் பாசிகளும், நான்கு கிண்ணங்களும் எடுத்துக் கொண்டோம். ஒரு தாளை மூன்றாக கோடிட்டு பிரித்து Tens, Ones & Number என்று எழுதிக் கொண்டேன். முதலில் பாசியை எடுத்துக் கொள்ள வேண்டும். Ones கட்டத்தில் ஒவ்வொன்றாக வைத்துக் கொண்டே வர வேண்டும். பத்து வந்தவுடன் கிண்ணத்தில் போட்டு, கிண்ணத்தை Tens கட்டத்தில் வைத்து விட வேண்டும். இவ்வாறு ஒவ்வொரு பத்தும் ஒவ்வொரு கிண்ணத்தில் போட வேண்டும். பத்து பத்தாகத் தான் கிண்ணத்தில் போடுவதால், மீதம் இருக்கும் ஒன்றை எண் பாசிகள் ones கட்டத்திலேயே இறுதியில் இருந்து விடும். இருபது பாசிகள் அளவில் மட்டுமே தீஷுவால் அள்ள முடிந்ததால், அவள் விரும்பும் வரை எடுத்து கிண்ணங்களில் போட சொன்னேன்.

அனைத்து அள்ளிய பாசிகளையும் இவ்வாறு போட்டப் பின் கிண்ணங்களை எண்ணும் பொழுது 1 டென்ஸ், 2 டென்ஸ் என்று எண்ண வேண்டும். மொத்தம் எடுத்த பாசிகள் எவ்வளவு என்பதை கண்டுபிடித்து நம்பர் கட்டத்தில் எழுத வேண்டும். மொத்தம் எடுத்த பாசிகள் கிண்ணங்களின் எண்ணிக்கை * 10 + ஒன்ஸ் கட்டத்தில் இருக்கும் பாசி.

இதன் மூலம் ஒன்ஸ், டென்ஸ் புரிந்தது. ஏன் ஒன்ஸ் கூட்டி முடித்து டென்ஸ் செய்கிறோம் என்றும் புரிந்தது. அடுத்து carry over கூட்டல் செய்யும் பொழுது எதற்கு carry over செய்கிறோம் என்றும் புரியும் என்று நினைக்கிறேன்.

Magic drawing

2011-02-02T17:04:00.000+05:30

இப்பொழுது மாஜிக் டிராயிங் (Magic drawing) புத்தகங்கள் கிடைக்கின்றன. ஒரு வெள்ளை குச்சியால் முதலில் வரைய வேண்டும். வரைந்தது தெரியாது. அதன் மேல் பெயிண்ட் செய்தால், வரைந்த படம் தெரிய ஆரம்பிக்கும். படம் பெயிண்ட்டை தன் மேல் படர விடாமல் தனியாகத் தெரியும்.

அந்த வெள்ளை குச்சி மெழுகு. வெள்ளை கிரையான் கொண்டும் செய்யலாம். இந்த technique பெயர் crayon resist. தீஷுவிற்கு 5 *5 ஆக இருபத்து ஐந்து கட்டங்கள் வரைந்து கொடுத்தேன். A முதல் Z வரை மெழுகால எழுத சொன்னேன். Y & Z ஒரே கட்டத்தில் எழுதினாள். எழுதியது கூர்ந்து பார்த்தால் மட்டுமே தெரிந்தது.

அதன் பின் என் வாட்டர் கலர் எடுத்துக் கொடுத்தேன். பெயிண்ட் அடித்தும் எழுத்துக்கள் சரியாக தெரியவில்லை. என் வாட்டர் கலரில் வண்ணத்தின் அளவு அதிகமாக இருப்பது காரணமாக இருக்கும் என நினைத்து தீஷுவின் வாட்டர் கலர் எடுத்துக் கொடுத்தேன். அப்பொழுது நன்றாகத் தெரிந்தது.

தீஷுவிற்கு மிகவும் பிடித்திருந்தது.

குழந்தைகளின் புத்தகத்தில் இந்த வாக்கியங்கள் தேவையா?

2011-01-27T11:39:00.004+05:30

"என் அப்பா பயங்கரக் குண்டு"
"இந்தக் குண்டர்கள் எல்லாம் கோழைக் குண்டர்கள்"
"உன் அப்பா ஒரு தடியன்.. மடையன்.."
"கோழைக் குண்டர்கள்"

இவ்வாக்கியங்கள் அனைத்தும் மூன்று வயதிற்கு மேற்பட்ட குழந்தைகளுக்கான புத்தகமான குட்டிக் குட்டி முயல் புத்தகத்தில் வருவது. பாரதி புத்தகலாயம் வெளியீட்டில் வந்துள்ளது.

குழந்தைகள் புத்தகத்தில் இது போன்ற வாக்கியங்கள் தேவையா? மொழி பெயர்க்கும் பொழுது ஆசிரியர் அவ்வாக்கியங்களை சற்றே மாற்றி இருக்கலாமே.

மேலும் பிற முயல்களை அடித்து வெற்றி (!) பெற்று வரும் தன் குட்டி முயலை அப்பா முயல் பாராட்டுகிறார். பிற முயல்கள் தப்பே செய்திருந்தாலும் அடிப்பது தான் சரியா? நான் வாசிக்கும் பொழுது இவ்வாக்கியங்க்ள் மாற்றியோ அல்லது விட்டு விட்டோ வாசிக்க‌ வேண்டியுள்ள‌து.

புத்த‌க‌க்க‌ண்காட்சியில், குட்டிக் குட்டி முயல் தவிர, பாரதி புத்தகலாயம் வெளியீட்டில் மேலும் சில புத்தகங்கள் வாங்கினோம்.

1.பூனை கணக்குப் படிக்கிறது
2.இனி பால் வேண்டாம் அம்மா
3.வால்களின் கதை
4.நீங்கள் என் அம்மாவா?

போன்றன என் நினைவில் உள்ளன. தேவையற்ற‌ வாக்கியங்கள் இல்லாதது ஆறுதல் அளிக்கிறது. சிறு சிறு கதைகளுடன் புத்தகங்கள் அவளின் ஆர்வத்தைத் தக்க வைக்கின்றன.

தூலிகாவின் Line and Circle தீஷுவிற்கு வாசிக்கப் பழக ஏதுவாக இருக்கும் என்ப‌த‌ற்காக‌ வாங்கினேன். அதிலிருந்த படங்கள் கொள்ளை அழகு. கோடுகளையும் வட்டங்களையும் வைத்து இத்தணை படங்கள் வரைய முடியுமா என்று தீஷுவிற்கு ஆச்சர்யம். படித்த முடித்தப்பின் வேறு என்ன படங்கள் உருவாக்கலாம் என்று விளையாண்டு கொண்டிருந்தோம். பயனுள்ள புத்தகம். ஆனால் விலை சற்று அதிகம் என்பது என் எண்ணம்.

சிபிடி வெளியீட்டில்

1. கிராமத்திற்கு வந்த குரங்குகள்
2. பலூனும் நானும்

வாங்கினோம். அதில் கிராமத்திற்கு வந்த குரங்குகள் சற்று பெரிய கதை. ஒரு வாசிப்பில் அவளுக்கு அந்த புத்தகத்தை வாசிக்க முடியவில்லை.

த‌மிழ் புத்த‌க‌ங்க‌ள் என்ப‌தால், புத்தகங்களை வாசிக்க வாசிக்க தீஷுவிற்கு புரியும் என்று நினைத்திருந்தேன். ஆனால் வாசித்தவுடன் தீஷு, நல்ல தமிழல(!) திரும்ப சொல்லுங்க என்கிறாள்.

இப்புத்த‌கங்க‌ள் த‌மிழ் புத்த‌க‌ங்க‌ள் ப‌ற்றிய‌ அறிமுக‌த்திற்கு உத‌வுகின்ற‌ன‌.

Hundreds

2011-01-25T11:19:00.001+05:30

சென்ற‌ ச‌னிக்கிழ‌மை க‌ர்நாட‌க‌ ப‌ந்த். எங்கும் வெளியே போக‌ முடிய‌வில்லை. வெகு நாட்க‌ளாக‌ தீஷுவிற்கு ப‌த்து பாசிக‌ள் கோர்த்த‌து போல் நூறு நூறாக‌ செய்ய‌ வேண்டும் என்று நினைத்திருந்தேன். முத‌லில் ப‌த்து ப‌த்தாக‌ ப‌த்து (ஸ்..ப்பா.. எத்த‌ண ப‌த்து) செய்து இணைத்து விட‌லாம் என்று நினைத்தேன். ஆனால‌ அது ச‌ரியாக‌ நிற்க‌ வில்லை. சிறு வ‌ய‌தில் சிறு சிறு பாசிக‌ளை இணைத்து WELCOME என்று எழுதிய‌ நினைவு. ஆனால் அத‌ன் பின்ன‌ல் நினைவில் இல்லை. பின்பு இணைய‌த்தில் தேடி பின்ன‌ல் க‌ற்றேன்.

இவ்வாறு ஒரு நூறு பாசிக‌ள் சேர்க்க‌ கிட்ட‌த்த‌ட்ட‌ அரைம‌ணி நேர‌ம் ஆன‌து. அவ்வாறு ப‌த்து நூறுக‌ள் கோர்த்து இருக்கிறேன். ச‌னி, ஞாயிற்றில் கிட்ட‌த்த‌ட்ட‌ ஆறு ம‌ணி நேர‌ம் இத‌ற்கே ஆனது. இது வ‌ரை தீஷுவின் ஆக்டிவிட்டி தயார் செய்ய‌ இவ்வ‌ள‌வு நேர‌ம் செல‌விட்ட‌து இல்லை. முன்பு ஸாண்ட் பேப்ப‌ர் (Sandpaper) எழுத்துக‌ள் வெகு நேர‌ம் செல‌விட்டு செய்தேன். தீஷு தொட‌வே இல்லை. இவை தீஷுவிற்கு ஆர்வ‌ம் உண்டாக்குமா என்று பொறுத்திருந்து தான் பார்க்க‌ வேண்டும்.

Ten Board

2011-01-24T11:49:00.001+05:30

தீஷுவிற்கு மாண்டிசோரி முறையின் டென் போர்ட் சொல்லிக் கொடுத்தேன். முறையின் விளக்க‌மும், எவ்வாறு சொல்லிக் கொடுக்க‌ வேண்டும் என்ற‌ முறையும் இந்த‌ வீடியோவில் இருக்கிற‌து.

2 * 2 அட்டையில் 1 முத‌ல் 9 வ‌ரை எழுதிக் கொண்டேன். 4 * 2 அட்டையில் 10, 20 என‌ 90 வ‌ரை எழுதிக் கொண்டேன். நீள‌த்தின் கார‌ண‌மாக‌, 1 முத‌ல் 9 வ‌ரை எழுதிய‌ அட்டைக‌ள் சிறிய‌ அட்டைக‌ளாக‌வும், 10,20 எழுதிய‌ அட்டைக‌ள் பெரிய‌ அட்டைக‌ளாக‌வும் இருக்கும். 63 என்று வைக்க‌ வேண்டும் என்றால் 60 அட்டையை எடுத்து, பூஜ்ஜிய‌த்தின் மேல் 3 வைத்தால், 63 போல் தெரியும். நான் கூறும் எண்க‌ளை அட்டைக‌ள் கொண்டு உருவாக்க‌ச் சொன்னேன்.

வெவ்வேறு எண்க‌ள் வைத்து ப‌ழ‌கிய‌ப்பின் முன்பு நான் செய்திருந்த‌ பாசியையும் இணைத்துக் கொண்டேன். 63 என்ற‌வுட‌ன், அட்டையில் 63 வைத்து விட்டு, பாசியிலும் 63 வைக்க‌ வேண்டும். பாசியில் ப‌த்து ப‌த்தாக‌ வைக்கும் பொழுது, 1 டென், 2 டென்ஸ், 3 டென்ஸ் என்று சொல்லிக் கொடுத்தேன்.

இத‌ன் மூல‌ம் ஒன்ஸ், டென்ஸும் க‌ற்றுக் கொள்ள‌ முடியும் என்று நினைக்கிறேன். இம்முறையால‌ இர‌ண்டு இலக்க‌ எண்க‌ளின் மதிப்பை உண‌ர்ந்து கொள்ள‌ முடியும்.

Surprise Gift

2011-01-20T21:33:00.000+05:30

அன்று தீஷுவிற்கு ப‌ள்ளி விடுமுறை. நான் வீட்டிற்குள் நுழைந்த‌வுட‌ன், "அம்மா நான் உங்க‌ளுக்குத் தான் ஸர்ப்பிரைஸ் கிஃப்ட் செய்திட்டு இருக்கேன்" என்றாள். குனிந்து ஏதோ செய்து கொண்டிருந்தாள். அருகில் சென்ற‌ பொழுது ம‌றைத்து கொண்டாள். க‌ல‌ரிங் செய்து கொண்டிருக்கிறாள் என்று ம‌ட்டும் புரிந்த‌து. ப‌க‌லில் கிட்ட‌த்த‌ட்ட‌ ஒரு ம‌ணி நேர‌ம் அதை செய்திருக்கிறாள் என்று என் அம்மா சொன்னார்க‌ள். க‌ல‌ரிங் முடியாம‌ல் அப்பொழுதும் செய்து கொண்டிருந்தாள். அன்று என‌க்கு மிக‌வும் அலுப்பாக‌ இருந்த‌தால், அவ‌ளை அப்பாவிட‌ம் விட்டு விட்டு நான் தூங்கி விட்டேன். தூங்க‌ செல்வ‌த‌ற்கு முன்னாலும், நாளைக்கு முடிச்சுடுவேன்.. த‌ர்றேன் என்றாள்.

ம‌றுநாள், அவ‌ள் எழுந்த‌வுட‌ன், முத‌ல் வேளையாக‌ அந்த‌ பேப்ப‌ரை எடுத்து வ‌ந்தாள். வ‌ரைந்து க‌ல‌ர் செய்திருந்தாள். "அம்மா என‌க்கு உங்க‌ள‌ ரொம்ப‌ பிடிக்கும்.. அதான் வ‌ர‌ஞ்சேன்.. பிடிச்சிருக்கா" என்றாள். க‌ண்ணில் என் ப‌திலை எதிர்நோக்கி அத்த‌னை ஆர்வ‌ம். க‌ட்டிபிடித்துக் கொண்டேன. கடல், வீடு, மிருகங்கள் என விளக்கமளித்தாள். ஒரு டிராயிங் ஸீட் பொழுவதும் கலர் செய்ய கண்டிப்பாக அதிக நேரமும், பொறுமையும் தேவைப்பட்டு இருக்கும்.

Thanks da, You make my day, everyday

மீண்டுமொரு மாற்றம்..

2010-12-09T05:36:00.011+05:30

ஆகா!! கிட்டத்தட்ட நெருங்கி விட்டோம் என்று சந்தோஷப்படுவதா அல்லது ஆ!! இன்னும் இவ்வளவு வேலையிருக்கு என்று புலம்புவதா என்று தெரியவில்லை. வரும் ஞாயிறு (12/12) எங்கள் புது வீட்டில் புது மனை புகு விழா.

ஒரு வருடமாக கட்டிக் கொண்டு இருக்கிறோம். நாங்கள் தற்பொழுது இருக்கும் வீட்டிருந்து 25 கி.மீ. ஆகையால் நானும் தீஷுவும் வாரயிறுதியில் மட்டும் சென்று பார்ப்போம். அப்பா ஆபிஸ் அருகில் இருப்பதால், நடுவில் சில தினங்கள் சென்று பார்ப்பார். வார வாரம் காலையிலேயே எழுந்து, சாப்பாட்டு மூட்டையைக் கட்டிக் கொண்டு கிளம்பினால் பெங்களூர் டிராப்பிக்கில் 50 கி.மீ. சென்று வர மத்தியம் 3 மணி ஆகிவிடும். நடுவில் தீஷுவின் பொழுதை போக்குவது அதை விட பெரிய சவால். ஒரு வருடமாக ஒவ்வொரு வாரயிறுதியும் எங்களுக்கு இவ்வாறே சென்றது.

கடந்த இரண்டு மாதங்களில் க்ருகப்பிரவேச வேலைகளும் சேர்ந்து விட்டன. பத்திரிகை அடிப்பது, விநியோகித்தது என வாரயிறுதியில் மீதமிருந்த ஒரு நாளும் புது வீட்டு வேலை. பத்திரிகை கொடுப்பது தான் இப்ப நம்ம ஆக்டிவிட்டீயா அம்மா என்று தீஷு கேட்கிறாள். க்ருகப்பிரவேச வேலைகள் கிட்டத்தட்ட அனைத்தும் முடிந்து விட்டன. ஆயினும் இன்னும் நிறைய வேலை இருப்பது போல் ஒரு பிரமை.

வீட்டில் இன்னும் வேலைகள் நிறைய இருக்கின்றன. முடிய இன்னும் இரண்டு மாதங்கள் ஆகும் என நினைக்கிறேன்.அதன் பின் வீடு மாற்ற வேண்டும். தீஷுவிற்கு மீண்டும் ஒரு வீடு மற்றும் சூழ்நிலை மாற்றம்.

Big and Small

2010-11-15T11:55:00.000+05:30

வெகு நாட்களாக பதிவு எழுத முடியவில்லை. அலுவலகத்திலும் வீட்டிலும் வேலை அதிகம். இரண்டும் இன்னும் ஒரு மாதத்திற்கு தொடரும். தீஷுவும் நானும் சேர்ந்து செலவிடும் நேரம் மிகவும் குறைந்து விட்டது. அவளே வருத்தமாக நீங்கள் என் கூட ஆக்டிவிட்டி பண்ண வரதில்லை என்கிறாள்.

தீஷுவிற்கு இரண்டு எண்களில் பெரிய/சிறிய எண் கண்டுபிடிக்க சொல்லிக்கொடுக்க வேண்டும் என்று நினைத்திருதேன். பாசி வைத்து செய்யலாமா அல்லது சோழி வைத்து செய்யலாமா என்று யோசித்துக் கொண்டிருந்தேன். ஒரு நாள் அவளை புத்தகம் வாசிக்கச் சொல்லி விட்டு நான் சமைத்துக் கொண்டு இருந்தேன். வாசித்தது போதும் என்றாள். எனக்கு வேலை பாக்கி இருந்தது. அவளை அது வரை ஏதாவது செய்ய வைக்க வேண்டும். அந்த புத்தக்கத்தில் பக்க எண் (page number)சற்று பெரியதாக கவனத்தை ஈர்ப்பது போல் இருந்தது. புத்தகத்தில் ஒரு பக்கத்தை எடுத்து அவளிடம் கொடுத்து, இன்னொரு பக்கத்தின் எண்ணை சொன்னேன். நான் சொல்லும் எண் இருக்கும் பக்கத்தை அவள் எடுக்க வேண்டும். சொல்லும் எண் கொடுத்திருக்கும் பக்கத்தின் எண்ணை விட பெரியதா சிறியதா என்று யோசித்து முன்போ பின்போ செல்ல வேண்டும். முதலில் பெரிய எண் சிறிய எண் கண்டுபிடிக்க அவளுக்குக் கஷ்டமாக இருந்தது. ஆனால் பக்கங்களை திருப்பிக் கொண்டு வந்தால் எண்கள் அதிகரிக்கின்றன என்பதை புரிந்து கொண்டாள். மீண்டும் மீண்டும் ஒரு வாரத்திற்கு நான் சமைக்கும் பொழுது அதேயே செய்தோம். நன்றாக புரிந்து கொண்டாள். இப்பொழுது புத்தகத்தின் உதவி இல்லாமல் பெரிய எண், சிறிய எண் சொல்ல தெரிகிறது.

குழந்தைகள் அனைத்தின் மூலமும் கற்று கொண்டே இருக்கிறார்கள்.

வாங்க!!! விளையாடலாம் 3/11

2010-11-03T06:08:00.005+05:30

இந்த முறை நாங்கள் சோழியும் Cuisenaire rod கொண்டு விளையாண்டதை வாங்க விளையாடலாம் பகுதியில் இடுகிறேன்.Cuisenaire rod சாதாரண பேப்பர் கொண்டும் தயார் செய்யலாம். எண் ஒன்றுக்கு 1 cm, இரண்டுக்கு 2 cm என்று வெட்டிக் கொண்டு கலர் செய்து கொள்ளலாம்.

பத்து சோழிகள் எடுத்துக் கொண்டோம். குலுக்கி போட வேண்டும். திரும்பி இருக்கும் சோழிகளை பிரித்து எண்ண வேண்டும். நேராக இருக்கும் சோழி எவ்வளவு இருக்கிறது என்று எண்ணாமல் Cuisenaire rod கொண்டு கண்டுபிடிக்க வேண்டும்.

Cuisenaire rod டில் பத்தாம் நம்பரை எடுத்துக் கொண்டோம். எவ்வளவு சோழி திரும்பி இருக்கிறதோ அந்த எண் ராடை பத்தாம் நம்பர் பக்கத்தில் வைக்க வேண்டும். பத்தாம் நம்பர் அளவு வருவதற்கு எந்த ராடை வைக்க வேண்டுமோ அதை வைத்து, நேராக இருக்கும் சோழியின் அளவை தெரிந்து கொள்ளலாம். உதாரணத்திற்கு 3 சோழிகள் திரும்பி இருந்தால், பத்தாம் ராடு பக்கத்தில் மூன்றை எடுத்து வைக்க வேண்டும். ஏழாம் ராடை வைத்தால்(3+7=10) மட்டுமே பத்தாம் நம்பர் ராடு அளவிற்கு இருக்கும். ஆகையால் நேராக இருக்கும் சோழி ஏழு என்று கண்டுபிடிக்க வேண்டும்.

இதன் மூலம் ஒரு நம்பரை வெவ்வேறு வழியில் (1+9=10, 2+8=10 etc) உருவாக்க முடியும் என்று புரியும். இது முடித்தவுடன், அதே பத்தாம் ராடை வைத்து வெவ்வேறு ராடுகள் கொண்டு உருவாக்கினோம். ஒன்றாம் எண்ணை வைத்தால், ஒன்பதாம் எண்ணை வைத்தால் தான் பத்து வரும் என்றும் ஒவ்வொரு முறையும் ஒன்று என்றால் ஒன்பது தான் என்றும் புரிய முடியும். அதன் பின் (1+9 = 9+1 =10) என்று ராடு வைத்து சொல்லிக் கொடுத்தேன்.

தீஷுவிற்கு எவ்வளவு புரிந்தது என்று தெரியவில்லை. ஆனால் ஆர்வம் இருந்தது.

உங்க‌ள் குழந்தையுட‌ன் சேர்ந்து செய்த‌தை உங்க‌ள் த‌ள‌த்தில் எழுதி அந்த‌ இடுகையின் முக‌வ‌ரியை கீழுள்ள‌ "Click to enter" என்ற லிங்க்கை அழுத்தி லிங்கியில் இணையுங்க‌ள்.

மழை எப்ப‌டி பெய்யும்?

2010-10-28T11:25:00.001+05:30

ம‌ழை எப்பொழுது பெய்தாலும் தீஷுவின் ம‌ழை ப‌ற்றிய‌ கேள்விக‌ளை எதிர்கொள்ள‌ வேண்டியிருக்கும். ம‌ழை எவ்வாறு பெய்கிற‌து என்ப‌தை ஒரு சிறு ப‌யிற்சியின் மூல‌ம் செய்து காட்ட‌லாம் என்று நினைத்தேன்.

மிக‌வும் சூடான‌ நீரை ஒரு க‌ண்ணாடி பாட்டிலில் எடுத்துக் கொண்டோம். பாட்டிலை மூடாமல் பாட்டிலின் மூடியை திருப்பி வைத்தேன். மூடியின் மேல் ப‌குதியில் ஐஸ் கட்டிக‌ளை வைத்து விட்டோம். த‌ண்ணீரிலிருந்து வரும் நீராவி மூடியின் அடி ப‌குதியை அடைந்த‌வுட‌ன், மேலுள்ள‌ ஐஸ் க‌ட்டிக‌ளால் குளிர்ந்து, ம‌ழை போல் மீண்டும் பாட்டியினுள் சொட்ட‌த் தொட‌ங்கும் என்று நினைத்தேன். சிறிது நேரத்திற்கு ஒன்றும் ந‌ட‌க்க‌வில்லை. தீஷுவிற்கு பொறுமை போய்விட்ட‌து. ஒன்றும் புரிய‌வும் இல்லை. சில‌ நிமிட‌ங்க‌ள் க‌ழித்து த‌ண்ணீர் சொட்ட‌த் தொட‌ங்கிய‌து.

தீஷு கேட்டாள், "இப்ப‌த்தான் ம‌ழை ஆர‌ம்பிச்சு இருக்கா அம்மா, இனிமேல் தான் சோ னு பெய்யுமா?" இர‌ண்டு சொட்டு சொட்டுன‌தே பெரிய‌ விஷ‌ய‌ம், இதில் எங்கிருந்து சோ னு பெய்ய‌?

வாங்க!!! விளையாடலாம் 27/10/10

2010-10-27T07:35:00.002+05:30

எல்லா குழ‌ந்தைக‌ள் போல் தீஷுவிற்கும் க‌தைக‌ள் இஷ்ட‌ம். தின‌மும் த‌ந்தையிட‌ம் க‌தை கேட்டு தூங்கும் ப‌ழ‌க்க‌ம் அவ‌ளுக்கு உண்டு. ஒரு நாள் க‌தை கேட்காம‌ல் தூங்கி,அவ‌ளை அறியாம‌ல் பாதி தூக்க‌த்திலிருந்து எழுந்து இன்னைக்கு க‌தை சொல்ல‌வில்லை என்று அழுத‌ ச‌ம்ப‌வ‌ம் அவ‌ள் கதைக‌ள் மீது கொண்டுள்ள‌ ப‌ற்றுக்குச் சான்று.

ஒரு க‌தை புத்த‌க‌ம் ப‌டித்த‌ப்பின் அந்த‌ புத்த‌க‌த்தை அடிப்ப‌டையாக‌க் கொண்டு, வ‌ரைத‌ல், போன்ற‌ செயல்முறைக‌ள் நாங்க‌ள் இது வ‌ரை செய்த‌தில்லை. கார‌ண‌ம் என் சோம்பேறித்த‌ன‌ம். ஆனால் தீஷுவிற்கு ச‌மீப‌ கால‌மாக‌ க‌தையில் ந‌ட‌க்கும் ச‌ம்ப‌வ‌ங்க‌ளை ந‌டித்துக் காட்டுவ‌தில் விருப்ப‌ம் வ‌ந்திருக்கிற‌து.

அவ‌ளிட‌ம் Hiccups for elephant என்ற‌ புத்த‌க‌ம் உள்ள‌து. அதில் ம‌ற்ற‌ வில‌ங்குக‌ள் தூங்கும் பொழுது யானைக்கு விக்க‌ல் வ‌ந்து விடும். ஒவ்வொரு வில‌ங்காக‌ தூக்க‌த்திலிருந்து எழுந்து, விக்க‌ல் நிற்ப‌த‌ற்கு ஒவ்வொரு வ‌ழிமுறை கூறும். விக்க‌ல் நிற்காது. இறுதியில் எலியின் உத‌வியால் விக்க‌ல் நின்றுவிடும். அனைத்து வில‌ங்குக‌ளும் மீண்டும் தூங்க‌ ஆர‌ம்பிக்கும் பொழுது யானைக்கு தும்ம‌ல் ஆர‌ம்பித்து விடும். தீஷு மிக‌வும் பிடித்த‌ புத்த‌க‌ம். ஒரு நாள் நான் தூங்கிக் கொண்டிருக்கும் பொழுது, "அம்மா, நான் தான் யானை" என்று விக்க‌த் தொட‌ங்கினாள். என‌க்கு புரிந்து விட்ட‌து. நான் குதிரையாக‌ மாறி ந‌டிக்க‌த் தொட‌ங்கினோம். அத‌ன் பின் எந்த‌ புத்த‌க‌ம் ப‌டித்தாலும் அதை ந‌டித்து காட்ட‌ முடியும் என்றால் தீஷுவும் நானும் புத்த‌கத்திலிருந்த‌ பாத்திர‌ங்க‌ளாக‌ மாறி மாறி ந‌டித்துக் காட்டுவோம்.

ந‌டித்துக் காட்டுவ‌தால் 2 ந‌ன்மைக‌ளை என்னால் க‌ண் கூடாக‌ காண‌முடிகிற‌து.

1. க‌ற்ப‌னை ச‌க்தி வ‌ள‌ர்கிற‌து. சிங்க‌ம் என்றால் சிங்க‌ம் போல் ந‌ட‌ப்ப‌து, கர்ஜிப்ப‌து என்று தானே சிங்க‌மாக‌ மாறி புத்த‌க‌த்தில்லாத வ‌ர்ணணைக‌ளையும் செய்வ‌து.

2. தீஷுவிற்கு மிக‌வும் கூச்ச‌ சுபாவ‌ம். அவ‌ளுக்கு ந‌டித்துக் காட்டுவ‌து பிடித்து இருப்ப‌தால், ஆர்வ‌த்தின் கார‌ண‌மாக‌ பிற‌ர் இருப்ப‌தை க‌ண்டு கொள்ளாம‌ல் செய்கிறாள். அவ‌ளின் கூச்ச‌ சுபாவ‌ம் அந்த‌ நேர‌த்தில் வெளிப்ப‌டுவ‌து இல்லை.

உங்க‌ள் குழந்தையுட‌ன் சேர்ந்து செய்த‌தை உங்க‌ள் த‌ள‌த்தில் எழுதி அந்த‌ இடுகையின் முக‌வ‌ரியை கீழுள்ள‌ "Click to enter" என்ற லிங்க்கை அழுத்தி லிங்கியில் இணையுங்க‌ள்.

வாங்க!!! விளையாடலாம் - 13/10/2010

2010-10-13T10:00:00.001+05:30

Play dough paint

செய்முறை Preschool art by Mary Ann Kohl புத்தகத்தில் படித்தது.

தேவையான பொருட்கள்

1. மைதா - 1 கப்
2. தண்ணீர் - 1 கப்
3. உப்பு - 1 கப்

சென்ற முறை செய்த பெயிண்ட் தண்ணிராக இருந்தது. இது சற்று கட்டியாக இருந்தது.

தீஷுவே அனைத்தையும் அளந்தாள். அனைத்தையும் கலந்தால் (அவளுக்கு மாவு கையில் ஒட்டுவது மிகவும் பிடிக்கும்) தயிர் பதத்திற்கு வரும். பெயிண்ட் போல் தண்ணீர் போல் இல்லாமலும், களிமண் போன்று கட்டியாக இல்லாமலும் இருந்தது. அந்த நேரத்தில் போன் வந்தால் எடுக்க வேண்டாம். போன் எடுக்கும் நேரத்தில் மீதி இருந்த தண்ணீர் மீண்டும் சேர்க்கப்பட்டு எங்களது போல் சற்று தண்ணீராக மாறும் வாய்ப்புகள் அதிகம்.

மூன்று தனித்தனி பாத்திரத்திற்கு மாற்றி கலர் சேர்த்தோம். தீஷுவிற்கு கையில் எடுத்து மறுபடியும் அதே பாத்திரத்திற்கு ஊற்றி விளையாடுவது மிகவும் பிடித்திருந்தது. நான் கெச்சப் பாட்டிலில் ஊற்றி விளையாடலாம் என்று நினைத்திருந்தேன். ஆனால் கையிலும், ஸ்பூனிலும் விளையாட தீஷுவிற்கு பிடித்திருந்தது. கையில் தடவி வெவ்வேறு கலர்களில் கையை பேப்பரில் அச்சு எடுத்தாள். ஸ்பூனில் சிறிது சிறிதாக எடுத்து பேப்பர் முழுவதும் வைத்தாள். (என் அம்மாவின் கமெண்ட் : வடகம் ஊத்தச் சொன்னால், நல்லா செய்வாள் போலிருக்கே.). பின் கெச்சப் பாட்டிலில் ஊற்றி இரண்டு மூன்று முறை இழுத்துப்பார்த்தாள். ஒரு பூ வரைந்தாள்.

கெச்சப் பாட்டிலில் தீர்ந்தவுடன், தீஷுவே சிறிது தண்ணீர் சேர்த்தாள். அப்பொழுது இழுத்துததும் தண்ணீராக கொட்டியது. உடனே தெளிக்க ஆரம்பித்தாள். தரை முழுவதும் தெரிக்க ஆரம்பித்தவுடன், வீட்டிற்கு வெளியே அழைத்துச் சென்று விட்டேன். நான்கு ஐந்து பேப்பரில் கலர் கலராகத் தெளித்து மாடர்ன் ஆர்ட் உருவாக்கினாள். அனைத்தும் தீர்ந்த பின் கீழே விரித்திருந்த செய்தி தாளில் வடிந்திருந்ததை எடுத்துப் போட்டுக்கொண்டிருந்தாள். வீட்டிற்கு வெளியே குளிரும் தரையில் அமர்ந்து செய்தி தாளை பிரண்டிக் கொண்டிருக்கும் எங்களையும் எங்கள் வீடு இருந்த கோலத்தையும் பார்த்து எங்களைக் கடந்த அனைவரும் ஒரு சிரிப்பு சிரித்து வைத்தனர்.

தீஷு மிகவும் விருப்பமாக செய்தாள். மறுநாள் ஞாயிறு காலை எழுந்தவுடன், மீண்டும் செய்ய வேண்டும் என்றாள். முதல் நாள் செய்ததே காயாமல் இருந்தால் செய்யப்போவதை காய வைக்க இடம் இல்லாத காரணத்தால் செய்ய முடியவில்லை. A word of caution: காய்வதற்கு டிசைனைப் பொருத்து இரண்டு மூன்று நாட்கள் ஆகின்றன.

Extension:

ஒரு இடத்தில் சிறிது பெயிண்டைக் கொட்டி வெவ்வேறு பொருட்கள் கொண்டு இழுத்தால் அழகிய படங்கள் உருவாகும். பழைய சீப்பின் பற்கள், பழைய டூத் பேஸ்ட் ப்ரெஸ், ஐஸ் கிரீம் குச்சி, பொம்மை கார் டயர் முதலியன என்னால் யோசிக்க முடிகிறது.
குழந்தையின் ஆர்வத்தை வெகு நேரம் தக்க வைக்க முடிந்தது.

உங்க‌ள் லிங்கை இங்கே ஏற்றுங்க‌ள்

Powered by Linky Tools

Click here to enter your link and view this Linky Tools list...

Linky உபயோகப்படுத்துவது எப்படி?

2010-10-10T16:43:00.001+05:30

சென்ற பதிவில் உங்கள் இடுகையை லிங்க்கில் ஏற்றுவது பற்றி எழுதியிருந்தேன். லிங்க் நான் உபயோகித்தது இல்லை. கூகுளில் தேடிய பொழுது கிடைத்தது. இப்பொழுது இரண்டு முறை இணைத்துப் பார்த்தேன். உபயோகப்படுத்துவது எளிது.அதன் விளக்கம்.

1. என் பதிவில் "Click here to enter" என்று ஒரு லிங்க் உள்ளது. அதை கிளிக் செய்தால், லிங்கி பேஜிற்கு எடுத்துச் செல்கிறது.

2. அதில் link to என்ற ஆப்ஷனில் உங்கள் இடுகையின் முகவரியைக் கொடுக்கவும். Caption or Title என்ற ஆப்ஷனில் உங்கள் தலைப்பைக் கொடுக்கவும்.

3. முடித்தப்பின் From web என்ற பட்டனை அழுத்தவும். அதில் உங்கள் பதிவிலுள்ள / தளத்திலுள்ள சில படங்கள் வரும். அவற்றில் இந்த இடுக்கைக்கு ஏற்ற படத்தைத் தேர்வு செய்ய வேண்டும்.

அவ்வளவு தான். என் பதிவில் இடுகையை இணைந்து விடும். அடுத்த முறை லிங்கியில் Blog hop என்ற ஆப்ஷன் உபயோகப்படுத்தப் போகிறேன். எனக்குப் புரிந்த வரை இணைக்கும் அனைவரின் இடுக்கையிலும் இந்த் லிங்க் தோன்றும். அடுத்த முறை செய்து பார்த்தால் என் புரிதல் சரியா என்று தெரியும்.

லிங்க் பற்றி சந்தேகம் இருந்தால் கேளுங்கள்.

வாங்க!!! விளையாடலாம்

2010-10-06T05:44:00.005+05:30

என் குழந்தை எல்லா சினிமா பாட்டும் பாடும், எல்லா சீரியல் பெயரும் தெரியும் என்று பெருமை அடித்துக் கொள்ளும் அம்மாக்களை நாம் பார்த்து இருக்கிறோம். இரண்டு வயதிற்கு உட்பட்ட குழந்தைகள் டிவி பார்க்கக் கூடாது. வேகமாக வளரும் அவர்கள் மூளையில், டிவியில் வேகமாக மாறி மாறி வரும் காட்சிகள் பதிந்து, பின்னாளில் அதே வேகத்தை அவர்கள் வாழ்க்கையிலும், பள்ளியிலும் எதிர்பார்த்து, கிடைக்காததால் அவர்கள் அடையும் எதிர்பலனை இங்கு காணலாம்.

அதே போல் குழந்தைகள் விளையாட வேண்டிய அவசியத்தை இங்கு காணலாம். தீஷுவிடம் அப்பா உன்னோட என்னவெல்லாம் செய்வார் என்றவுடன், அவள் சொன்னது,"கதை சொல்லுவார், யானை மாதிரி, தவளை மாதிரி, குதிரை மாதிரி போக சொல்லுவார்... என்று லிஸ்ட் நீண்டது. அம்மா என்னவெல்லாம் செய்வார் என்றவுடன் ஒன்னுமே செய்ய மாட்டாள் என்றாள். அவளுக்கு அவள் வயதுக்குப் பிடித்தது கதை கேட்பதும், விளையாடுவதும்.

யாரும் வாசித்தாலும் வாசிக்காவிட்டாலும் நான் தீஷுவுடன் கழிக்கும் என் நேரத்தைப்பதிவதன் சொந்த காரணங்கள் - ஒன்று பின்னாளில் தீஷு படித்துப் பார்ப்பாள், மற்றொன்று பதிவு எழுதி நாளாகிவிட்டாது என்பதால் எதையாவது புதிதாக யோசிக்கத்தூண்டும் எண்ணம். Childhood is a journey, not a race. நம் குழந்தையின் பயணத்தில் நாமும் பங்கு கொள்ளலாமே.

நம் குழந்தையை மகிழ்விக்க அவர்களுடன் சேர்ந்து ராக்கெட் ஸைன்ஸ் பற்றி பேச வேண்டாம். கையைப் பிடித்துக் கொண்டு வாக்கிங் போனால் போதும். குழந்தையின் டிவி நேரத்தைக் குறைத்து, அவர்களுடன் நம்முடைய நேரத்தைச் செலவிட்டு, அதை பதிவோம். நாம் எல்லாம் சேர்ந்து செய்யலாம் என்று நினைத்திருக்கிறேன்.

சேர்ந்து செய்வதற்கு என்னுடைய ஐடியா:

1. குழந்தையுடன் செய்த ஏதாவதை ஒன்றை தங்கள் தளத்தில் பதிய வேண்டும். குழந்தையுடன் சேர்ந்து செய்தது எதுவாகவும் இருக்கலாம். வாசித்தது, பேசியது, விளையாண்டது, குதித்தது, சமைத்தது, நடந்தது என எதுவாகவும். குழந்தை வயது வரம்பு கணக்கில் எடுத்துக் கொள்ள வேண்டாம்.

2. ஒவ்வொரு புதன் கிழமையும் நான் வாங்க, விளையாடலாம் என்ற தலைப்பில் ஒரு பதிவு போடுவேன். பதிவின் முடிவில் ஒரு லிங்க் வைத்திருப்பேன். அந்த வாரம் முழுவதும் அந்த லிங்க்கில் நீங்கள் உங்கள் தளத்தில் பதிந்த இடுகையில் லிங்க்கை ஏற்றலாம். அதனால் நீங்களும் புதன் கிழமை தான் பதிவு போட வேண்டும் என்பது இல்லை. அந்த வாரத்தில் ஏதாவது ஒரு நாளில் பதிந்து, உங்கள் இடுகையை லிங்க்கில் ஏற்றலாம்.

3. உங்கள் இடுகையின் முடிவில் dheekshu தளத்தில் இணைத்திருப்பதைத் தெரிவித்தால், இங்கு வந்து பிறருடைய லிங்கையும் படிக்க அனைவரும் வசதியாக இருக்கும்.

நாம் இந்த சிறு முயற்சியின் மூலம், பிறரையும் பங்கு கொள்ள செய்து வளமான தலைமுறை உருவாக்கலாம் என்ற நம்பிக்கை எனக்கு இருக்கிறது. இந்த முயற்சியை வேறு விதமாக செய்யலாம் என்று தோன்றினால் சொல்லுங்கள்.மாற்றிக் கொள்ளலாம்.

லிங்க் பற்றி ஏதாவது சந்தேகம் இருந்தாலும் கேளுங்கள். எனக்கும் இது தான் முதல் முறை. தெரிந்த வரை சொல்லுகிறேன். இந்த பதிவின் முடிவிலும் லிங்க் இருக்கிறது. ஏதாவது ஒரு பதிவை பதிந்து லிங்க் எவ்வாறு வேலை செய்கிறது என்பதைப் பற்றி தெரிந்து கொள்ளலாம்.

உங்கள் இடுகையை இந்த லிங்கில் ஏற்றுங்கள்

ச‌மைய‌ல் அறையிலிருந்து

2010-10-04T15:52:00.002+05:30

தீஷுவிற்கு ப‌ள்ளியில் காரெட் கிரேட்டிங் (Carrot grating) சொல்லிக் கொடுத்திருக்கிறார்க‌ள். அதிலிருந்து செய்ய‌ வேண்டும் என்று சொல்லிக் கொண்டிருந்தாள். காரெட், துருவி, ஒரு கிண்ண‌ம் முத‌லியன‌ கொடுத்தேன். அவ‌ளாக‌வே செய்ய‌த் தொட‌ங்கினாள். அழுத்தி செய்ய‌த் தெரிய‌வில்லை. ஆனால் ஆர்வ‌மாக‌ செய்தாள். பாதி காரெட் ம‌ட்டுமே செய்ய‌ முடிந்த‌து. துருவிய‌ காரெட் கொண்டு காரெட் சாத‌ம் செய்து கொடுத்தோம்.

தீஷு ஒரு நாள் காலை ஆறு ம‌ணிக்கே எழுந்து விட்டாள். நான் ச‌மைக்கும் பொழுது அவ‌ளுக்கு இந்த‌ செய‌ல் முறை கொடுத்தேன். எண்ணெய் வ‌டிக்க‌ட்ட‌ ப‌ய‌ன்ப‌டும் க‌ரெண்டியையும் ஷு லேஷும் எடுத்துக் கொண்டேன். ஷுவில் லேஷ் க‌ட்டுவ‌து போல் செய்ய‌ வேண்டும். முதலில் மேல் புற‌மாக‌ நூலை இழுத்து, பின் கீழை விட‌ வேண்டும், மீண்டும் மேல் எடுத்து வ‌ர‌ வேண்டும். வ‌ரிசையாக‌ அனைத்து ஓட்டைக‌ளையும் உப‌யோக‌ப்ப‌டுத்த‌ செய்ய‌ வேண்டும் என்று நினைக்க‌ வில்லை. ஆனால் தீஷுவே வ‌ரிசையாக‌ செய்தாள். என் உத‌வி மிகுதியாக‌ தேவைப்ப‌ட்ட‌து. நூலை மேலிருந்து கீழ் கொடுக்க‌ வேண்டுமா அல்ல‌து கீழிருந்து மேல் கொடுக்க‌ வேண்டுமா என்று அவ‌ளுக்கு ஒவ்வொரு முறையும் ச‌ந்தேக‌ம். காலை வேளையில்லாம‌ல் ம‌ற்றொரு பொழுதில் செய்திருந்தால் இன்னும் அதிக‌ நேர‌ம் செய்திருப்பாள் என்று நினைக்கிறேன். இது கை க‌ண் ஒருங்கிணைப்புக்கு ஏற்ற‌து.

ஷு டப்பாவும் பந்தும்

2010-09-30T19:30:00.004+05:30

தீஷுவுடனான என்னுடைய விளையாட்டுகளைப் பதிய ஆரம்பித்த பொழுது அவளுக்கு வயது இரண்டு. அவளுக்கு ஒன்பது மாதமான நிலையில், அவள் நன்றாக உடகார ஆரம்பித்தவுடன் அவளுடன் நான் இது மாதிரி விளையாடத் தொடங்கினேன். ஆனால் ஏனோ அவற்றை எழுத தோன்றவில்லை. எப்பொழுதும் என் பதிவு தீஷு என்ன செய்தாள், எப்படி செய்தாள், அவளுக்குப்பிடித்ததா என்பதைச் சுற்றியே இருக்கும். அதை விட்டு நான் என் சொந்த விசயங்கள், பொதுவான அம்சங்கள் பகிர்ந்தது மிகவும் குறைவு. இப்பொழுது சில செயல்முறைகள் தீஷு முன்பு செய்தது அல்லது அவளுடன் நான் செய்ய வேண்டும் என்று நினைத்து செய்யாதது அல்லது சில நாடகள் கழித்து தீஷுவுடன் செய்ய வேண்டும் என்று நினைத்திருக்கிறதையும் பதியலாம் என்று நினைத்திருக்கிறேன்.

என்னைப் பொருத்த வரை கற்றல் என்பது A,B,C & 1,2,3 மட்டும் அல்ல. கற்றல் என்பது ஏதாவது கற்க வேண்டுமென்று எப்பொழுதும் ஆர்வத்தோடு இருக்கும் குழந்தைக்கு, அதன் ஆர்வத்திற்கு ஏற்பக் கற்றுக் கொடுத்து, அதன் ஆர்வத்தைத் தக்க வைத்தல். நான் எப்பொழுதும் என் குழந்தையிடம் அது மாதிரி நடந்து கொள்கிறேனா என்றால் இல்லை என்பேன். ஆனால் அவளுக்குப் பிடிக்காததை அவளிடம் திணித்தால் அதன் நெகடிவ் எபெக்ட் தெரிந்ததால், ஆர்மில்லாததைத் திணிப்பதை முடிந்தவரை குறைத்திருக்கிறேன்.

குழந்தைகளின் கற்கும் முறை பெரியவர்களின் கற்கும் முறையை விட மிகவும் வித்தியாசமானது. குழந்தை தன் இடத்திலிருந்து சுற்றி இருப்பவர்களிடமிருந்து கற்றுக் கொண்டேயிருக்கிறது. நான் ஒரு புத்தகத்தில் படித்திருக்கிறேன் - எவ்வாறு குழந்தை பேசக் கற்றுக் கொடுக்காமலே பிறர் பேசுவதிலிருந்தே கற்றுக் கொள்கிறதோ அதே போல் நாம் சொல்லிக் கொடுக்காமலே தன்னிடம் வாசித்துக் காட்டப்படும் வார்த்தைகளை வைத்தே வாசிக்கக் கற்றுக் கொள்ளும் தன்மை உடையது. குழந்தைகளின் உலகம் அழகானது. அது வெறும் A,B,C யில் கழிய வேண்டாமே.

இந்த பயிற்சி உட்கார பழகிய குழந்தையுடன் செய்யலாம். ஒரு ஷு டப்பாவில் ஒரு வழியை சொல்லோ டேப் போட்டு ஒட்டி விடவும். மேல் பகுதியில் ஒரு பந்து அளவு ஒட்டை போடவும். குழந்தையை அழைத்து பந்துடன் சில நேரம் விளையாடவிடவும். cause & effort பழகிக் கொள்ளட்டும். முடித்தவுடன் பந்தை ஒட்டை வழியில் உள்ளே போடவும். In என்று சொல்லவும். மீண்டும் வெளியே எடுத்து out என்று சொல்லவும். குழந்தை செய்ய தொடங்கியவுடன் இன், அவுட் என்று ஒவ்வொரு முறையும் சொல்லிக் கொண்டுயிருக்க வேண்டும். ஒன்றரை வயதிற்கு மேற்பட்ட குழந்தை என்றால் இரண்டு பந்துகள் வெவ்வேறு நிறத்தில் எடுத்துக் கொண்டு கலர் சொல்லி, ரெட் பால் இன், ப்ளூ பால் அவுட் என்று கலர் சொல்லிக் கொடுக்கலாம். இந்த பயிற்சி கை கண் ஒருங்கிணைப்புக்கு மிகவும் ஏற்றது. கவன ஒருங்கிணைப்புக்கும் ஏற்றது. கலர் சொல்லிக் கொடுக்க, ஷேப் சொல்லிக் கொடுக்க பயன்படுத்தலாம்.

இந்த வயது குழந்தைக்கு வெகு நேரம் ஒரு இடத்தில் இருக்க முடியாது. அதனால் அவர்கள் செய்யும் நேரம் இரண்டு நிமிடங்கள் கூட இல்லாமல் இருக்கலாம். ஆனால் நாட்கள் செல்ல செல்ல அவர்களின் செய்யும் நேரம் அதிகரிக்கும். இதை நான் கண் கூடாகப் பார்த்திருக்கிறேன்.

ஒவ்வொரு குழந்தையும் சற்று வித்தியாசமானது. சில குழந்தைகள் செய்யும். சில குழந்தைகள் செய்யாது. அவர்கள் ஆர்வத்திற்கு விட்டுவிடுவோம்.

வாழ்த்து அட்டை

2010-09-30T07:36:00.003+05:30

தீஷுவின் வ‌குப்பில் இர‌ண்டு ஆசிரியைக‌ள் ம‌ற்றும் ஒரு உத‌வியாள‌ர். ஆசிரியர் தின‌த்திற்கு அவ‌ர்க‌ள் அனைவ‌ருக்கும் வாழ்த்து அட்டைக‌ள் கொடுத்தோம். எப்பொழுதும் போல் தீஷு செய்த‌தாக‌ இருக்க‌ வேண்டும் என்ப‌து என் விருப்ப‌ம். சார்ட் பேப்பரை வெட்டி கொடுத்தேன். முன்பு நான் பெயிண்டிங் கிளாஸ் சென்ற‌ பொழுது சொல்லிக் கொடுத்த‌து இந்த‌ வ‌ரைமுறை.

ஒரு த‌டிம‌ன் நூலை விர‌லில் சுற்றிக் கொள்ள‌ வேண்டும்.

சுற்றிய‌ நூலில் வ‌ரி வ‌ரியாக‌ ஒவ்வொரு க‌ல‌ராக‌ பெயிண்டை த‌ட‌வ‌ வேண்டும்.

நூலை எடுத்து, சார்ட் பேப்ப‌ரில் வைத்து, ஒரு நுனி ந‌ம் பக்க‌த்தில் இருக்கும் ப‌டி பார்த்துக் கொள்ள‌‌ வேண்டும். மேல் ம‌ற்றுமொரு காகித‌ம் வைத்து, நுனியை இழுத்தால், நூலிலுள்ள‌ பெயிண்ட் காகித‌த்தில் வ‌ரைந்து அழ‌கிய‌ டிசைன் உருவாக்கும்.

தீஷு ஒரு வாழ்த்து அட்டை ம‌ட்டும் இது போல் செய்தாள். அவ‌ளுக்கு படி படியாக எவ்வாறு செய்ய‌ வேண்டும் என்று procedure பின் ப‌ற்றுவ‌து பிடிப்ப‌தில்லை. அவ‌ளாக‌வே செய்ய‌ வேண்டும். ம‌ற்ற‌ இரு அட்டைக‌ளும் அவ‌ள் விருப்ப‌த்திற்கு செய்தாள்.

Tie dying

2010-09-29T06:17:00.006+05:30

மருந்து கொடுக்க பயன்படும் dropper மூலம் தண்ணீர் ஒரு கிண்ணதிலிருந்து மற்றொரு கிண்ணத்திற்கு மாற்றும் பயிற்சி முன்பே செய்திருக்கிறோம். இப்பொழுது சற்று வித்தியாசப்படுத்தி எங்களிடமிருந்த மீன் பொம்மையின் குழி பகுதியில் தண்ணீரை விட வேண்டும். டிராப்பர் மூலம் தண்ணீர் மற்றும் பொழுது எழுத பயன்படும் விரல்களுக்கு வேலை கொடுக்கப்படுகிறது. மேலும் அகலமில்லாத பகுதியில் தண்ணீர் மாற்றும் வேலை கை கண் ஒருங்கிணைப்புக்கும் ஏற்றது.

தீஷு விருப்பமாக செய்தாள். அவளின் ஆர்வத்தைத் தக்க வைக்க சிறிது கலர் கலந்து சிகப்பு கலர் மற்றும் பச்சை கலர் தண்ணீர் கொடுத்தேன். அவள் மீனை நிறைத்தவுடன், அதன் மேல் டிஸ்யூ பேப்பர் போட்டு கலர் தண்ணீரை எடுத்தோம். டைய் (dye effect) போல் அழகாக வந்திருந்தது. பச்சையிலிருத்து பிரிந்திருந்த நீலம் என பார்க்க அழகாக இருந்தது.

ஒரு மாண்டிசோரி பயிற்சியை பெயிண்டிங் ஆக மாற்றியதில் எனக்கு சந்தோஷம்.

கலர் கோலப்பொடி

2010-09-23T14:03:00.001+05:30

நான் பொம்மைக்கடைக்குச் செல்ல நேர்ந்தால், ஏதாவது விளையாட்டின் ஐடியாவை தீஷுவின் வயதிற்கு ஏற்ப மாற்றி வீட்டிலேயே செய்ய முடியுமா என்று பார்ப்பது என் வழக்கம். வண்ண மணல்களை கண்ணாடி பாட்டிலில் போடும் ஒரு செயல்முறை விளையாட்டைப் பார்த்தவுடன் இதை வீட்டில் செய்யலாம் என்று நினைத்து ஐந்து ஆறு மாதங்கள் ஆகி விட்டன. தீஷுவிற்கு மணல் அலர்ஜி என்று தெரிந்தவுடன், உப்பு அல்லது கோலப்பொடி கொண்டு செய்யலாம் என்று நினைத்திருந்தேன். கலர் கோலப்பொடி வீட்டில் இருந்தது.அதைக் கொண்டு செய்தோம்.

ஒரு காலி பாட்டில் எடுத்து, அவற்றில் ஒவ்வொரு கலராக கலர் கோலப்பொடி போட வேண்டும். தீஷு விருப்பமாக செய்தாள். அடுத்த முறை செய்தால் கண்ணாடி பாட்டிலில் தான் செய்ய வேண்டும். இன்னும் கலர் நன்றாக வெளியே தெரியும். பாட்டில் ஏதாவது வித்தியாசமான வடிவத்திலிருந்தால் அழகாக இருக்கும்.